ISAYA 57:18 - PIPÏLIA

¹⁸ “Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.

ISAYA 57:18 ပူးပေါင်းရင်းမြစ်များ

TUMWÖY 23:2

Ighanïn oghïteghö achey wölo pitate akuntöghoghwanïn owö wölo mi pögh cho silyote.

TUMWÖY 51:12

Yokwante ngat ngörekyo sörunötengu aikono mïkulögh nyo teröy ngaleku.

TUMWÖY 94:19

Otini kesusanïn ngala cho chang, isoghsoghaninyi aighanïn oturön.

OMTOGHIN 9:4

Wölo tïng kikönöt chi nyo kaketuyö nko pich löwïr cho söpsot, ompöwölo kaykay kukïy nyo satate kïtïl ngötïny nyo kima.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

ISAYA 12:1

Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

ISAYA 19:22

Töni ECHOTYON nyarïl pipö Misri, wölo sopöy chane ato le lötï. Wöghökyini kegh nyinte, akïterchï chane sowutkökwa, akusop.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 51:12

Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?

ISAYA 52:12

Melö osurekwa panï pö ye, amelö opertonekwa atochïwïtyenö. ECHOTYON Tororötïnkwa nyo ntöghoghwokwa akïripokwa nyinte ompö wop anka tïkwïl.

ISAYA 53:5

Wölo kikitwarï kïkarerana por mungö nyinte ngokicha, kikïmungö ngokï cho kikighacha. Kakïsöpchecha ompö kichopat nyo kiwongunö nyinte, akesöpchchecha nyu ompö kitwarunatenyi.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 58:11

Ontöghoghwokwa nyu kïtenö osis, aghakwa opïghyenö tïkwïl cho karamach. Oripokwa, akonokwa owesyö. Okörekwa kegh nko par nyo mi pögh cho chang akarkegh nko kompa pögh nyo melö tengöy.

YEREMIA 13:17

Wölo ato materanïkwanye, kïriröy mïkulöwunyan ompö sison akwompö menötenkwa. Olokan ompö ngwonïn kïtörengu lok, ompöwölo kakïrang pipö ECHOTYON le naman.

YEREMIA 3:22

“Omïlisyenö we pïchï mochï ghönote Osopekwa ngat alïkuna pich cho ghönote.” Atoni nyu ato omwoghekwa lö, “Arose, kökïmïlonchecha wölo imitenyi, ompöwölo ichinyi ECHOTYON Tororötïncha.

YEREMIA 30:17

“Ongörokinyi sïkö ngat kisön cho karamach ongwïnan osopöy moyoköku. Ompöwölo kïmïninyi punköku kïlentöy, ‘Sayon* nyo puryö nyo yongöy.’ ” Mwoghöy ECHOTYON.

YEREMIA 31:3

ochumchan nyinte kïrkegh kyochan low. Kachaminyi ompö chomnyot nyo pö kokay, nka nyete mopïstonanye oporunyi chomnyenyan.

YEREMIA 33:6

“Wölo kïrkeghnye so choni löwïr, itïtoy ato ongwïnan osopöy pipö kanasyantanete. Ongörokan chane tökulet nyo karam akïtïpï ompö kalya.

SAKARIA 1:13

Kuyokyï ECHOTYON ompö kut nyo karam akutö kikönöt.

LUKA 15:20

Nyini kinan lenyoni, kïnam pan kïmïla wölo mi kwanta. “Kïsïwa kwanta werïnyi kungwïnöy otini kitökïlow ompö katangwa. Kusyonchï akurïp kïtaroch akukonköy ompö ngörekyö.

RUMI 5:20

Kikïkonï kirurut atökïtasa penyata kirurutchay. Wölo otini kïtas pich tya kwigh ngokï, kïtasa ompö tya pöropcho Tororöt ompö pich!

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”