ISAYA 57:2 - PIPÏLIA

² Nyoru pich kalya cho tïpisot otöp nyo karam akumuny ompö ngwen.

ISAYA 57:2 ပူးပေါင်းရင်းမြစ်များ

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

2 OTÖPTINO OSIS 16:14

Ketïpchï pïrïm nyo kikïpal nyinte ompö kanasyanta Daudi, wölo kinyïghitate tïkwïn cho ngutoy cho onyïn cho kigh pich cho chïreröch ompö ngala sakït akenagh ma nyo wow nyo ompö konyïtanyi.

AYUPU 3:17

Mökususönye pich mwokïyis ompö ngwen, mungo wöloni pich cho kyoghochö.

TUMWÖY 37:37

Iros chi nyo karam nko chi pö man, nyoru chi pö pöghisyö perur,

OMTOGHIN 12:7

akïmïla nyïngwïtyanta nyïngwïny nyini kingwïna, kïmïla mïkulögh wölini mi Tororöt nyo kikonï.

ISAYA 14:18

Rusot ompö ororyö pöytoghi pipö punton, rïwöy chi anka tïkwïl pïrïmpenyi nyo pïchigh,

ISAYA 26:7

Ilïtitenyi ara pipö man, we Echotyon, rïpöy chane or nyo ghïteghote.

YEREMIA 6:16

Lentöy ECHOTYON, “Oghyongenö ato keryama ortïna, atopöntö, atepa keporwok ara könyisyok nyo karam. Arïpakwa nyu aranoni topöghisyenö ompö kalya. Wölo kölö chane, ‘Ewo, mökïrïpechanye aranoni.’

ESEKEL 32:25

Keghchï nyinte pöröy ompö wölini kiwonyechï pich nko pipö lïk löwïr cho kiwit pïrïmpotikwa nyinte, cho le sompen, cho kikïpar kighömï mïghötö koro pich cho tökïsötote. Kinam arasï chane löwïr cho kipa kïröytö ngwen, kipa kïtuyö nko cho kikïpar.

DANIEL 12:13

Wechinönyi kegh, we Daniel, ntökwitïta söröm. Itu ato irïwenyi, wölo itutunenyi, ainyorï ropöwontengu asispa söröm.”

MATAYO 25:21

Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

LUKA 16:22

“Kitöpö meywontonay ntö kïma. Kïpka kumït malayken nyinte kïwö kïtöpö nko Apraam. Kite kïma sïkönonay tïkwïl, aketïp.

LUKA 2:29

“Pïstenönyinyu ye mötworintengu, Echotyon, kïwö ompö kalya kïrïp kegh nko ngölyontengu,

LUKA 7:50

Kïlenchï Yeso kokonay, “Kakïsörunyi kighanatengu, wechinö kegh ompö kalya.”

2 KORINTO 5:1

Ompöwölo kinkïtöcha lö ato kïngany koncha nyï kïmöngöy otï le ye nyoni kï portöncha nyo pö ngwïnyinï, kïtökïkonecha Tororöt mönge anka nyo mi yïm nyo pö kokay nyo melö kïteko ewun.

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

PILIPI 1:23

Köpiryechanïn ye ngala odeny, opörchinan tya owö otöpö nko Kristo, ompöwölo karam nyoni kïsir tïkwïn löwïr,

NGONGUT 14:13

Atolapay alïman kut nyo ngwïnö yïm nyo kilentöy, “Kira lö! Soyönote pich cho meghyot kïngeta ye kïtas tagh, kïpöghisyechini Echotyon!” Kuyokyï Mïkulögh lö, “Owöy lenyoni nyoman! Sïköy chane kimïny ompö kighotikwa, ompöwölo rïpöy chane ighisyewutkökwa.”