ISAYA 60:5 - PIPÏLIA

⁵ Osïwïyekwa kïyoni atongörekyenökwa tya. Odöngonyekwa aturonchö. Kipu sïkönöto koros wölo omitekwa. Kipuno mökosyononi koros cho lowöch, kipuno nanamtin antakwagh.

ISAYA 60:5 ပူးပေါင်းရင်းမြစ်များ

TUMWÖY 119:32

Orïpan kirurutköku ompö machat, ompöwölo itöswaninyi pköchin.

TUMWÖY 34:5

Rosa nyinte, atonyorunö ngörekyö, melö tonyorunekwa arasï kokay.

ISAYA 23:18

Kïpöghisyegho ropïyenichoni löwïr könyorunö mïnchïrïsnön saghata ECHOTYON. Melö kituyot nko kaplawachtin, wölo pöghisyegho pich cho pöghisyechini ECHOTYON ropïyenichoni kwolo omisyewut cho chang nko sïro cho pïchighöch.

ISAYA 54:2

Pöroyitö ema nyo imöngenyi, aikoghit pörköy cho rötöy aiparta wöwe kwongeröchitu!

ISAYA 60:11

Yotisyot ortïnekwa osis tïkwïl, mökörönye chi pöghet nko nangat, atökumï nyu pich kwipkokwa sïkönötengwa, ipu chane akupoyonu nko pöytoghikwa.

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

ISAYA 66:12

Mwoghöy ECHOTYON lö, “Okonokwa perur nyo pö kokay. Yinu sïkönöto pipö punton wölo omitekwa le lalwa nyo rotöy kömöy nko pengat. Okörekwa kegh nko monïng nyo pöghöy kame, akïnömo ewunechi ompö kïpesöyichi.

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

MATAYO 25:16

Kïwö lawel mötworintonay kikitö talanten mut kuchirusön kïsïch talanteni walaka mut cho mi parak.

IGHISYEWUT 10:45

Kïtangany pipö Yaudi cho kikughan cho kipkono Yopa nko Petro otini kisïwa lö ketö Tororöt pipö punton tïkwïl Mïkulögh nyo Tïlil.

IGHISYEWUT 11:17

Kïkany nyu kutö Tororöt pïchoni pö punton konutyononi karkegh nko nyini kikonecha otini kikighanacha Echotyon Yeso Kristo,* achan ngo nyu nyo omököy otögho Tororöt kïgh nyo mököy kwighöy!”

IGHISYEWUT 24:17

“Kïkany oweghan Yerusalem könyis cho chang, amïlan wölini opchï pikachu pipö Yaudi ropïyen atotö kyak cho pö amöros pö Tororöt.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

RUMI 15:26

Ompöwölo kakïcham kaniseni Makedonia nko cho pö Akaya kïpas ropïyen cho ngöroko kighöni walaka cho le cho mi Yerusalem.

2 KORINTO 10:15

Kïlenyona nyu, melö kïkwolecha kegh ompö ighisyewut cho kigh pikö walaka kïtïl kipimöwon nyo kikonecha Tororöt, wölo kikönecha lö tötasa kighanatenkwa akïghetï atökeghenacha nyu ighisyö nyo wow tya kwenunkwa kïrïp kegh nko kipimöwonto Tororöt nyo kikonecha.

KINONO KIRURUT 33:19

Kitach chane pich cho le pïnot ompö komoswekwa, akutötö amörostin ompö man. Nyoruno chane sïkönötengwa nanam, akïnyoru sïkönöt ompö söröm nanam.”

NGONGUT 21:24

Pestegho pipö ngwïny löpoyïntanyi akwipchini pöytoghi ngwïny mökosyengwa kanasyantanoni.

NGONGUT 21:26

Kipchini kanasyantanoni tïkwïn cho pïchighöch nko mökosyo pipö ngwïny.

1 SAMWEL 2:1

Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.