ISAYA 59:10 - PIPÏLIA

¹⁰ Kikïsamsamacha nïyet le pich cho köryote, kikipïtyotecha otini le pöghet kwen le ato le nangat le ato kikïpesteghocha wölini le ngwen!

ISAYA 59:10 ပူးပေါင်းရင်းမြစ်များ

AYUPU 5:14

Ngwïnchini chane tuwïn pöghet akïsömsömotoy or pöghet kwen le oghö.

NGÖTÏNYÖ 4:19

Karkegh ortïna mwokïyis nko tuwïn pö arawa menkïtcha kïgh nyo kwötöy chane.

ISAYA 28:13

Nka nyoni ngwïnöy ECHOTYON kunetokwa keyokyini kegh kirurut akeyokyini kegh kinetut, kite ompö wöl, kï kite ompö wölnö. Kïlenyona, otini petöy chane, kupïtyotoy akïkörtoy kegh löt, atökwilyö akenama chane ngöghöp akerang kïlïkwï mampustin.

ISAYA 8:14

Lïku nyinte wölo tïlil, wölo karkegh nko kogh nyo kwötöy pich akïlïkwï ghat nyo pïtyegho koro Israel kwodeny, akïlïkwï ngöghöp nyo nömöy pich cho möngöy Yerusalem.

ISAYA 8:15

Kïkwötöy pich cho chang ompö wöloni, atökupïtyö akwilyö. Kïnömo chane ngöghöp.”

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

LOK 3:6

Keghanïn nyinte amang wölo tuw le mïntïruch cho pö könyisyok.

LOK 4:14

Kitompöroryö werkoyichoni nko tïsï ompö ortïna kanasyan le chepkarotin Kikikïlïkwï chane sïmnyon ompöwölo ki pröch chane morïn. Kilïkwï sïmnyon ntökïkïr kegh pich maswany chane.

ESEKEL 21:15

Kïlenyona kïmïghyö ompö ngalechï, kyotönön ortïna kanasyantengwa chok nyo ryölöy le kiryal akï mi kïpsach kïpörisyö.

AMOS 8:9

Lentöy Echotyon TORORÖT ompö asisoni, “Oghan asis kïröytö nyini keghyö akïtuwit korö nyini le pöghet kwen.

MIKA 3:6

Kïlenyona tuwitu ompö akwa werkoy, puryö sïwïyagh lïku tuwïn, puryö kïgh nyo kïngongwokwa. Rorisönchini werkoy akïlïkwï pöghetungwa tuwïn.

YOANA 12:35

Kïlenchï Yeso, “Tökïmi kwenunkwa löpoyïn ompö osis cho ngörï. Apestena otini totïngetenö löpoyïnoni atömelumak tuwïn, ompöwölo menkïtnye chi nyo westegho tuwïn wölo töngöy.

YOANA 12:40

“Kimolul Tororöt konyikwa akwigh mïkulöwekwa kwoghïghitu atömasïwegha konyikwa anta sïkunö mïkulöwekwa, akïwöghökisyö wölo omitan, atosopön osop chane.”

KINONO KIRURUT 28:29

Otoktokekwa pöghet kwen, le chi nyo karote amelö soyöno kïgh anka tïkwïl nyo oghekwa. Kinyörilokwa kïnomnyö akepïrokwa, amelö onyorunekwa chi nyo ngörokokwa.

1 YOANA 2:11

Wölo anka tïkwïl nyo möchömöy tupchenyi kïmi akïwestegho tuwïn. Menkïtnye chichoni wölo gheghöy, ompöwölo körtoy tuwïn nyinte.