ISAYA 57:3 - PIPÏLIA

³ Apkana mwokïyischï yi kerwokwok. Mochikwanye ngwangwa kïtïl ponï nko pich cho petöy koru pich nko cheporestin.

ISAYA 57:3 ပူးပေါင်းရင်းမြစ်များ

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

ISAYA 1:21

Kötöpö onö kanasyantanï kighanate tökïlïkwï chepores! Kinyïghitate pipö man orinyi osiswe walaka, wölo köngötï ye nyu rïmï opïn.

ISAYA 1:4

Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

ISAYA 45:20

Mwoghöy ECHOTYON lö, “Akwa puntoni ngwïny cho le ngötunön, aghamïtuna kegh apkan atökerwokwok! Wechï sölwöy pich cho ipsötoy körkeyïntin cho kikigha ket, akïsagh tororötin cho memukönye kïsörï pich!

ISAYA 48:16

“Apkana nyu arikuna atalïma kïgh nyo omwowokwa. Kyangalanan kïlöpo kïngeta otini le tagh, aghan kïtenö osis ngalechan kïrumu lö man.” Kayontanïn ye nyu Echotyon TORORÖT, akïkonanïn owesyo Mïkulöwunyi.

ISAYA 57:7

Kapusakwa kutïngkot cho koghöch ataropteghena wöloni amörostin, alïtyï kegh ompö wöloni.

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

YEREMIA 3:6

Ompö osiswo paytaghpa pöytoghin Yosia, kilenchanïn ECHOTYON, “Ayo, kesïwenyi kïgh nyo kegh Israel nyo poru lö melö ghanate? Köpïstanïn akïwechï kwigh cheporesnan ompö komos nko ghïtwo pö ket cho nyörilöch sökö!

YEREMIA 3:9

Akwompöwölo kisïwa lö ki kïgh nyo mïnïng cheporesnan, kwipchï kor sïmnyontön nyo wow nyoman ompö cheporesnan otini kisoghöy koghïn nko ket.

OSEA 1:2

Kinya ECHOTYON kïngölonchï pipö Israel otini kïlenchï Osea, “Wïyö ipö korka nyo le chepores, akïyiwun monïng cho karkegh nko kame, ompöwölo kegh koronï cheporesnan nyo gha otini kipïstö ECHOTYON.

OSEA 2:4

Mosyonchinanye monechi, ompöwölo monïngo cheporesnan chane.

OSEA 2:6

Kïlenyona owokonan arenyi kato, awach kasar atökupot wölo weröy nyinte.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

MATAYO 12:34

Akwa moroyutchï, omukekwa lö ne ongölone ngal cho karamach achikwa ghach? Ompöwölo ngölonöy kuti chi tïkwïn cho nyïghïtate mïkulöwunyi.

MATAYO 16:4

Pïn nyo gha nyo melö ghanate nyo yöröy kiporunöt! Wölo möminye kiporunötö nyo osïkekwa nyonikïny, kïpoto nyanya pö Yona.” Kïpïstö Yeso chane akïwechï kegh.

MATAYO 23:33

Heywey moroyut chï otïngetö ngwonö! Omukekwa ochïwïtyegho kirwoko mapa kokay lö ne nya?

MATAYO 3:7

Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

LUKA 3:7

Kïpka nyu söpïchis pö pich wölo mi Yoana atökupatisan nyinte chane. Kïlenchï pïchay, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

YAKOPO 4:4

Ne pikö chï meghönote! Monkïtökwanye so lö kenam kongot nko ngwïny, kï kakïlïkwï pung pö Tororöt? Anka tïkwïl nyo mököy kïnömöy kongot nko ngwïny, kï kegh kegh punyonto Tororöt.

1 YOANA 3:10

Anyï kïgh nyo poru sisïn ompö monïngo Tororöt nko cho pö Onyöt: chi anka tïkwïl nyo meghönye kïgh nyo pö man anta macham werïngwa, kïmelö mompö Tororöt nyinte.