ISAYA 62:9 - PIPÏLIA

⁹ Wölo omekwa cho kyasïnga akatkat ail atolapay asalakwa ECHOTYON. Ogheghekwa dipay* ompö kiroryo Konyan nyo pö saghat, akwa cho kyorip apïtï sapipunechoni.”

ISAYA 62:9 ပူးပေါင်းရင်းမြစ်များ

ISAYA 55:2

Ompö ne topöghisyeghenö ropïyen ompö tïkwïn cho metöni chi pïghyöny? Ompö ne tasïngena tïkwïn cho mesöy pich? Atere lasiny ngalechan tama cho karamach, angörökyï cho okwoghöch.

ISAYA 65:13

Nyo omwowokwa ye nyu lö nyoru omisyö nko pögh pich cho soghanïn akïrïpöy ngalechan, poto akwa cho osutyot akwamak maral. Ngörekyot chane wölo onyorunekwa arasï.

ISAYA 65:21

Teköy chane korïn akïmang, kötkötöy keti sapipun akwa akwekwa.

ISAYA 65:22

Melö teköy akïmang chitö anka. Melö kötkötöy akwam chitö anka. Ompöwölo kïtenö wölo tenö könyiswo ket, kïtenö choni könyiswo piköchan. Ngörökyini ighisyewutkökwa cho kighota chane.

YEREMIA 31:5

Ikötkötenyi ngat keti sapipun, ompö kutïngkoti Samaria. Kötkötöy ngorï, akïngörökyï kwam akwe.

ESEKEL 40:14

Kupim tïkwïl kö nyo kimi sörömu korichay kikingar, kïlïkwï miten taman ompö töpesïn.

YOEL 2:26

“Onyorunekwa omisyö nyo wow nyo omekwa opïghyongöy. Asalakwa kaynata ECHOTYON Tororötïngwo, nyo keghwakwa ngal cho pö töngönchin. Amökïminye chi nyo tökutöni piköchan arasï.

SAKARIA 3:7

“Lentöy ECHOTYON Kimuktoghin, ato irïpanyi ortïnechan aigh pöghisyenyan lenyini komwowunyi oghinyi lïkuna tïsin nyo ghyongchini Konyan ori nko santa tïkwïl. Ochömunyi nyonö ghyongenö tawunyan le malaykenichï mi yi.

KINONO KIRURUT 12:12

Atongörökyinökwa ECHOTYON Tororötïngwo nko monekwo nko mötworikwa nko pipö Lawi cho mi kanastinekwa, ompöwölo mötïngcha chane kor nyo le nyingwa.

KINONO KIRURUT 12:7

Kïkany otini komisyekwa ompö wölo mi ECHOTYON Tororötïngwo nko piko kongwo, ongörekyö ompö kïgh anka tïkwïl nyo kotötekwa, ompöwölo kesoyönokwa ECHOTYON Tororötïnkwa.

KINONO KIRURUT 16:11

Ngörökyinö nyu ECHOTYON Tororötïngu, nyi nko moneku nko mötworiku löwïr nko pipö Lawi nko ton nko panan nko mïsïk cho mi kanastineku. Igh lenyoni ompö wolini kakïl ECHOTYON kesagha nyinte.

KINONO KIRURUT 16:14

Aingarak nyu nko moneku nko mötworiku nko pipö Lawi nko ton nko panan nko mïsïk cho mi kanastineku.