ISAYA 62:2 - PIPÏLIA

² Sïwïyi pipö punton, we Yerusalem lö kerïntenyi! Sïwïyi pöytoghikwa löwïr ororyengu akïmïnchinyi kaynat nyo rel, kaynat nyo konu ECHOTYON nyinte.

ISAYA 62:2 ပူးပေါင်းရင်းမြစ်များ

TOWUNÖT 17:15

Kïlenchï Tororöt Apraam, “Melö mïchini ngat kurenönyi korkengu Saray, kurenö kaynenyi kïngata ye kutang tagh Sara.

TOWUNÖT 17:5

Amelö tökekuro kaynengu ngat Apram, wölo kïkuro Apraam, ompöwölo kaghinyi lïkuna papo pö punton cho chang.

TOWUNÖT 32:28

Atolapay kïlenchï chichay, “Melö tökekureninyi ye Yakopo, wölo Israel, ompöwölo keporyenyi nko Tororöt nko pich airïntonenyi.”

TUMWÖY 98:2

Keporï ECHOTYON rïntaghtanyi, keporchï punton owesyenyi nyo söru pikachi.

ISAYA 1:26

Otöninan pöytoghiku kirurut cho kongityot nko cho kipö tagh. Kïkuro nyu Yerusalem kanasyan nyo pö man, nyo ghanate.”

ISAYA 26:2

Ayata ortïna kanasyan, akany kïlït ori korö nyo ghanate, koronï ighöy pikachi man.

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 56:5

kïnyorunenanïn kïgh nyo karam kïtïl monïng cho le wor nko tipïn, amelö kïwutyegho nyinte.”

ISAYA 60:11

Yotisyot ortïnekwa osis tïkwïl, mökörönye chi pöghet nko nangat, atökumï nyu pich kwipkokwa sïkönötengwa, ipu chane akupoyonu nko pöytoghikwa.

ISAYA 60:16

Pöghinyi pipö koros, pöghoninyi pöytoghï omisyo nyo karam. Inkïtunenyi nyu lö ochan ECHOTYON Sörunintengu, akï Ghetintengu, Tororöt pö Yakopo nyo awes.

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 61:9

Ororitu piko arengwa ompö pipö koros, akunkïtu chi anka tïkwïl nyo sïwïyi lö, pich chane cho kakusoyön ECHOTYON.”

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

ISAYA 62:4

Melö tökekuroninyi ngat lö, “Nyo kikepïstö,” anta kïkurö korengu, “Korka nyo kikechal.” Kïkuro kaynengu nyo rel, “Nyo ngörökyini Tororöt,” kekurö korengu, “Nyo kiketar.” Ompöwölo ngörökyini ECHOTYON, akeyitöy nyinte le santeto korengu.

ISAYA 65:15

Pöghisyegho piköchan cho le kïlan kaynatenkwa kïchïpisyegho. Ani Echotyon TORORÖT nyo otïghokwa. Wölo otöninan kaynat nyo rel pich löwïr cho tekanïn.

ISAYA 66:11

Atongörökyenö nyu le monïng nyo chïchïnöy kitïneto kame.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

IGHISYEWUT 11:26

Nyini kinyorï, kumïtï nyinte kutöngwï Antiokia. Kumpur wöloni köny akonga kïmïkul, kuryam nko pipö kanisa akunet pich cho chang. Ki Antiokia nyo kikïtowunö kekurö pich cho kile kighönï pipö Kristo.

IGHISYEWUT 26:23

lö, kichopöy kong Kristo,* atökïlïkwï nyo tagh nyo tutuno pich cho kimeghö, atökïmwochï pipö Yaudi nko pipö punton lö, kimuköy kesöru chane, köröy kegh nyoni nko löpoyïn ompö chane.”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.