ISAYA 59:7 - PIPÏLIA

⁷ Omitekwa otötöy ghöyityö kïtenö osis amelö otïngetekwa pöroyïn nyo le ompö kite nyo oköngisïyi kïtomö amïltena kisön cho puryö lelut, pö tötutkökwa löwïr rïmöt. Rumuno ortïnekwa cho echön tïryolyö nko kiwurat.

ISAYA 59:7 ပူးပေါင်းရင်းမြစ်များ

NGÖTÏNYÖ 1:16

Ompöwölo ryoghchini chane ngokï kwigh akïmi kïpsach kïmïlta kisön.

NGÖTÏNYÖ 15:26

Ghöchini ECHOTYON kinonut pö mwokïyon, ngörökyini nyinte ngala pich cho tïlilöch.

NGÖTÏNYÖ 24:9

Ngokï kinonut pö sölwö akulilöy pich kichïmpisintö. Ngöghomnyö nyo pö tömönut odeny nko angwan

NGÖTÏNYÖ 6:17

Kwolöto kegh nko ngalyap nyo mwoghöy putintön, nko ewun cho mïltoy kisön cho mötïnye lelut,

NGÖTÏNYÖ 6:18

nko mïkulögh nyo nonöy kinonut cho ghach, nko kelyön cho pïrtït kurïpchï ghöyityö,

ISAYA 15:5

Rirchini mïkulöwunyan Moap! Kepertoy pikachi kutang kanasyanta Soar nko Eklat Syelisyiya. Kïpusta walaka kïrïp or nyo wetöy Luit, akïmi kïrirsot otini petöy, kupertoy walaka kutang Oronaim nko nyarïl nyo wow.

ISAYA 32:6

Ngölonöy chi nyo le sölwö ngala sölwontön akunonöy tïkwïn cho ghach. Ighöy akïngölonöy tïkwïn cho ghöchini ECHOTYON. Melö pöghöy pich cho amate kömöy anta tö chane pögh cho gheghöy.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

ISAYA 60:18

Melö tökelïmo korengu ngat kiteghata masat. Amelö tökutimtimöy korengu kiwurata ngat. Okörtoninyi aghetinyi le nïyat, isölaninyi ompöwölo kosörunyi.

ISAYA 65:2

Kyomitan kïpsach osis atak pich cho le penyï, cho ighöy tïkwïn cho ghach akïrïpöy ortïnekwa kegh.

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

ISAYA 66:4

Kïlenyona opchinan kiwurat nyo nyoruno tïkuchini otyegho chane, ompöwölo puryö chi nyo kingitön otini kyokursyan anta lïm ngölyontenyan otini kyongölonchan.”

YEREMIA 22:17

Wölo nyete le nyi, sururchini konyiku nko mïkulöwungu tïpö mïrwos. Imïltonenyi kisön pö chi nyo puryö lelut. Ichengonyi kat tïpö pich aikarenyi pkuku.

YEREMIA 41:7

Nyini kisïwa lö kikïlïtï kanasyan kïpar chane Ismael nko pïchay le taman kimi tïkwïl atolapay kïwirchï porwöyikwa kö pö pögh.

LOK 4:13

Wölo kigha lenyoni ompö ngoki werkoyichi, kigha lenyoni ompö ghöyityo tïsichi. Kimïlta chane kisön pö pich cho puryö lelut.

ESEKEL 18:12

Akïpïr pich, akïlïkwï chi nyo le chorin amelö ghoktoy pösön, chi nyo soghöy körkeyïntin kusïmnyonöy kegh.

ESEKEL 22:6

Rosa kimïlta kisön kintöghoghi Israel löwïr cho miteninyi kïrïp kegh nko owesyenyi.

ESEKEL 9:9

Kïlenchanïn ECHOTYON, “Kikwigh pipö Israel nko pipö Yuda ngokï cho echön. Kikïmïlta kisön cho chang ompö kor akunyïghit ghöyityö Yerusalem. Mwoghöy chane lö, ‘Kikïpïstö ECHOTYON koronï amökïyongönye.’

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

MATAYO 2:16

Otini kisöwï Erode lö kilïs nyinte pïchay ngöghomöch nkït ngala kokel, kulila nyoman. Kïyonta pich kïpa kïpar monïng löwïr cho le wor cho kimi Petleem nko söremwokachi tïkwïl, cho kitïng könyis odeny kwapta, kutang atanye kiryama nyinte nko pïchay ngöghomöch nkït ngala kokel.

NGONGUT 17:6

Atolapay asïwan lö kitamasa kokononi kisön pö pipö Tororöt nko kisön pö pich cho kikïpar ompöwölo kimöpïstönye kïrïp Yeso. Otini kyasïwan kokononi, atanganyan nyoman.