ISAYA 60:1 - PIPÏLIA

¹ Ngeta, we Yerusalem ailïwï le asis, lïwchininyi ororyo ECHOTYON!

ISAYA 60:1 ပူးပေါင်းရင်းမြစ်များ

TUMWÖY 102:16

Kïsïwïyi wölo töror ECHOTYON kïlïkwï, otini katek Sayon ngat.

TUMWÖY 87:3

Ngölono pich parakungu ngala ororyö, we kanasyanta Tororöt.

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

ISAYA 28:5

Itu asis ato kikongityot ECHOTYON Kimuktoghin nko akope nyo pö ororyö nyo pö tapïkoy cho pö pikachi cho le ngötunön.

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 4:5

Atolapay kïyonï ECHOTYON polta ato le pöghet nko ighöt ato le nangat nko lyopöt ato le nangat kulïwchï kutïng pö Sayon. Lumöy ororyo Tororöt akïkarta kanasyante kïmïkul.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 58:8

“Atökulïwï nyu löpoyïntönkwa le löpoyïn pö kiwasan, atökesop moyoykökwa lawel. Omitan nko akwa kïtenö osis atosörwokwa. Okörtonokwa ompö ororyenyan.

ISAYA 62:1

Mosisanye ompö ngölyon nyo swongöy Sayon* mosisanye ntökïtenö kesörï nyinte, akulïwï rïntaghtanyi le kitömöwon nyo nöghöy oghö.

ISAYA 62:2

Sïwïyi pipö punton, we Yerusalem lö kerïntenyi! Sïwïyi pöytoghikwa löwïr ororyengu akïmïnchinyi kaynat nyo rel, kaynat nyo konu ECHOTYON nyinte.

ISAYA 66:11

Atongörökyenö nyu le monïng nyo chïchïnöy kitïneto kame.

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

ESEKEL 43:4

Kilït ororyo ECHOTYON Kö pö Tororöt* nyo kilïtunö kukat nyo pörtoy kongasis.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

MATAYO 4:16

Sïwïyi pich löpoyïn nyo wow cho kötöpisot tuwïn. Körökyï löpoyïn cho kömöngöy koro tuwïn, pich cho köpestegho rurwo meghat. Kechumchï chane yenyu löpoyïn.”

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

YOANA 1:9

Löpoyïntö nyinte kegh nyoni kingwïnöy ngwïny kulïwchini pich lapay.

YOANA 12:46

Ochan löpoyïn nyo kingwïn ngwïny, atömökïtöpo tuwïn chi anka tïkwïl nyo ghönanïn.

YOANA 3:19

Anyï wölini kingwïnta kirwokö ngwïny: kingwïn löpoyïn ngwïny, wölo kïcham pich tuwïn kïsir löpoyïn, ompöwölo ki ghach ighisyewutkökwa.

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

EPESO 5:14

ompöwölo ighöy löpöyïn kïgh anka tïkwïl kïrumï. Nka nyay mwoghöy Kikirut lö, “Chïkana, nyi nyo irïwöy, aitutunö ngwen, atökulïwchin Kristo!”

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

PILIPI 2:15

atamuka alïkuna pich cho puryö lelut cho tïlilöch, monïngo Tororöt cho tenote, cho möngöy kwenu pïn nyo mörkel akïchumpönote. Olïwunö ompö kwenungwa le kokelya yïm,

1 PETRO 4:14

Ongörekyenö ato mwaghakwa pich ompöwölo ochikwa pipö Kristo. Poru nyoni mi kïtöpo nko akwa Mïkulöwu ororyö akï nyoni kï Mïkulöwu Tororöt.

NGONGUT 21:11

akï nyo kilïwu ompö ororyo Tororöt. Kulïwï kanasyantanay le kogh pö olyot nyo wow nyo lata koghpa yaspi nyo lïwu le kiyö.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.