ISAYA 65:2 - PIPÏLIA

² Kyomitan kïpsach osis atak pich cho le penyï, cho ighöy tïkwïn cho ghach akïrïpöy ortïnekwa kegh.

ISAYA 65:2 ပူးပေါင်းရင်းမြစ်များ

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

TUMWÖY 36:4

Nonöy ghöyityö otini rïwöy, möminye kïgh nyo karam nyo ighöy, amötöghonye kïgh nyo gha.

TUMWÖY 36:5

Itöy chomnyengu nyo pö kokay yïm, we ECHOTYON, aketwoytoninyi kegh ntökwit poltoy.

NGÖTÏNYÖ 1:24

Ompöwölo kyokursyan, ataghakwa ongitonchenö, kyoghïtan ewunyu akimöminye chi nyo kiyang,

NGÖTÏNYÖ 16:29

Kïnkïnöy chi nyo körom pöröryenyi, akumït nyinte kïrïp or nyo melö karam.

ISAYA 1:2

Kilö ECHOTYON, “Atera yïmwöy aikap yitïn ngwïnya, Otïngön monïng cho kyanaman ntökïyetu, Wölo kanget ye kïpenyanïn

ISAYA 1:23

Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

ISAYA 30:1

Lentöy ECHOTYON, “Heywey! Ochech pich cho pöytoy koro Yuda, ompöwölo kapeny chane ngalechan. Mito chane kïrïpöy tötut cho melö kyotönön chane, akwam mumos cho melö kyomwochan akïtosyï kegh ngokï kïchangit.

ISAYA 30:9

Chumpönöy chane nko Tororöt kïtenö osis, mïröy ngat putintön kïnomnyö akïtagh kïlïm kinetut pö ECHOTYON osis lapay.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 55:8

Ompöwölo lentöy ECHOTYON, “Melö karkegh kinonutköchan nko chikwa akïlowöch ortïnechan nko chikwa.

ISAYA 63:10

wölo kïpeny ngalechi akwigh nyinte kuwongwï ompö chane. Nka nyoni kilïkwï ECHOTYON punyontengwo nyo kiporyeghö chane.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.

ISAYA 66:4

Kïlenyona opchinan kiwurat nyo nyoruno tïkuchini otyegho chane, ompöwölo puryö chi nyo kingitön otini kyokursyan anta lïm ngölyontenyan otini kyongölonchan.”

YEREMIA 18:12

Wölo mwoghöy chane lö, ‘Wechï kwïle choni ngale! Kighecha lenyini kikemwagh, kïrïp kegh nko oghïghyö nko ghöyïn pö mïkulisköcha.’ ”

YEREMIA 3:17

Kïkuro osiswechoni Yerusalem, “Ngacharu paytaghpa ECHOTYON,” wölo ghömechini pipö koros löwïr ompö tawunyan kïsaghanïn amelö tökïpïrchini ngat kwighöy möchutko mïkuliskökwa cho ghach.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

YEREMIA 5:23

Wölo tïng pïchï mïkulöwu tighintön nko penyat, kipïstanïn akïmasta kïpechï kegh.

YEREMIA 7:24

Wölo melö kiter kutinyan akipechï kwigh kïrïp kegh nko kinonutkökwa kegh nko tighintöno mïkuliskökwa cho kinyïghï ghöyityö akuyoda kegh löt nyo kötö petöy tagh.

KIYITUT 15:39

Atö kilïku sowowchoni kinonut ompö akwa. Otini kasïwekwa ananakwa ngalechan akonyït, tömarïpakwa kinonut pö mïkuliskökwo nko pïrchin pö konyikwo.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

LUKA 13:34

“Ochech Yerusalem! Nkepar werkoy aiwira koghïn kiyoktoghi Tororöt cho kikïyonunyi. Kyaghamïtan piköku löwïr kïnyïl cho tya le wölo ghömïtïto kokorochö warechi ompö köpepoy, wölo kimepïswanïnyinye.

RUMI 10:21

Wölo mwoghöy ompö pipö Israel lö, “Kyoghïtyan ewuno linyogh kwimön pich cho le tighï akï penyi.”

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

KINONO KIRURUT 29:19

Atömötöp chichoni otini kalïm ngalechï pö muma, kunonchï kegh lö, mönyorunye nyinte chïpötononi otini karïp machateto mïkulöwunyi kipeny ngalechï. Wonyokwa lömïs penyatanoni ato kochï karamach anta kochï ghach.

KINONO KIRURUT 31:27

Onkïtön penyatenkwa nko wölini otïngetekwa mötöw cho ongeröch. Ato openyekwa ECHOTYON le nyï otï tochan satate, ekïlïku ne otinö karapasan?

KINONO KIRURUT 9:7

“Mowutyeghö wölanye kyadekwa ECHOTYON Tororötïnkwa kïnarek ompö surkwen, kïngata asisanye kyapkanekwa koro Misri ntökïtenö atunakwa wölete wölï, ompöwölo kyalïkukwa pich cho kyapeny ECHOTYON.