ISAYA 64:11 - PIPÏLIA

¹¹ Kikuwur ma kongu nyo tïlil, wölo kisogho akïsöleninyi papotïnecha. Kikïlïkwï kïratis wölo kikïchömecha löwïr.

ISAYA 64:11 ပူးပေါင်းရင်းမြစ်များ

1 PÖYTOGHÏ 8:14

Kïwaghaka pöytoghintö Solomon kïtopön pïchay kimi kughyongöy akïsagh Tororöt kusoyön chane.

1 PÖYTOGHÏ 8:56

“Nya kïsala kaynata ECHOTYON nyo ketö kalya pikachi Israel, kïrïp kegh nko kiyomisötenyi. Möminye ngölyon nyo le ompö akonga nyo köngötï metïta ompö kirurutkachi löwïr cho pö töngönchin, cho kimwowï mötworintenyi Musa.

2 PÖYTOGHÏ 25:9

Akïpel Kö pö Tororöt nko kö pö pöytoghin nko korïn löwïr cho pö Yerusalem nko kö anka tïkwïl nyo ki wow.

2 OTÖPTINO OSIS 36:19

Kïpel Kö pö Tororöt akurultö nïyetwo Yerusalem akïpela ma kori pöytoghin cho pö paytagh akunyar kari löwïr cho pö olyot nyo wow.

2 OTÖPTINO OSIS 6:4

Kïlö, “Nya kïsala ECHOTYON Tororöt pö Israel nyo ompö owesyenyi, kikupuntö ayomistanyi nyo kiyomis paponyan Daudi, kïlenchï,

2 OTÖPTINO OSIS 7:3

Otini kisïwa pipö Israel löwïr ma kïröku nko ororyo ECHOTYON nyo kilum Kö pö Tororöt, kungïrukisyö ompö otini kighyongo ntökïswany tokochwekwa ngwïny akïsagh kïpïrchï ECHOTYON sörö kïlentöy, “Karam ECHOTYON nyoman, pö kokay chomnyenyi.”

2 OTÖPTINO OSIS 7:6

Kighyö tïsï kïrïp kegh nko wölo kightoy chane ighisyö nko pipö Lawi cho kitïng pïkantis cho kikïtumchinegho ECHOTYON cho kigh pöytoghintö Daudi cho kiyokyinegho ECHOTYON sörö, ompö chomnyenyi nyo pö kokay otini kipïtöy Daudi kutötoy sörö ompö onkuntö anka, kïmi tïsï kïkutöy kontin akighyongöy nyu Israel kïmïkul.

ISAYA 63:18

Kitukecha piköku cho tïlilöch, pungköcho ompö osis cho ngörï. Kitïkatïk chane kongu nyo tïlil.

YEREMIA 52:13

Atolapay kïpela ma Kö pö Tororöt nko kö pö pöytoghin nko korïn löwïr ompö Yerusalem. Kimöminye kö nyo wow nyo kingötï makïpel.

LOK 1:7

Kenan Yerusalem osiswo pöghisyö nyo kipö tagh otï kalïkwï kïratyan le nyï, Kapka pung kïnam nyinte amelö mi nyo kingwïn kïsörï nyinte, kïroröchï pung otini kikïrïnta nyinte.

LOK 2:1

Keluma Echotyon Sayon* tuwïn pö nörekyenyi. Kewur nyinte tïkwïn cho kikuso kegh pipö Israel kïlïkwï kwïle. Amelö kitökunan ompö nyini le Konyi nyo pö saghat, ompö asisoni pö nörekyenyi.

LOK 2:7

Kichal Echotyon wölo kïpelo amörostinechi akuchal tïkwïl konyi nyo tïlil Köpïsï pung kurultö nïyet cho pö kanastinechi atolapay kuteghyeghö chane wölo kikïsoghocha ECHOTYON ompöwölo kirïntecha Kiteghyö ompö ngörekyö le nyo pö asispa ichon.

ESEKEL 24:21

lenchinö pipö Israel, lentöy Echotyon TORORÖT: arosa osïmnyonan Konyan nyo tïlil. Wonyot kiwulata owesyenkwa nko tïkwïn cho okwolokwa kegh nko cho ochömekwa löwïr.

ESEKEL 24:25

Kïlenchanïn ECHOTYON, “Wero chi, ye ochengenan pïchï Konyan nyo kökwolo kegh nko akïngörekyï, nyo kichömöy kïpetöy kurosöy. Ochengenan tïkwïl chane monekwa.

SAKARIA 1:12

Kïlö malaykayan ECHOTYON, “We ECHOTYON Kimuktoghin, inörekyinenyi nko oyï pipö Yerusalem nko kanastina Yuda, chï kinörekyinyi könyis 70 amesyonchï?”

MATAYO 24:2

Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.