ISAYA 65:11 - PIPÏLIA

¹¹ “Wölo sisitu ompö akwa chona kataghanïn, chona osösöy Sayon,* kutïngtönyan nyo tïlil, apechï asagh Kad nko Meni cho le tororötino töpkotut nko rurïny.

ISAYA 65:11 ပူးပေါင်းရင်းမြစ်များ

2 PÖYTOGHÏ 21:3

Kitek nyinte ngat wölo kïsogho körkeyïntin cho kinyar paponyi Esekia. Kitek ato kïpelo amöroso Paal* akwigh körkeyïn nyo pö tororöt nyo le korka nyo kikuro Asyera.* Kigh nyinte le pöytoghin Aap nyo pö Israel. Kisagh nyinte tïpö yïm löwïr,

1 OTÖPTINO OSIS 28:9

Kïlenchï Daudi Solomon, “Werïnyu, inkïtï Tororöt pö papongu aipöghisyechï nyinte ompö mïkulögh akonga nko kinonut akonga. Nkït nyinte kinonsyewutköcha nko möchutköcha, ato iwechinyi nyinte kïtokinyi. Wölo ato itaghanyi nyinte, kïtöghinyi kokay.

TUMWÖY 132:13

Kakïl ECHOTYON Sayon,* akwigh kïlïkwï möngenyi.

TUMWÖY 137:5

Ato owutyegheninyi, we Yerusalem, igh ewunyan nyo pö tagh kïwutyeghö pïkan!

ISAYA 1:28

Wölo wuröy nyinte mwokïyis nko penyï löwïr nko chane tïkwïl cho pïstoy ECHOTYON.

ISAYA 1:4

Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

ISAYA 11:9

Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 57:13

Akanya kïsörwokwa tororötinechï pö körkeyïntin otini orirchinekwa chane! Kutïtoy chane yomat! Poto pich cho ghönanïn cho möngöy kor akïsaghanïn ompö Konyan nyo pö saghat.”

ISAYA 65:25

Oketïyi suyï tïkwïl nko wara kechir. Omöy ngötunywö sus le tïch amelö tökesïko meghat moroyut. Mökïminye kïgh kutïng pö Sayon* nyo ngwan anta mwokïyon.”

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

YEREMIA 17:13

Nyi, we ECHOTYON, nyo ichï kikönöto Israel. Nömöy arasï chi anka tïkwïl nyo töghinyi. Potyot pich cho pïstoninyi le kaynötut cho kikikirchï terïtyon. Ompöwölo kïpïstinyi chane, we ECHOTYON, nyi nyo ichï kompö pögho söpon.

YEREMIA 19:4

Oghan lenyoni ompöwölo kataghanïn piköchan akusïmnyon yete otï pelöy amörostin kïsoghöy tororötino putintön cho kimenkïtcha papotïnekwa nko pöytoghi Yuda akupïrirö yete kisön pö pich cho mötïng lelut

YEREMIA 2:28

“Ayo, mi onö tororötineku chay keghchinyi kegh? Ne mapka kungarakinyi ato muköy otini kechumchinyi nyarïl nya? Olentan chang tororötineku nya, we Yuda, tenö kanastineku!

YEREMIA 7:18

Rïngu kwen monïngö, kuna mot papotïne, kïtïntïr yotïnö pïsye chi kigho makatin cho kïropchini tororötïngwa nyo le korka nyo kighöy Pöytoghinto Yïm. Atolapay, kïpighchï dipay* le ropöw tororötine walaka akïlentöy tökïngwonchanïn.

KINONO KIRURUT 32:17

Kipelchï chane amörostin tororötin cho möle, tororötin cho kimenkïtcha chane tororötin cho sis cho kimökonyïtcha kukötinekwa.

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.