ISAYA 61:8 - PIPÏLIA

⁸ Mwoghöy ECHOTYON lö, “Ochöman man, wölo otöghan wököt nko rïmö Otöninan pikachu ropöw ompö kighanat, aman muma* nyo pö kokay nko chane.

ISAYA 61:8 ပူးပေါင်းရင်းမြစ်များ

TOWUNÖT 17:7

“Okïninionan mumenyan nko nyi nko moneku cho rïpunyi nko pïnwöyikwa, tökïlïkwï muma nyo pö kokay, nyo poru lö olïkunan Tororötïngu alïkwan Tororöt pö moneku cho rïpunyi kokay.

2 SAMWEL 23:5

“Soyönöy Tororöt konyan, ompöwölo kyam nyinte muma* nyo pö kokay nko ani, nyo kikïtat amöwöghökonye. Ighöy nyinte sörunötenyan nko machatenyan kïtasa.

TUMWÖY 105:10

Kiyomis kegh ECHOTYON nko Yakopo akïmwa lö töpo kokay mumanoni.*

TUMWÖY 11:7

Ompöwölo pö man ECHOTYON, chömöy nyinte ighisyewut pö man. Sïwïyi pich cho tenote nyinte. Ompö kintöghoghinto tumï. Kïrïp kegh nko Syeminit. Tum pö Daudi.

TUMWÖY 32:8

Lentöy ECHOTYON, “Oporunyi or nyo irïpenyi. Orurinyi akamaninyi.

TUMWÖY 33:5

Chömöy man nko kirwok nyo tenate, kighömï chomnyo ECHOTYON nyo pö kokay ngwïny.

TUMWÖY 37:28

ompöwölo chömöy ECHOTYON man, amöpïstonye pikachi. Komönöy pipö man kokay, wölo pïstoy monïngo mwokïyis.

TUMWÖY 45:7

Ichömenyi man aitöghenyi ghöyityö. Kïlenyona kakïlïnyi Tororöt, Tororötïngu akïsyolinyi kïtïl pöytoghï walaka löwïr akïmïlchinyi ngörekyö le mwagh.

TUMWÖY 50:5

Lentöy, “Aghamïtwanïn pikachu cho ghönote cho kyam muma* nko ani ompö amörostin!”

TUMWÖY 62:10

Mokön tïkwïn cho kïmoso pich amokwolö kegh mökosyö nyo kïsïko masat. Kïrkegh katasa mökosyö, motighö kegh.

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

NGÖTÏNYÖ 3:6

Twaytena kegh nyinte ompö ngaleku löwïr, tökulïtit nyinte ortïneku.

NGÖTÏNYÖ 8:20

Owestoghenan ara tïlilïn, ompö kwenu ortïna man,

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 5:16

Wölo kikusöy ECHOTYON Kimuktoghin ompö man akuporu tïlilyenyi ompö kirwok nyo rwokyini pikachi.

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 56:1

Mwochini ECHOTYON pikachi lö, “Arïpakwa man akutenote, ompöwölo tomönye kite angwïnan osörwokwa.

ISAYA 66:22

“Kïle wölini ghyongtoy ngwïnya nyo rel nko yïm nyo rel ompö owesyenyan, kughyongtoy lenyoni pïnwöyikwa.

YEREMIA 32:40

Oman muma* nko chane nyo pö kokay, alenchï mopïstonanye oghchï chane nyo karam kokay. Oghan chane tïkwïl kïkonyïtanïn tömakïpïstonanïn ngat.

YEREMIA 9:24

Wölo atomököy chi kïkwol kegh, kïmïchini kïkwol kegh ompöwölo nkïtanïn akïpköchini lö, ochan ECHOTYON nyo wow chomnyot, akunkïtï lö oghan man nko kitenat ompö ngwïny ompöwölo tïkuchoni cho ochömonan kegh nyoman.” Mwoghöy ECHOTYON.

ESEKEL 16:60

Wölo oripan mumenyan nko nyi nyo pö atanya kichinyi monïng, aghan muma nko nyi nyo pö kokay.

ESEKEL 34:25

“Oman muma* nko chane nyo pö kalya ayonan tïpö wudïn ompö korengwa. Atökïmang surkwen ompö kalya, akwaketa kechir kïchïpo.

MALAKI 1:13

Omwoghekwa lö, ‘Ne chï ngale kesusecha kyoghochenö le nyï!’ Atolapay asïngwïltanïkwa. Kopkanïkwa kyaki amöros cho pö chorsyö nko cho ngwolsot nko cho tongunote. Olentekwa so otokan kyakichoni? Mwoghöy ECHOTYON.

MATAYO 23:13

“Heywey akwa koneti kirurut nko Parisaytin! Lïsï! Kakarekwa pich kuka Pöyunöto Yïm, amolïtekwanye akwane amopïsini ompö pikö walaka cho kömököy kïlïtöy. [

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*