ISAYA 64:8 - PIPÏLIA

⁸ Wölo ichinyi paponcha, we ECHOTYON. Kïlatecha mönö ilatenyi ighinto tören. Kighechanyi,

ISAYA 64:8 ပူးပေါင်းရင်းမြစ်များ

AYUPU 10:3

Karam so ompö nyi otini imitenyi ireyanïn? Karam so otï imitenyi söse ompö nyini kighanyi, aingwangwan tötut pö mwokïyis?

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

TUMWÖY 119:73

Kighaninyi ewuneku kuten, konante chïreryö atanetan kegh kirurutköku.

TUMWÖY 138:8

Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.

TUMWÖY 74:1

Ompö ne tepïstechanyi kokay nya, we Tororöt? Inörekyinenyi kechiryeku so?

TUMWÖY 95:6

Apkana kengïrukisyenö akesagh nyinte, kekïtïngenö tawu ECHOTYON Ighintenyo!

WUWÖT 32:12

Imökenyi tökïmwa pipö Misri lö, ‘Kimïtuna chane koro Misri atökwighchï ghöyityö, kïpar chane ompö kutïngkot akuwany ompö ngwïny?’ Waghakena ompö nörekyengu aipïstö ghöyityonï imöchenyi ighchine piköku.

WUWÖT 4:22

Ailenchï Parao, ‘Lentöy ECHOTYON, Israel kï werïnyan nyo le poret,

ISAYA 19:25

Soyönöy ECHOTYON Kimuktoghin chane akïlenchï, “Osoyönokwa pikachu, pipö Misri nko akwa pipö Asirya cho kyaghakwa nko akwa pipö Israel cho ochï kïlankachan.”

ISAYA 29:16

Wöghököy chane kïgh anka tïkwïl kïchumpön. Akupim kïsïkwï lö ekïngo köny nyo pïchigh tya, ighinto tör nya anta mönö? Muköy so kïgh nyo kegh chi, kïlenchini chichini kigh, “Melö kighaninyi?” Ante lenchï, “Melö inkïtönyi kïgh nyo ighöy?”

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 44:21

Lentöy ECHOTYON, “Nana we Yakopo ngalechï, nana we Israel lö ichinyi mötworintenyan. Kyaghinyi atepöghisyewanïn, amelö owutyegheninyi, we Israel.

ISAYA 44:24

Lentöy ECHOTYON, sörunintengu, nyo kighinyi ompö muyeto yongu, “Ochan ECHOTYON nyo kyagh tïkwïn löwïr. Ani onkït nyo kyoghïtö yïmwöy, aghan ngwïny onkït ompö owesyenyan kegh.

ISAYA 45:11

Lentöy ECHOTYON, Tororöt pö Israel nyo Tïlil Ighintenyi, nyo sötöy osis cho tökïpkonöy, “Motïngkwanye man atepanïn kïgh paraku monechan, anta omwowanïn kïgh nyo mïchini aghan!

ISAYA 45:9

Ochech chi nyo mölöy kegh nko Ighintenyi, mönö nyo mölöy kegh nko egh nyo kigh nyinte! Tepöy so mönö ighinto tör lö, “Ighenyi ne?” Anta lenchï ighintenyi, “Ne nyu menkït kwigh kïgh nya!”

ISAYA 57:16

Kyotönön pikachu söpon amelö toletan tagh orwokyini chane anta anarek nko chane kokay.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 63:16

Ompöwölo ichinyi paponcha, kïrkegh kïmenkïtechanye kukötinecho ompö Apraam nko Yakopo, wölo nyi, we ECHOTYON nyo ichï paponcha. Nyi nyaye isörwecha kïnomnyö.

ISAYA 63:8

Atolapay kïlö ECHOTYON, “Piköchan chane, melö lïsanïn.” Kïlenyona kisörunö chane

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

MALAKI 2:10

Ayo, melö so kïchicha monïngo papo akonga? Melö so Tororöt akonga nyo kighecha? Kwompö ne nyu tömökighönecha kegh achane ntökunka nyï kegh muma nyo kyam Tororöt nko papotïnecha kïlïkwï kwïle?

YOANA 8:41

Kaghakwa ighisyewutchoni kigh papotïnekwa.” Kuyokyï chane lö, “Tororöt nyinte onkït nyo le Paponcha. Kïchicha werkachi nyoman, melö kikïsïkecha ompö ara cheporesnan.”

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

KALATIA 3:29

Ato kalïkukwa yïyo Kristo, kïkalïkukwa nyu yïyo Apraam cho omïlöy tïkuchoni kiyomisï Tororöt.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

KINONO KIRURUT 32:6

Oghchinekwa ECHOTYON so kïgh nyo gha lenyoni, akwa sölwöyichï söngengöch? Paponkwa nyinte nyo kighakwa, akïkonokwa söpon.

KINONO KIRURUT 9:29

Akwanyï piköku chane kegh, cho kimïtunenyi Misri ompö owesyengu nyo wow.’