ISAYA 60:14 - PIPÏLIA

¹⁴ Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’

ISAYA 60:14 ပူးပေါင်းရင်းမြစ်များ

TOWUNÖT 27:29

Nya kïpöghisyewun pich akïkïtïngchin puntonï. Ilïkwï echotyonto werkökwa aikany kïkïtïngchin werko yongu, akïchïpo chi anka tïkwïl nyo chïpinyi, ikany kusoyönö chi anka tïkwïl nyo soyöninyi!”

TOWUNÖT 42:6

Ki Yosep chito odeny nyo kipöytoy korononi osiswechoni aki nyinte nyo kyolchini pagh piko korononi kïmïkul. Kïpka nyu werko ompö Yosep akïkïtïngchï nyinte ntökwit ngwïny ompö könyït.

TUMWÖY 46:4

Mi lalwa nyo ipchini kanasyanta Tororöt ngörekyö, wölo tïlil möngöy nyo Töror Tya.

TUMWÖY 48:2

Kogh akï pïchigh Sayon,* kutïng pö Tororöt nyo mi okumpö löt. Ipchini kanasyanta pöytoghin pipö ngwïny kïmïkul ngörekyö nyo wow. Lata Sayon kutïng pö Sapon parak.

TUMWÖY 87:3

Ngölono pich parakungu ngala ororyö, we kanasyanta Tororöt.

NGÖTÏNYÖ 14:19

Kïtïngchini mwokïyis pich cho karamach ngïrukisyegho pich cho ghach kukoti pipö man.

ISAYA 1:26

Otöninan pöytoghiku kirurut cho kongityot nko cho kipö tagh. Kïkuro nyu Yerusalem kanasyan nyo pö man, nyo ghanate.”

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 45:23

Pö man mumenyan amelö wöghöko nyonikïny. Kyawalwalan kegh ompö mantanyan lö, ngwïnöy chi anka tïkwïl kïkïtïngo tawunyan akuwalwal lö terwanïn chane ngalechu.

ISAYA 49:23

Lïku ompö akwa pöytoghï papotïn, kïlïkwï korï cho pöytoy yotïn. Kïtïngchinokwa chane akïkonyïtokwa, ipöy kegh ngwïny chane akïkïtïngchokwa. Atonkïtunökwanyu lö ochan ECHOTYON, akwanka nyo könöy kingörokut ompö ani kïmelö nyoru arasï.”

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

ESEKEL 36:15

Melö topïswokwa atera roröchin pö punton anta namekwa arasï nyo pö pich amelö toghekwa korenkwa kunyara.” Mwoghöy Echotyon TORORÖT.

ESEKEL 39:7

“Oghan nyu kaynenyan nyo tïlil kunkïtu piköchan cho pö Israel chane. Melö tokönyan kemwoghöy kaynenyan nyo tïlil kokay, tökunkïtï puntonï lö, ochan ECHOTYON Tororöt pö Israel nyo Tïlil.

YOEL 3:8

Onkoghchinan werkökwa nko tipikwa werpö Yuda kwalta kwoltochï Sapea, kor nyo low nyoman. Mwoghöy ECHOTYON.

SEPANIA 3:19

Omungan asisoni pich cho chopinyi kong, osörunan piköchan cho ngwolsot, oyokunan kaw cho kikitoyö. Owöghökan arasï nyo kötïng chane kïlïkwï konyït, aghan kukus pipö ngwïny löwïr.

SAKARIA 8:23

Lentöy ECHOTYON Kimuktoghin, “Pkonöy pipö punton cho le taman akïsïkwïr chi pö Yaudi akonga kïlenchini, ‘Kepe tïkwïl ompöwölo kakïlïmacha lö mi Tororöt nko nyi.’ ”

EPRANIA 12:22

Wölo katukwa kutïng pö Sayon* akwa kanasyanta Tororöt nyo satate, Yerusalem nyo pö yïm, wölo nyoryegho malayken cho makïrar.

NGONGUT 14:1

Atolapay asïwan Wawa Kech kughyongo kutïng pö Sayon* nko pich 144,000 cho kikikirchï tokochwekwa kaynata Yeso nko nyo pö Kwanta.

NGONGUT 3:12

Oghan chi nyo rïntoy kïlïku koghpa luch nyo pö Kö pö Tororötïnyan* amöngetonye wölini kokay. Okirchinan nyinte kayneto Tororötïnyan nko kayneto kanasyanta Tororötïnyan, nyoni kï Yerusalem nyo rel nyo rökuno yïm kungwïno wölo mi Tororötïnyan, akirchinan chane ngat kaynenyan nyo rel.

NGONGUT 3:9

Tere oghan söpïchtino Onyöt cho ighöy kegh lö kïchï pipö Yaudi akwanyï lïsï chane kïkïtïngo kelyeku tökunkïtï lö ochöminyi.