ISAYA 60:19 - PIPÏLIA

¹⁹ “Melö tökïlïku asis löpoyïntöngu atole pöghet. Anta lïkwï arawa löpoyïntöngu ato le oghö. Ani ECHOTYON nyo olïku töpewengu nyo pö kokay. Lïwunyi löpoyïnto töroryenyan.

ISAYA 60:19 ပူးပေါင်းရင်းမြစ်များ

TUMWÖY 3:3

Wölo ichinyi longenyan, we ECHOTYON, kïtenö osis akï nyi nyo le ororyenyan ikilaninyi.

TUMWÖY 36:9

Ichinyi towunöto söpon, kïsïwïyecha löpoyïn ompö löpoyïntöngu.

TUMWÖY 4:2

Ne chï pikö, wonguno konyïtönyan arasï nko oyï? Ochömekwa kïgh nyo puryö kinyiwut arïp ngala putintön nko oyï?

TUMWÖY 62:7

Chïchïmo sörunötenyan nko konyïtïnyan Tororöt. Köpönenyan nyinte nyo awes akï ghöpöwontenyan nyinte.

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 84:12

Soyönote chane löwïr cho köninyi, we ECHOTYON Kimuktoghin! Ompö kintöghoghinto tumï. Tum pö werpö Kora.

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 28:5

Itu asis ato kikongityot ECHOTYON Kimuktoghin nko akope nyo pö ororyö nyo pö tapïkoy cho pö pikachi cho le ngötunön.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

ISAYA 45:25

Otöninan ante ECHOTYON rïntagh monïngo Israel atökïkonanïn chane konyït.”

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 60:1

Ngeta, we Yerusalem ailïwï le asis, lïwchininyi ororyo ECHOTYON!

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”

SAKARIA 2:9

Otökan ante ECHOTYON koroschini opïsinan piköchan kïngötöru koros cho kingatar korengwa akwigh mötwor, kïngatar koroschoni.”

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

KINONO KIRURUT 10:21

Sala nyinte, ompöwölo Tororötïnkwa nyo kighwakwa tïkwïn cho pö töngönchin akï pö otyogh cho kyasïwekwa.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.