ISAYA 6:13 - PIPÏLIA

¹³ Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

ISAYA 6:13 ပူးပေါင်းရင်းမြစ်များ

TOWUNÖT 22:18

Soyönöy kegh asïyech pipö punton cho pö ngwïny kïmïkul, ompöwölo keteranyi kutinyan.”

ESRA 9:2

Kwip chane tipi pïchoni nyo kegh pipö Tororöt cho tïlilöch kukulkulyö kegh nko chane. Akï kintöghoghï nko kirwokot cho kenyorisyö tya.”

ESRA 9:8

Wölo kesyonchechanyi ye, we ECHOTYON Tororötïnyo, ompö pöroyïnï tangogh nyo kepïswechanyi walaka ompö acha keperunenö sekeynön akemang wölo tïlil akïripote. Kighecha Tororötïnyo kesöpchenö kïrkegh kikïchicha sekey.

ISAYA 1:9

Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

ISAYA 11:1

Kïlenyona, pituno sanakana ghït pö Yese, akuyinu akwa morïna nyo ngwïno ighinkachi.

ISAYA 4:3

Kiyitöy nyu chi anka tïkwïl nyo kingötï ompö Sayon* akudong Yerusalem lö tïlil.

ESEKEL 6:8

“Wölo otukan pich walaka ompö akwa cho köchïwïtyeghö chok cho kepertoy kïpa kïlïtöy punton, otini kotoytoyekwa oghömï koros

AMOS 5:3

Lentöy Echotyon TORORÖT kanasyan nyo kiset pich cho le elpu akonga kïmïlisyö cho le pokol opïn kïlö anka nyo kiset cho le pokol kïmïlisyö cho le taman.

MIKA 5:6

Pöytoy koro Asirya ompö chok akïpayta koro Nimrod ompö chok nyo mi kisach kisörwecha nyu chane ompö mori pipö Asirya otini kapka chane korencha akïlïtu rotyotïnecha.

SEPANIA 3:12

Otukyinan Yerusalem pich cho tölose, pich chi rïngöy kegh, pich cho sorwanïn tökïnyorï kalya.

SAKARIA 13:8

Oghïtenan ewunyan apar piköchan cho nyörkölöl ompö pich sömök, meghsot cho le odeny.

MALAKI 2:15

Melö so kighakwa Tororöt alïkuna por akonga nko mïkulögh akonga nko nyinte? Akine machata Tororöt kwighöy lenyoni? Kilentöy tosïkökwa monïng cho konyïtöy Tororöt nyoman. Kïlenyona, orip kegh mörumunö kwenunkwa ompö akong nyo penyöy kiyomisöt nyo kimwochï korkenyi.

MATAYO 24:22

Wölo ntökimelö kikingörïngit osiswechoni, kitömöminye chi nyo kïsöru nyonikïny. Wölo kingörïngitöy osiswechoni ompö kïlanpa Tororöt.

MARKO 13:20

Akï ntökimechïchuk Echotyon osiswechoni, tömöminye chi nyonikïny nyo kïsöru. Kichïchuk nyinte osiswechoni ompö pich cho kikïl kïlïkwï chechi.

RUMI 9:5

Kipkana chane ara pipö Eprania cho tokunote. Akungwïna Kristo pichoni ompö ara por. Nya kïsala Tororöt nyo pöyu tïkwïn löwïr kokay. Amen.*

KINONO KIRURUT 28:62

Kïrkegh kökyachangitukwa akarkegh nko kokelya yïm, ongötukwa pich cho ngörï, ompöwölo kapenyakwa ngala ECHOTYON Tororötïngwo.

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.