ISAYA 60:21 - PIPÏLIA

²¹ Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 60:21 ပူးပေါင်းရင်းမြစ်များ

2 SAMWEL 7:10

Oyörchinan piköchan Israel kor atökïmang chane korengwa atömökïmi pich cho le pkatis cho susöy chane le tagh

TUMWÖY 37:11

Nyoru pich cho tölose kor akïngörökyï pöghisyö.

TUMWÖY 37:18

Komönöy ECHOTYON pipö man akïngötu mïlatengwa kokay.

TUMWÖY 37:22

Mïlöy pich cho kakusoyön ECHOTYON kor, wölo kïpïstoy pich cho kikïchïp nyinte.

TUMWÖY 37:29

Mïlöy pipö man kor akïmang wölini kokay.

TUMWÖY 92:13

Kïkötkötyini chane Kö pö ECHOTYON, cho pito kiroryo Koto Tororötïncha.

ISAYA 19:25

Soyönöy ECHOTYON Kimuktoghin chane akïlenchï, “Osoyönokwa pikachu, pipö Misri nko akwa pipö Asirya cho kyaghakwa nko akwa pipö Israel cho ochï kïlankachan.”

ISAYA 24:16

Kïlïmecha tumwöyi sölut cho sölöy ECHOTYON Tororöt pö Israel, cho pkono söremwok pö ngwïny. Wölo melö otïngetan kikönöt! Kyanyasan ntowonyö! Mito pich cho wïchtoy pich kuletöy tagh, akïmitoni pich cho le lïsï kuletöy tagh nko lïsengwa.

ISAYA 26:2

Ayata ortïna kanasyan, akany kïlït ori korö nyo ghanate, koronï ighöy pikachi man.

ISAYA 29:23

Ompöwölo otini kasïwekwa monïng cho okonokwa, onkïtukwa nyu lö ochan Tororöt pö Israel nyo Tïlil. Okonyïtanïkwa, atïlil kaynatenyan.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

ISAYA 45:11

Lentöy ECHOTYON, Tororöt pö Israel nyo Tïlil Ighintenyi, nyo sötöy osis cho tökïpkonöy, “Motïngkwanye man atepanïn kïgh paraku monechan, anta omwowanïn kïgh nyo mïchini aghan!

ISAYA 45:24

“Mwoghöy chane ompö parakunyan lö, ‘Kïnyorchini man nko owesyö wölo mi ECHOTYON onkït,’ wölo wongu ompö arasï pich cho töghöy nyinte.

ISAYA 45:25

Otöninan ante ECHOTYON rïntagh monïngo Israel atökïkonanïn chane konyït.”

ISAYA 45:8

Nyi we yïm, ropönunö! Nya kïkonï poltoy ropa ighata man, nya kïyata ngwïnya atökïpita atoni sörunötö, akany kïpita tïkwïl ighata man. Ani ECHOTYON nyo oghöy choni.”

ISAYA 49:3

Akïlenchanïn, “Ochikwa mötworichan pïchï pö Israel. Konanïn pich ororyö ompö akwa.”

ISAYA 51:2

Anana kukötönkwa Apraam nko Sara nyo kiyiyokwa. Melö kitïng Apraam monïng otini kyokurön nyinte, wölo kyosoyönön nyinte, aghan kïsïch monïng cho chang.

ISAYA 52:1

Ngeta! Ngeta! Awesituna we Sayon!* Laka sïroköku cho pïchighöch, we Yerusalem kanasyan nyo tïlil! Ompöwölo melö tökïlïtu ortïneku ngat chi nyo le somchon nko nyo le sïmnyon.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

ISAYA 57:13

Akanya kïsörwokwa tororötinechï pö körkeyïntin otini orirchinekwa chane! Kutïtoy chane yomat! Poto pich cho ghönanïn cho möngöy kor akïsaghanïn ompö Konyan nyo pö saghat.”

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 61:7

Wonyot atoni arasinkwa nko kiratat nyo kikonokwa pich, omöngekwa nyu korengwo kegh, aketösöy sïkönötenkwa kïnyïl odeny. Pöyitu ngörekyenkwa kokay.

ISAYA 62:4

Melö tökekuroninyi ngat lö, “Nyo kikepïstö,” anta kïkurö korengu, “Korka nyo kikechal.” Kïkuro kaynengu nyo rel, “Nyo ngörökyini Tororöt,” kekurö korengu, “Nyo kiketar.” Ompöwölo ngörökyini ECHOTYON, akeyitöy nyinte le santeto korengu.

ISAYA 64:8

Wölo ichinyi paponcha, we ECHOTYON. Kïlatecha mönö ilatenyi ighinto tören. Kighechanyi,

ISAYA 65:9

Okönyan kïcheng monïngo Yakopo nko Yuda korenyan pö kutïnkot. Mïlöy piköchan cho pöghisyewanïn akïmang wölini.

YEREMIA 24:6

Okomönan chane nyoman, awetan oyoku kïmïlisyö koronï. Oghan chane kïlïkwï akonga amorultonanye. Oghan chane kïpit le ket amokölöngtenanye.

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

ESEKEL 11:17

“Lenchinö lentöy Echotyon TORORÖT, ‘Oghömïtokwa löwïr ompö koroswechoni kyapekwa, akonokwa ngat koro Israel.

ESEKEL 34:29

Otöninan chane kor nyo rïröy tïkwïn löwïr nyo melö tökukoryot kokay ompö korengwa anta roröchï puntoni.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

ESEKEL 47:7

Otini kyatan wölini, asïwan ket cho möngörï cho kirop lalwa antakwagh nko ontökwowu.

AMOS 9:15

Okötkötyinan pikachu korengwa amelö tökengetöy chane kokay ompö koronï otöninan chane.”

OPADIA 1:17

“Wölo nyu mi cho ngötu kutïng pö Sayon,* mönyorunye chane sito ECHOTYON ato rwokyini pipö koros. Kïkonyïtöy kutïngoni lö kutïng nyo tïlil pöyitu nyu atoni kore ngat pipö ara Yakopo le tagh.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

MATAYO 15:13

Kuyokyï Yeso chane lö, “Kïngöghtoy kösïghyon anka tïkwïl nyo ki makatkatnye Paponyan nyo mi yïm.

MATAYO 5:5

Soyönote pich cho tölose, ompöwölo mïlöy ngwïny.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

EPESO 1:12

Kïlenyona acha chona kikïnyagh kekön Kristo kesal ororyo Tororöt.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

2 TESALONIKE 1:10

otini ketï nyinte Asisoni, kïtoko pikachi cho kikughan ororyö nko konyït. Olïkunekwa tïkwïl akonga nko pïchoni, ompöwölo kyaghanakwa ngalechay kikïmwowucha.

2 PETRO 3:13

Wölo kïköngecha kïgh nyo kikuyomiswecha Tororöt. Nyoni kï yïm nyo rel nko ngwïny nyo rel wölo möngöy man.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.

NGONGUT 21:7

Anka tïkwïl nyo rïntoy otöninan tïkuchete löwïr, alïkunan Tororötïnyi, kïlïkwï nyinte montönyan.

NGONGUT 5:10

Keghanyi chane kilïkwï pipö pöyunöt nko tïsï cho pöghisyechini Tororötïncha, akïpayta ngwïny.”