ISAYA 57:1 - PIPÏLIA

¹ Meghsot pich cho karamach akï möminye chi nyo nkïtu anta sïnga nyonikïny. Wölo otini kömeghö chane, kïmelö mito kiwurata nyo ngwonchini chane.

ISAYA 57:1 ပူးပေါင်းရင်းမြစ်များ

1 PÖYTOGHÏ 14:13

Riryot pipö Israel löwïr ompö nyinte akïtïpöy chane nyinte. Nyinte onkït nyo pö ara Yeropoam nyo kïtïpöy nyo karam, ompöwölo nyinte onkït nyo kacham ECHOTYON Tororöt pö pipö Israel.

2 PÖYTOGHÏ 22:20

Melö topunan ye nyu kinyarat Yerusalem ntökïtenö rapasanyi ompö kalya.” Kïmïlonchö pïchay wölo mi pöytoghintö Yosia akïmwochï ngalechay.

2 OTÖPTINO OSIS 32:33

Kirapas Esekia, ketïpchï nyinte pïrïmpoti werpö Daudi wölo le are kunto. Kuporchï konyït nyo wow pipö Yuda nko möngi Yerusalem asisini kirapas nyinte. Kuker werïnyi Manase kïpayta.

2 OTÖPTINO OSIS 34:28

Otinö kachengan söpengu le ato kyachengan cho pö papotïneku kerorchinyi pïrïmpengu ompö kalya amösïwïyinye konyiku ghöyityö löwïr nyo opchinan Yerusalem nko pich cho möngöy ori.’ ” Kïlenyona kwipï pïchay lökoyechay kwïpchï pöytoghin.

2 OTÖPTINO OSIS 35:24

Kïsïtunö Mötworichi nkari akumïta nkari anka kutang Yerusalem. Kïma Yosia ketïpchï wölo kikïtïpchï papotïnechi. Kïlokyö pipö Yuda löwïr nko cho pö Yerusalem ompö Yosia.

TUMWÖY 12:1

Ngarakecha, we ECHOTYON, kikuwonyö pich cho ghönote, mökïminye chi nyo le ompö akonga nyo ghöninyi.

TUMWÖY 37:37

Iros chi nyo karam nko chi pö man, nyoru chi pö pöghisyö perur,

ISAYA 42:25

Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

ISAYA 47:11

Kïlenyona, itunyi ghöyityö, akï möminye panengu nyo muköy kuyoda. Mirinyi kiwurata lawel nyo melö kikönenyi!

ISAYA 47:7

Kinonchinyi kegh lö olïku pöytoghin kokay, ntökupölinyi nonchinö mïkulöwungu anta inonchï kegh wölo lïku sörömuto ngalechoni.

ISAYA 57:11

Mwoghöy ECHOTYON lö, “Ngo tororötinechï otyeghonokwa ntökwighakwa omwowanïn ngala putintön, awutyeghenanïn. Kowutyeghekwa so okonyïtanïn ompöwölo kasisan nyo kogh?

YEREMIA 18:11

Kïlenyona nyu, mwochinö pipö Yuda nko cho möngöy Yerusalem lö kamwaghan ante ECHOTYON lö, ‘Otötwokwa onyorunö nyarïl. Lïku nyoni sitenkwa atomopïstekwanye ortïnekwo cho ghach. Omïlisyenö apïstö ortïnekwa choni ghach. Mïchini asitakwa ortïnekwo nko ighisyewutkökwo kuten.’

YEREMIA 22:10

Akwa pipö Yuda, morirsot lö kama pöytoghintenkwa Yosia. Wölo oriryenö nyoman ompö Yoaas, werïnyi. Ompöwölo kökwip nyinte kïwö wölo melö tökïmïlo. Melö tökungwïnöy ntökïsïwa wölo kikïyichï.

ESEKEL 21:3

lentöy ECHOTYON, ochan punyon ompö akwa. Ongwïsunan chokenyan aparekwa lömïs cho karamach nko cho ghach.

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

MALAKI 2:2

Mïchini okonyïtanïkwa ompö kïgh anka tïkwïl nyo oghekwa. Mwoghöy ECHOTYON Kimuktoghin. “Wölo ato materanïkwanye, ochïpokwa. Akyochïpokwa ompö nyete le ye, ompöwölo melö kyayangakwa ngal cho kyomwowokwa.

KIYITUT 23:10

Ngo nyo muköy ntökuyit chongïn pö pipö Yakopo? Chang chane nyoman tenö ngayam. Nya ameghan le chi pö man, akïlïkwï sörömunyan le nyo pö chi pö Tororöt.”