ISAYA 60:22 - PIPÏLIA

²² Yetu nyu cho mïnkech ompö akwa le pipö or okonga, kwawesit nyo mïnïng le kor nyo awes nyoman. Ochan ECHOTYON, akwotini ketï asisoni oghan nyu choni kwighisyö lawel!”

ISAYA 60:22 ပူးပေါင်းရင်းမြစ်များ

ISAYA 10:22

Kïrkegh chang ye pipö Israel le ngayam cho mi nanam, wölo mïlonchot cho ngörï. Mi kiwurata kïköngöy chane akwigho lenyoni ompö man.

ISAYA 5:19

Omitekwa olentöy, “Akanya kungwïn ECHOTYON lawel atökwigh kini lentöy oghöy atökesïwenacha. Akanya kwigh Tororöt pö Israel nyo Tïlil machatenyi atökesïkunöcha.”

ISAYA 51:2

Anana kukötönkwa Apraam nko Sara nyo kiyiyokwa. Melö kitïng Apraam monïng otini kyokurön nyinte, wölo kyosoyönön nyinte, aghan kïsïch monïng cho chang.

ISAYA 66:8

Akïmi sonye chi nyo lata nyoni nya? Kikïsïwa ngo tïkwïn cho lata choni? Kïyiyöy korï so asis akonga? Akeyiyöy pipö punton so panini lawel? Wölo melö kïghöy Sayon* nyo kogh kïtomö kïyï monechi.

DANIEL 2:35

Kïpasyangana tïkwïl wölay le karïn nko nyïngwïtyan nko tay nko silpa nko wölay le koltin akïlïkwï le morïr ompö ghatya pagh atay le kömöy, kungwïn yomat kïkutata kupotyö mömi wölo kïsöchini, wölo kïwaghaka koghay kïyetï kïlïkwï kutïng akulum ngwïny kïmïkul.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

MIKA 4:7

Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?

IGHISYEWUT 2:41

Kïlenyona, kepatisan chane cho kicham ngölyontenyi pich cho ngata 3,000, kïtösisyö pich asisoni.

IGHISYEWUT 5:14

Kitösisyö kïtösisyot tya kighönï cho chang ompö nyoryononi, cho le mïrön nko kor cho kighan Echotyon.

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

2 PETRO 3:8

Wölo mowutyeghö kïgh akonga tupchenichu! Möminye sisïn ompö tawu Echotyon kwenu asis akonga nko könyis elpu akonga, karkegh choni ompö nyinte.

NGONGUT 7:9

Kïkany kuwanta kegh, asïwan söpïch pö pich cho makïrar cho kimemukonye chi ntökuyit, kïpkana punton nko ortïn löwïr nko kutïw löwïr akughyongö tawu ngacharu paytagh nyo pö Wawa Kech, kiloköy chane sïro cho koghöch cho relach akïnömöy sostin.