ISAYA 61:10 - PIPÏLIA

¹⁰ Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 61:10 ပူးပေါင်းရင်းမြစ်များ

TOWUNÖT 24:53

Atolapay kutö mötworintonay Repeka kari silpa nko koltin nko sïro akutö ngat werto ompö Repeka nko kame tïkwïn cho pö olyot nyo wow.

2 OTÖPTINO OSIS 6:41

Ngeta ye nyu, we ECHOTYON, aiwö wölo imungo, nyi nko Santuku Muma, nyoni kï macheypa owesyengu. Nya kulach tïsiku sörunöt, we ECHOTYON Tororöt, aikany kïngörekyö cho ghöninyi ompö köromnyengu.

NEEMIA 8:10

Arota keston apa am ichon aghegh dipay* cho onyïn atö mey. Kïlenyona molokyot tïlil asisï ompö echotyontenyo, ompöwölo owesyenkwa ngörekyo ECHOTYON.”

AYUPU 29:14

Kyalakan man le sïra kyalakan kirwoko man le kalacha nko syolöp.

TUMWÖY 132:16

Olokyinan tïsichi sörunöt, tumöy pikachi akuteghyö ompö ngörekyö.

TUMWÖY 132:9

Nya kelokyï tïsiku man, akuteghyö piköku ompö ngörekyö!

TUMWÖY 28:7

Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

TUMWÖY 35:9

Ngörököy nyu söpontönyan ompö ECHOTYON akïturön ompöwölo kösörwanïn nyinte.

TUM PÖ TUMWÖY 1:10

Pïchighöch puteku nko sanay ato lumöy mötonyweku akïkarkegh nko sanay ato röytö katïngu.

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 17:10

Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 49:18

Syolö mö aitopöntö airos kamas nko kamas! Kötuyö piköku akïmi pkonöy wölo imitenyi! Kwam ECHOTYON muma lö, kïle otini söpöy nyinte, ikwolonyi kegh piköku le korka, nyo kwole kegh karichi cho pö koyögh.

ISAYA 49:4

Atolapay olan, “Kasïngan apöghisyeghö owesyenyu kwïle wölo puryö kïgh nyo konyorwan.” Wölo kïrkegh kïlenyoni, oghönan ECHOTYON, poryewanïn nyinte onyorï mantanyu. Konanïn ropöwon ompö kïgh nyo oghan.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 58:14

onyorunekwa nyu ngörekyö nyo kïnyoru ato kïpöghisyewanïn. Oghokwa kekonyïtenokwa ngwïny kïmïkul atongörekyenökwa ompö kor nyo kyotönön kukötönkwa Yakopo. Ani ECHOTYON nyo komwowï ngölyontonï.”

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 65:18

Ongörekyenö, aturonchö kokay ompö kïgh nyo oghan. Ngörekyot pich tya ompö Yerusalem nyo rel nyo oghan akïturonchot pikachi.

YEREMIA 2:32

Ayo, muköy so työ kïwutyeghö karichi cho mino kegh, anta muköy mïraru kensyö kïwutyeghö sïrokachi? Wölo kiwutyeghanïn piköchan ompö osis cho meyitisyocha.

ESEKEL 42:14

Ato lïtöy tïsï Wölo Tïlil kïmelö petöy sany kïtomö kïngwïs sïrochinö keloköy otini pöghisïyi, tïlilöch sïrochï. Ngwïstoy akulak sïrokö walaka tökïpa wölo mi pich.”

SAKARIA 10:7

Lïku pipö Epraim nyökon pö lïk Turonchot le pich cho kagha dipay* sïwïyi monekwa choni löwïr akïngörekyö, Ngörökyini ECHOTYON ompö tïkwïn löwïr cho kighchï chane.

SAKARIA 3:5

Atolapay kuyokï kïlenchï mötworichi, “Olokyinö nyinte sïra nyo le kopiyö.” Kwigh mötworichay lenyoni akulokyï tïkwïl sïrochay kurosu malaykayanta ECHOTYON.

LUKA 15:22

Wölo kïkur kwanta mötworichi akïlenchï, ‘Opunö lawel sïra nyo pïchigh alokyï nyinte. Atolapay otö kaymorïs morïnenyi alokyï kwegh

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

RUMI 3:22

Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

KALATIA 3:27

Ompöwölo kikipötisönchokwa löwïr Kristo alakakwa nyu nyinte.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

1 PETRO 1:8

Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,

NGONGUT 21:2

Asïwan Kanasyan nyo tïlil, Yerusalem nyo rel, kïrökunö yïm wölo mi Tororöt, kanasyan nyo kikipïch lasiny akïmi kïpsach, le mïrar nyo nopchini kegh santenyi.

NGONGUT 21:9

Atolapay kungwïn wölo omitan malaykayan nyo kile akonga ompö malaykenichay le mut nko odeny kitïng pakulin mut nko odeny cho kinyïghitate nyörïlwoktino söröm cho le mut nko odeny akïlö, “Nyonö yi, atoporun Mïrar nyo pö kensyo Wawa Kech.”

NGONGUT 4:4

Kimi nyu ngöcherwö walaka cho pö paytagh cho le 24 cho kiwit ngacharu paytagh, cho kitïpïyot poyï cho le 24 cho kiloköy sïro cho relach tenteni koltin.

1 SAMWEL 2:1

Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.