ISAYA 59:16 - PIPÏLIA

¹⁶ Kïtöngönchï otini kisïwa lö puryö chi nyo kingarak pich cho kikïpïr. Nka nyoni pöghisyegho owesyenyi tökïsörï chane akïrïnta.

ISAYA 59:16 ပူးပေါင်းရင်းမြစ်များ

TUMWÖY 106:23

Kïlenyona kïlö Tororöt opöröy chane, akimöngötunye ntömöghetisyö kïlanenyi Musa akïkar nyölotyo Tororöt tömewany chane.

TUMWÖY 94:16

Ngo nyo ngörokanïn ompö mwokïyis? Ngo nyo mi okuntönyan ompö pich cho ghach?

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

ISAYA 33:2

Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.

ISAYA 33:3

Pertoy pungköcha ato chögh poryot aimitenyi ingörokecha, toyot pipö punton atolïm chöghöto poryot.

ISAYA 40:10

Ngwïnöy Echotyon TORORÖT atökïpayta ompö owesyö, akumïtu pikachi cho kakïsörï nyinte.

ISAYA 41:28

Kyarosïtan wölo masïwanye, kimöminye kirurintö ompö nyo le akonga, nyo kimuköy kuyokwanïn ngölyon.

ISAYA 50:2

“Kilö ne tömonyorwan chi atanya kyorutowokwa? Kilö ne tömöngitonchö chane ato kyokursyan? Ayo, tangogh so ewunyan nyo momukanye osöru chane? Omukan oghöy nanam kïteny ompö ngölyontenyan, awaghach lalwatïn kïlïkwï surkwen, kïmeghyö kaghagh cho mi oringwa ompö rörchin pö pögh.

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 51:9

Ngeta, we ECHOTYON aisörwecha! Pöghisyeghenö owesyengu tesörwecha, pöghisyeghenö le ato kipöghisyeghenyi otini le awïyay. Mö nyi nye so nyo kitörotör Raap, tyonyanya wow kimi pögh kïlïkwï mïnchïran?

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 53:1

Ngo nyo keghan ngalechï kakïmwowecha? Akï ngo nyo muköy kunkïtu lö, ECHOTYON nyo kegh ngalechete?

ISAYA 62:8

Kam ECHOTYON muma nyo ngwan, ay, kam nyinte muma ompö ewunyi nyo pö tagh lö, “Melö totönan ngat paghekwa kïlïkwï omisyö pungkökwa amelö tökïgheghöy pich cho le to dipaykakwa,* cho kyonyorukwa ompö kighotikwo.

ISAYA 64:7

Akï möminye chi nyo wöghöko akïsaghinyi. Möminye chi nyo ngwïnöy wölo imitenyi atökengarak. Anyï ye kewïngenyi kegh wölo kïmitecha, aipakadecha akwompö ngokicha.

YEREMIA 5:1

Ongisngise kanasyanta Yerusalem, okïtö atosöwunö akwane! Okïtö ompö wölo kyoltegho tïkwïn. Einyorunyi chi ompö akonga nyo ighöy man, nyo möchömönye putintönï? Kwato rumu, olöstoghchinan Yerusalem ngokichi.

ESEKEL 22:30

Kïlenyona ayaran chi kwenungwa nyo muköy kïtek nayat akughyongö nïyetwe wölo kikewur ompö tawunyan, atö mawuran kore, wölo monyorwanye ompö akonga.

MARKO 6:6

Kïtöngönchï Yeso nyoman ompöwölo kimeghancha. Atolapay kïwesteghö Yeso keston cho kilekïtöch kunetata pich.