ISAYA 61:1 - PIPÏLIA

¹ Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

ISAYA 61:1 ပူးပေါင်းရင်းမြစ်များ

TUMWÖY 102:20

Atökïlïm kiwongunöto pich cho rötote, akutyak chane cho kökikerwokyï meghat.

TUMWÖY 147:3

Sopöy pich cho kimeghö mutïnö akïrat moyokökwa.

TUMWÖY 149:4

Yömöy ECHOTYON pikachi, töni rïntagh pich cho tölose.

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 25:9

Ntöghoghchini cho tölose kïrïp orenyi akunetöy nyinte chane machatenyi.

TUMWÖY 34:18

Lekïtö ECHOTYON pich cho kimeghö mutïnö, söru nyinte chane cho mötïngcha kikönöt.

TUMWÖY 45:7

Ichömenyi man aitöghenyi ghöyityö. Kïlenyona kakïlïnyi Tororöt, Tororötïngu akïsyolinyi kïtïl pöytoghï walaka löwïr akïmïlchinyi ngörekyö le mwagh.

TUMWÖY 51:17

Ropöwon nyo imökenyi, we Tororöt, kï mïkulögh nyo rïngate, melö itöghenyi mïkulögh nyo ipöy kegh ngwïny.

TUMWÖY 68:7

Otini kintöghoghchinyi piköku, we Tororöt, otini kiweranyi surkwen,

TUMWÖY 69:32

Nya kïsïwa pich cho kichopöy kong akïngörekyö akukil kegh cho soghöy Tororöt,

WUWÖT 28:41

Ailokyï sïrochï werïnkwa Aron nko werkachi aiyil aitöror aikïl atökïpöghisyeghwanïn chane le tïsï.

WUWÖT 29:7

Aicheng mwaghay kiyiltoy aimïlchï mötïnyi aiyil nyinte.

ISAYA 29:19

Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.

ISAYA 30:19

Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 32:7

Gha chi nyo le sölwö akwighöy tïkwïn cho pö sölwontön, mïröy putintön atökuwany pich cho mötïng owesyö akïtagha chane kïnyorï mantangwa.

ISAYA 40:9

Ngeta we Yerusalem, aipus kutïng nyo kogh atemwatïtena lökoy cho karamach! Kurö ompö kut nyo pö kiteghat, we Sayon,* aimwatïta lökoyechï karamach! Ngalana nyi pat amewöghisyö. Mwochinö kanastina Yuda lö ngwïnöy Tororötïngwa!

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 42:7

ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

ISAYA 48:16

“Apkana nyu arikuna atalïma kïgh nyo omwowokwa. Kyangalanan kïlöpo kïngeta otini le tagh, aghan kïtenö osis ngalechan kïrumu lö man.” Kayontanïn ye nyu Echotyon TORORÖT, akïkonanïn owesyo Mïkulöwunyi.

ISAYA 49:9

Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 52:7

Wechï mïlöy pich kesïwa chi nyo rökuno kutïngkot, akwipu lökoy cho karamach cho pö kalya! Chi nyo mwowu ngala sörunöt, akï mwochini Sayon lö, “Pöytoghin Tororötïngu!”

ISAYA 52:9

Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 57:18

“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

YEREMIA 34:8

Kimi ato kicham pöytoghin Sedekia nko pipö Yerusalem lö kïpetöy ketyoköy

YEREMIA 52:33

Kïlenyona kikïchömchï Yeoyakin kïngwïsta sïro pö chela akechömchï kwomisyö ompö mesa pöytoghin.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

LAWIN 7:35

Nyete kï kareranpa ropöw cho kïropchini ECHOTYON, cho kikïngotyï Aron nko werkachi asisini kikïkïl le tïsï cho pöghisyechini ECHOTYON.

MIKA 3:8

Wölo nyo le ani otïngetan owesyö Tororöt nko mïkulöwu ECHOTYON nko man nko owesyö ato mwochan pipö Israel ngokikwa.

MATAYO 11:5

Kerosïta chepkarotonoy akïpesïta pich cho ngwolsot, kakesop pich cho amate psenkwet, kalïm ngal cho le cheminytin, kakigh cho kökimeghö kututï akyomchï mey Lökoy cho Karamach.

MATAYO 3:16

Akwotini kikipatisan Yeso kumuchö, kïngetunö pöghechay, kïnyini kiyata yïmö, kïsïwa Mïkulöwu Tororöt nyo kirökyï parakunyi le chepïrïm.

LUKA 7:22

Kuyokyï Yeso chane lö, “Omïlonchenö wölo mi Yoana amwochï tïkwïn tïkwïl cho kasïwekwa alïmakwa, kerosïta chepkarotonoy, kapesta pich cho ngwolsot, kaketïlil cho amate psenkwet, kalïm cho mingote, kakututï pich cho kimeghö akyomchï mey Lökoy cho Karamach.

YOANA 1:41

Kïnyorï tagh Andrea werïngwa Simon, kïlenchï, “Kikenyorucha Masiya.”* (Ompö kayne anka kï Kristo.)

YOANA 3:34

Mwoghöy chichoni kiyonï Tororöt ngala Tororöt, ompöwölo töni Tororöt nyinte Mïkulögh kuwayta.

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

IGHISYEWUT 4:27

“Nyoman kituyö kegh Erode nko Pontio Pilato nko pipö punton nko pipö Israel ompö kanasyantanete akïtagh Mötworintengu nyo tïlil, Yeso, nyo kikïlanyi le Masiya.*

2 KORINTO 3:17

“Echotyon,” ye nyu ompö yete kï Mïkulögh, akï wop anka tïkwïl wölo mi Mïkulöwu Echotyon, kïmi kityakata.

2 KORINTO 7:6

Wölo kikonecha Tororöt kingaraka nyo soghsoghöy pich cho nyörkölöl ompö kingwïnata Tito.

EPRANIA 1:9

Ichömenyi man, ireyenyi ghöyityö, nka nyoni kakïlïnyi Tororöt, tororötïngu akuyileninyi mwaghpa ngörekyö kïsir kongotïneku.”