ISAYA 56:6 - PIPÏLIA

⁶ Akïlenchini ECHOTYON ngat pich cho le pïnot cho kakutuyö kegh nko pikachi, akïcham nyinte akïpöghisyechï nyinte, akïrip asispa Sapato, akïrip mumenyi,

ISAYA 56:6 ပူးပေါင်းရင်းမြစ်များ

1 PÖYTOGHÏ 8:41

“Kïkany atolïm ton nyo ngwïno kor nyo low ororyo kaynengu nko ighisyewutköku cho kighchinyi piköku Israel akungwïn kïsaghinyi ompö Kongu nyete,

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 44:5

“Mwoghöy atoni chi anka tïkwïl lö, ‘Opoyan ECHOTYON.’ Mwoghöy anka lö, ‘Okuro ompö kaynata Yakopo.’ Kirchini anka ewunyi lö, ‘Pö ECHOTYON,’ akuyit kegh lö ochï akonga ompö pipö Israel.”

ISAYA 58:13

Mwoghöy ECHOTYON lö, “Ato okïrökwa asispa Sapato, ataghakwa magh ighisyewutkökwo asisoni, ato apïlilakwa asistanyan nyo tïlil, akonyïtanïn otini morutokwanye anta agh ighisyö anta angalan pat kïsamta asisoni,

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

ISAYA 61:5

Pkonöy pich cho le to kuyokwïywokwa kyakikwo, kïpka pich cho monkïtökwanye kïngorwokwa parenikwo akïripkekwa sapipunekwo.

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

YEREMIA 50:5

Tepöy or nyo wetöy Sayon* akïpa kutang wölini atolapay kwam muma* lö, kïlinyot nko ani, amöminye nyo ngötighöy kokay.

ESEKEL 20:13

Wölo kipenyanïn pipö Israel ompö surkwen, melö kirip kiyomisutköchan wölo kitagh kirurutköchan cho söpo chi ato rïp, kikyolan ompö nörekyö wanya pïchï ompö surkwen.

ESEKEL 47:22

Ichöghenyi kïlïkwï mïlatenkwa nyo le nyinkwa nko to nko monekwa cho kikïyichï korenkwa kïnyorï tïkwïl mïlat kïkarkegh nko akwa. Lenye chane monïngo pipö Israel.

SAKARIA 6:15

Pkono pich koros cho lowöch cho pkonöy kungöroköy ompö teksyo Kö pö Tororöt. Atoteka kumuchö, onkïtukwa lö nyinte ECHOTYON Kimuktoghin nyo kiyokwanïn ompö akwa. Ighisyot choni löwïr ato arïpakwa lasiny lenyini mwowokwa ECHOTYON Tororötïnkwa.

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

IGHISYEWUT 2:41

Kïlenyona, kepatisan chane cho kicham ngölyontenyi pich cho ngata 3,000, kïtösisyö pich asisoni.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

1 KORINTO 16:22

Akanya kïchïpö chi anka tïkwïl nyo möchömönye Echotyon! Maranata, nyoni kï, Nyonö Echotyontyenyo!

2 KORINTO 8:5

amelö kikikönecha lö ighöy chane kïgh nyo lata nyoni wölo kinya chane kutö kegh Echotyon akïkonecha kegh tïkwïl, kïrïp kegh nko machata Tororöt.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

EPESO 6:24

Nya kïtöpö pöropcho Tororöt nko pich lapay cho chömöy Echotyontenyo Yeso Kristo ompö chomnyogh nyo mewonyotnye.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

NGONGUT 1:10

Ki asispa Echotyon atoni kïnamanïn Mïkulögh alïman kut nyo wow nyo kichögh le kontï ompö lötunyan,