ISAYA 58:3 - PIPÏLIA

³ Tepöy pïchoni lö, “Ompö ne tökekïrurecha atökesagha lasiny akwanyï melö sïwïyi ECHOTYON? Ompö ne töketaghenacha kegh omisyö ato melö yongöy nyinte?” Nonchini nyu ECHOTYON chane, “Kömpölelye kï nyï, otini omitekwa okïruröy atasagha lasiny, omitekwa orïpotoy möchutkökwa, amitö otungo piko ighisyewutkökwo nïkisïntin.

ISAYA 58:3 ပူးပေါင်းရင်းမြစ်များ

ESRA 8:21

Amwatïtan kekïrur ompö lalwa Aapa tökerïngacha kegh ompö tawu Tororötïncha akesagh nyinte kuntöghoghwecha nko monecho nko tïkucho löwïr.

NEEMIA 5:7

anonsyan, atolapay orwokyan chönökopïr nko yetïntin alenchan chane, “Ompö ne tomökekwa opïre werkökwo?” Atolapay okurön pich kïpka kïsïwa ngalechï

AYUPU 34:9

Ompöwölo lentöy, ‘Möminye tösunötö nyo nyoru chi nyo lentöy orïpöy machata Tororöt.’

TUMWÖY 69:10

Kisasanïn pich, otini kyamïnïngitan kegh akïrur.

NGÖTÏNYÖ 28:9

Ato waghach chi yitïnyi atömalïm kirurut, kulilu nyini le ompö saghatenyi.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

ISAYA 22:13

Wölo nyinö kitoghekwa lenyoni, opechikwa ororyö, aketa lö kïng! Kyayengakwa kechir apar tïch, amakwa pany, aghegh kumïn. Atolapay amwaghakwa lö, “Kyaketena akegheghsyö, ompöwölo kiwonyocha asïyech!”

ISAYA 47:6

Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

LAWIN 16:29

“Lïku nyu kirurut nyo pö kokay ompö akwa lö nyini ketomtö asispa taman nyo pö arawa mut nko odeny, okïrurekwa amagh ighisyö anka tïkwïl nko ton nyo möngöy kwenunkwa.

LAWIN 16:31

Lïku Sapato* nyo omunyekwa akïrur ompöwölo lïku kirurut nyo pö kokay.

LAWIN 23:27

“Lïku asispa linyot asis nyo pö taman ompö arawa mut nko odeny akï asispa tuyot nyo kïkonyïto ECHOTYON ompö akwa nyo omïnïngitekwa kegh atötö ropöwo omisyö ompö ECHOTYON.

MALAKI 3:14

Otï kamwaghakwa lö, ‘Kwïle nyoman kepöghisyechï ECHOTYON. Nyiwu ne kegh kïgh kïrïp kegh nko kirurut pö ECHOTYON Kimuktoghin ata kelokyotö kuporï lö kikelelacha ompö tawunyi?

KIYITUT 23:4

Kuryam ECHOTYON nko Palaam, kïlenchï Palaam ECHOTYON, “Katekan ato kïpelo amöros cho le mut nko odeny, aroptan egh nko makal ompö anka tïkwïl.”

LUKA 15:29

Wölo kïlenchï kwanta, ‘Nane lö könyis ata chaye kyopöghisyewunyi le sekeyon, amelö mi ompö asis akong, nyo kyapenyan ngaleku. Kunko tomönye konaninyi nyo le ompö wawa aran ayeng angarak nko kongotichu.