ISAYA 63:9 - PIPÏLIA

⁹ nyarïltangwa. Melö ki malaykayan, wölo nyinte ECHOTYON nyo kisörï chane. Kisörï chane ompö chomnyenyi nko ompö kisyonötenyi. Kiripöy nyinte chane ato le tagh kïnomnyö,

ISAYA 63:9 ပူးပေါင်းရင်းမြစ်များ

TOWUNÖT 48:16

Nya kusoyön monechï malaykayan, nyo kisörwanïn ompö ghöyitwok löwïr akekurteghö chane kaynenyan nko nyo pö papotïnechan Apraam nko Isak, oyiyö atösisyö achangitï ompö ngwïny.”

AYUPU 37:23

Mökimukechanye ketyine Kimuktoghin, awes nyinte akï pö man, menyörilönye pich, tïlil nyinte tya.

TUMWÖY 25:22

Isörunö piköku Israel kömpölelutkökwa, we Tororöt! Tum pö Daudi.

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat

WUWÖT 14:19

Kïmïla malaykayantanay kintöghoghchini pipö Israel kïwö lötungwa akïwö pchöri poltonay kimi tawungwa kutang lötungwa

WUWÖT 15:13

Kintöghoghchinyi piköku cho kisörunyi lenyini kiyomisönyi, kiripönyi chane ompö owesyengu ntökwit korengu nyo tïlil.

WUWÖT 19:4

‘Kasïwekwa kïgh nyo koghchan pipö Misri apunenokwa köpepoy le sich nyo ipöy warechi apkanakwa wölo omitan.

WUWÖT 33:14

Kïlö ECHOTYON, “Owetan nko nyi akoninyi rïntagh.”

WUWÖT 33:15

Kïlö Musa, “Ato mewetenyinye nko acha, kïmelö kïngetocha yi.

ISAYA 43:1

Kangalan ECHOTYON, nyinte nyo kighinyi we Israel lö, “Mewöghisyö, osörunyi. Kokurinyi ompö kaynengu, ichinyi nyinyan.

ISAYA 43:4

Oghan pipö punton löwïr kïsöru söponwekwa ompöwölo ochikwa pïchighöch tya ompö ani nko ompöwölo ochömokwa, akonokwa konyït.

ISAYA 48:20

Apeghena koro Papilon, kiketyakakwa! Amwatïtena lökoye ompö ngörekyö, akanya kenkïtunö wop anka tïkwïl lö, “Kösörï ECHOTYON mötworintenyi Yakopo!”

ISAYA 51:10

Mö nyi nye so nyo kigh nanam kïteny, aigh or nyo kiwer pögh kwen atökumï pïchoni kisörunyi kwoghyö?

ISAYA 52:9

Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.

DANIEL 6:22

Keyokwï Tororötïnyan malaykayantenyi kungwïn kïkar kutuwa ngötuny. Möminye wölo kedanïn, ompöwölo möminye kïgh nyo gha nyo kyaghan ompö nyinte nko ompö nyi, we pöytoghin.”

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

YOEL 2:18

Kunan ECHOTYON korenyi akusyonchï pikachi.

SAKARIA 2:8

Kiyoktanïn ECHOTYON Kimuktoghin ompö ororyenyi owö omwochï koros cho kirang pikachi kipa pïnotön lö, “Kor anka tïkwïl nyo swongöy piköchan kïlenye ato körïtanïn kong nyini tuw.

MALAKI 3:1

Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

MATAYO 25:45

Yokyini nyu pöytoghinto chane lö, ‘Omwowokwa nyoman lö, le wölini kyataghakwa oghchinö ngalechoni akonga ompö monechï mïnkech, kï kyataghakwa oghwanïn.’

LUKA 15:5

Otini könyörï, kïngarak nyoman akïkasana pughwayichi.

IGHISYEWUT 12:11

Atolapay kïpköchï Petro nyo pö nyoman lö, kitökikungwïna nyinte chela ori, kïlö, “Konkïtwan ye nyu nyoman lö köyonï Echotyon malaykayantenyu kungwïn kïsörwanïn atömechopanïn kong Erode, akïsörunenanïn tïkwïn lapay cho kömököy pipö Yaudi kwighwanïn!”

IGHISYEWUT 7:38

Ki nyinte nyoni kimi nko pipö Israel ompö sïrkwen. Kimito nko kukötinecho nko malaykayan nyo kingölonchï nyinte ompö kutïng pö Sinay. Kïtacha wöloni ngölyonto Tororöt nyo satate akïkonecha.

IGHISYEWUT 9:4

Kupïtyï ngwïny akïlïm kut nyo kilenchini nyinte, “Saulö, Saulö! Ompö ne techopaninyi kong?”

1 KORINTO 10:9

Amöketyam Echotyon le wölo kida walaka ompö chane, kuwany moroyut.

KINONO KIRURUT 1:31

nko ompö surkwen. Kyasïwekwa wölanye kikasantekwa ECHOTYON Tororötïnkwa kïle wölini kösöntoy chi werïnyi ompö arananye kyapekwa ntökïtenö atunakwa koronï.’

KINONO KIRURUT 4:37

Akwompöwölo kicham nyinte papotïnekwa akïkïlakwa atolapay kumïtunenokwa koro Misri ompö owesyö nyo wow.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 2:18

Nyo muköy ye nyu kungöroköy pich cho kityömöy, ompöwölo kikïtyam nyinte tïkwïl akechop kong.

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

KIRWOKÏ 10:16

Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.