ISAYA 60:9 - PIPÏLIA

⁹ Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 60:9 ပူးပေါင်းရင်းမြစ်များ

TOWUNÖT 9:27

Nya kwigh Tororöt ka Yapet kïpöroyit, nya kïmang nyinte emeni Syem, akïlïkwï Kanan sekeyonto Yapet.”

1 PÖYTOGHÏ 10:1

Otini kilïm pöytoghintö Syepa nyo kile korka wölo kikïsalta Solomon ompö kaynata ECHOTYON, kïnap kegh akïwö kutang Yerusalem atökïtyama nyinte teput cho owesöch.

1 PÖYTOGHÏ 10:22

Kitïng pöytoghintö Solomon melino Tarsis cho pö mïnchïrïsnön cho kitïng ghömïchö nko cho pö Iram. Kimïlisyegho melinechi Opir kïnyïl akonga ompö könyis sömök. Kimi kwipu koltin nko silpa kasawatin nko kela pelöw nko möyosoy.

1 PÖYTOGHÏ 22:48

Kigh pöytoghinto Yeosyapat melino Tarsis cho kipetöy koro Opir kïchengu koltin. Wölo melö kitïta ompöwölo kunyorisyeghö Esyonkeper.

1 PÖYTOGHÏ 8:41

“Kïkany atolïm ton nyo ngwïno kor nyo low ororyo kaynengu nko ighisyewutköku cho kighchinyi piköku Israel akungwïn kïsaghinyi ompö Kongu nyete,

TUMWÖY 48:7

Kinyaranyi chane le melino Tarsis ompö nanam, cho köryöp kuriy yomöt nyo ngwïno kongasis.

TUMWÖY 72:10

Nya kwipchï ropöw nyinte pöytoghi Tarsis nko koros cho mi nanam akwipchï nyinte ropöw pöytoghi Syepa nko Sepa.

TUMWÖY 97:1

Pöytoghin ECHOTYON! Ngaraka, ngwïnya! Oturonchenö koroswo nanam!

WUWÖT 33:19

Kïlö ECHOTYON, “Oghan töroryenyan lapay kuwer tawungu amwatïtan kaynenyu ompö tawungu lö, ‘Ochan ECHOTYON.’ Olulan nyo kolul osyonchan nyo kosyonchï.

NGÖTÏNYÖ 18:20

Pïghyongöy chi ngaleko kutinyi, Pïghyongoy chi kutinyi.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 2:16

nko ompö melin tïkwïl cho pïchighöch tya cho kïchömöy cho pö Tarsis.

ISAYA 24:15

akïsölöy nyinte walaka cho mi okumpö kongasis, sölöy ECHOTYON Tororöt pö Israel pikö walaka cho möngöy sörömu nanam.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 42:4

Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 43:4

Oghan pipö punton löwïr kïsöru söponwekwa ompöwölo ochikwa pïchighöch tya ompö ani nko ompöwölo ochömokwa, akonokwa konyït.

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 49:22

Kïlenchï Echotyon TORORÖT Kimuktoghin pikachi, “Osyolchinan ewunyu pipö punton le machey, atökuyokwï chane monekwa kïmïlisyö kestonikwa.

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 57:17

Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.

ISAYA 60:4

Topöne kamasungu köny tesïwena kïgh nyo mi kwigho. Kesup kegh piköku tökïpka kaw! Pkono werköku wölo low kïkösönu tipikwa le monïng.

ISAYA 60:6

Ghömu tamasay cho makïrar korenkwa, ay, mogho tamasay cho pkono koro Midyan nko Epa. Rotu löwïr cho pkono koro Syepa. Ipunyi koltin nko mankoy cho ngutoy cho onyïn, akï mwowu salat nyo pö ECHOTYON!

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

YEREMIA 3:17

Kïkuro osiswechoni Yerusalem, “Ngacharu paytaghpa ECHOTYON,” wölo ghömechini pipö koros löwïr ompö tawunyan kïsaghanïn amelö tökïpïrchini ngat kwighöy möchutko mïkuliskökwa cho ghach.

YEREMIA 30:19

Kïlïmöy pich cho möngöy orito kanasyantanoni cho tumöy tumwöyi kiyokyinogh pö sörö Akelïmöy tïkwïl kutïwa pich cho mi kïturonsot. Operuran chane kïtösisyö amelö ngörïngitu oghan chane kekonyït puryö chi nyo sösöy chane.

ESEKEL 39:7

“Oghan nyu kaynenyan nyo tïlil kunkïtu piköchan cho pö Israel chane. Melö tokönyan kemwoghöy kaynenyan nyo tïlil kokay, tökunkïtï puntonï lö, ochan ECHOTYON Tororöt pö Israel nyo Tïlil.

MIKA 4:13

Lentöy ECHOTYON, “Akwa pipö Sayon ongetyenö omungö punkökwo. Oghokwa le kir cho tïng kuyo karïn akï taghoy putïlöy. Itïghenyi pipö koros cho möngörï. Opunekwa pöröw löwïr cho kipörunö chane pikö walak. Atolapay opukwa sïkönötengwa, wölo omitan, nyo ochï Echotyonto ngwïny kïmïkul.”

MIKA 7:12

Pkonöy piköku kïmïlisyot wölo iminyi kïngeta Asirya ntökwit Misri akïngeta Misri ntökwit lalwa Yuparet kïngeta nanamtin cho lowöch ntökwit kutïngkot cho lowöch.

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

SAKARIA 14:14

Poryot pipö Yuda atökïrip kanasyanta Yerusalem ompö pung. Kisupuy sïkönöto pipö koros löwïr cho le pöröris pö Yuda. Kisupuy koltin nko silpa nko sïro cho möngörï.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

YOANA 17:26

Kyoporchan chane kaynengu atoporchinan chane kaynanoni atökumï chomnyot nyo itïngetenyi ompö ani kïtöpö oringwa, otöpan tïkwïl oringwa.”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

KALATIA 4:26

Wölo tyakate kanasyanta Yerusalem nyo pö parak akï yoncha nyinte.

YOSWÖ 9:9

Kïlö pïchay, “Kïpkonocha mötworiku kor nyo low nyoman, ompöwölo kakïlïmecha pich ngala ECHOTYON Tororötïngu nko tïkwïn löwïr cho kigh ompö Misri.