ISAYA 60:6 - PIPÏLIA

⁶ Ghömu tamasay cho makïrar korenkwa, ay, mogho tamasay cho pkono koro Midyan nko Epa. Rotu löwïr cho pkono koro Syepa. Ipunyi koltin nko mankoy cho ngutoy cho onyïn, akï mwowu salat nyo pö ECHOTYON!

ISAYA 60:6 ပူးပေါင်းရင်းမြစ်များ

TOWUNÖT 10:7

Werpö Kus kï ki Sepa nko Apila nko Sapta nko Raama nko Sapteka. Ki werpö Raama Syepa nko Dedan.

TOWUNÖT 25:13

kitïng nyinte werkachi, achï kaynötutkökwa kïrïp kegh nko yiyengwa: montö nyo pö tagh kï Nepaiot, kïrïp Kedar nko Adpeel nko Mipsam nko

1 PÖYTOGHÏ 10:2

Kirutö nyinte nko mötwor cho chang akirongöy tamasay cho kipöy tïkwïn cho ngutoy cho onyïn nko koltin nko sanay cho pö olyot nyo wow. Otini kituyö nyinte nko Solomon, kïtep kokonay teput cho chang cho teno cho kinan nyinte.

2 PÖYTOGHÏ 8:9

Kïlenyona kïrany Asael tamasay tömönut angwan cho kösönöy kïgh anka tïkwïl nyo karam nyo pö Damaska akïwö wölo mi Elisya. Nyini kituyö Asael nko nyinte kïlenchï, “Köyonwanïn mötworintengu pöytoghintö Pen Adad atatepinyi lö tepunenö ECHOTYON lö etökïsopo nyinte kichir nyo tïng?”

1 OTÖPTINO OSIS 1:33

Werpö Midyan kï: Epa nko Eper nko Anok nko Apida nko Eldaa.

2 OTÖPTINO OSIS 9:1

Otini kilïm pöytoghinto Syepa nyo kile korka ororyo Solomon kungwïn Yerusalem kïtyam nyinte ompö teput cho ongeröch, kingwïnöy kokononi nko söpïch nyo wow akirongu tamasay cho kikösönu tïkwïn cho ngutoy cho onyïn nko koltin cho chang nko koghïn cho pö olyot nyo wow. Otini kirel wölo mi Solomon kïmwochï ngal löwïr cho kitïng ompö mïkulöwunyi.

TUMWÖY 67:4

Nya kïngörekyö puntonï akïtum ompö ngörekyö, ompöwölo irwokyinenyi pipö ngwïny ompö man aintöghoghchï punton cho mi ngwïny.

TUMWÖY 72:10

Nya kwipchï ropöw nyinte pöytoghi Tarsis nko koros cho mi nanam akwipchï nyinte ropöw pöytoghi Syepa nko Sepa.

TUMWÖY 72:15

Nya kïsöp pöytoghintö nyo kogh! Nya keropchï nyinte koltin cho pkono Syepa. Nya kesoghchï nyinte kïnomnyö. Nya kesoyön nyinte osis löwïr.

ISAYA 30:6

Anyï ngölyon nyo kïmwochini tyonkïn cho pö okumpö ewu tagh kor nyo le surkwen nyo mwochini Tororöt chane lö, “Kirutö pich cho ghyongchini korengwa ompö koroswo puntoni walaka. Kiwerata chane kor nyo ki wow tapan, kor nyo kichang ngötunywö nko moroyut cho kitïng ngwonö nyo wow nko moroyut cho pegho mïröt. Kikasana chane sïkïröy nko tamasay ropöw cho pö olyot nyo wow cho kipetöy kïropchini pich cho kimemukcha kungarak chane.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

YEREMIA 6:20

Pö ne kepkanïn tïkuchay ngutoy cho onyïn ompö koro Syepa, nko mankoy cho ngwïrngwïr cho opunokwa kor nyo low nya? Kataghan ropöwekwa, amömïlanïcha amörostinekwa.

ESEKEL 27:22

Kighanyi mïnchïrïsnön nko mïnchïrïs pö Syepa nko Raama, kïwaghaka tïkuku cho karamach pinsarin cho sisinchö nko koghïn cho pö olyot nyo wow nko koltin.

SEPANIA 3:10

Pkonchinanïn piköchan cho kitoyechï koro Etopya, pkonöy kïsoghanïn akwipkanïn ropöw.

SAKARIA 14:16

Atolapay rotuy nyu Yerusalem ompö könyis löwïr pipö koros cho kingotï ompö pïchay kipka kïporyeghö Yerusalem. Pkonöy kïsoghöy ECHOTYON Kimuktoghin nyo le pöytoghin akïkonyït Ichon pö Tunkun.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 2:11

Kïpa kïlïtöy köyay, kïsïwa monïngay kïmi nko kame Marya. Kïkïtïng akïsagh nyinte, atolapay kutyak mïlotwekwa akutö nyinte ropöw, choni kï, koltin, upani nko manemane.

RUMI 15:9

atökumï pipö punton tïkwïl kïsal Tororöt ompö kisyonötenyi. Le wölo mwoytoy Kikirut lö, “Kïlenyona nyu, osöleninyi kwenu pipö punton. Otuman sölutko kaynatengu.”

KINONO KIRURUT 32:43

“Asala pipö ECHOTYON, akwa pipö punton, nyörilöy ECHOTYON kong pich löwïr cho pöröy pikachi akïlöstoghchï pikachi ngokikwa.”

PILIPI 2:17

Kïrkegh keparanïn, akepighchï kisönköchan parakuto kighanatenkwa nyo le amöros nyo kïropchini Tororöt, ongörökan nyoman oturönön nko akwa löwïr.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

KIRWOKÏ 6:5

Kipka chane nko twakwa nko emenikwa, kïtuwit le talamnya ompö chongïn, kimemuchönye chi ntökuyit pïchoni nko tamasayikwa. Kïtïkatïk chane kore kunyara.

KIRWOKÏ 7:12

Kimi wöloni le mpöghogh pipö Midyan nko cho pö Amalek nko pïchoni pö okumpö kongasis. Ki chang chane le talam, akitïng tamasay cho chang le ngayam cho mi nanam.