ISAYA 57:19 - PIPÏLIA

¹⁹ Otöninan pich löwïr kalya, cho lekïtöch nko cho möngöy wölo low! Osopan pikachu.

ISAYA 57:19 ပူးပေါင်းရင်းမြစ်များ

ISAYA 26:12

Ikonechanyi kalya, we ECHOTYON, ompöwölo löwïr cho kakighacha, kï nyi nyo kengarakecha.

ISAYA 26:3

Nyi, ECHOTYON nyo itöni kalya nyo tenate pich cho tïng machat nyo chïchïmate akïmi chane kughöninyi.

ISAYA 32:17

Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

ISAYA 6:7

Kïswanga kutinyan ngösötonay akïlö, “Kaswany ngösötonï kutingu, kakechengeninyi ye ghöyityengu akelöstowunyi ngokiku.”

YEREMIA 30:17

“Ongörokinyi sïkö ngat kisön cho karamach ongwïnan osopöy moyoköku. Ompöwölo kïmïninyi punköku kïlentöy, ‘Sayon* nyo puryö nyo yongöy.’ ” Mwoghöy ECHOTYON.

YEREMIA 33:6

“Wölo kïrkeghnye so choni löwïr, itïtoy ato ongwïnan osopöy pipö kanasyantanete. Ongörokan chane tökulet nyo karam akïtïpï ompö kalya.

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

OSEA 14:5

Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

SEPANIA 3:9

“Itïtoy ato otïlilan ngölyep pö piköchan kïngalan man, kuranïn akïsaghanïn akïpöghisyewanïn onkït ompö mïkulögh akonga.

SAKARIA 9:10

Lentöy ECHOTYON, “Owonyan nkarino lïk cho chutöy angoletino Epraim, nko cho pkonöy kanasyanta Yerusalem. Oriyan kïwantis pö poryot. Ipchini nyu nyinte pipö koros kalya, yöstoy paytaghtanyi kïngeta nanam ntökwit nanam. Ngeto lalwa Yuparet ntökwit söremwok pö ngwïny.”

MATAYO 10:13

Ato tach piko köyoni takwestankwa, kïtöpo kalyenkwa nko chane, wölo ato melö katachekwa chane, akany kïmïla kalyenkwa wölo omitekwa.

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

LUKA 21:15

Ompöwölo okonokwa ante kuti nko ngöghomnye nyo memukönye pungkökwa kuyokwï kïgh amemukönye kumöl.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

IGHISYEWUT 2:39

Ompöwölo nyinkwa kiyomisötononi nko monekwo nko löwïr cho mi wölo low nko tïkwïl cho kuröy Echotyon Tororötïnyo kipkonchï nyinte.

EPESO 2:13

Wölo ye, akwa cho kyochï lowöch nyoman ompö Kristo Yeso, kikenokunekwa arikuna ompö meghenyi.

EPESO 6:19

asoghwante tïkwïl kïkonanïn Tororöt ngölyon, töto omökan ongölonöy, amukan amwatïta Lökoy cho Karamach cho wïngote ompö nyakanat.

EPRANIA 13:15

Kesala nyu Tororöt osis lapay ompö ara Yeso, salatanoni nyo tötoy pich lapay cho kikughan kaynenyi.