ISAYA 55:7 - PIPÏLIA

⁷ Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 55:7 ပူးပေါင်းရင်းမြစ်များ

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

2 OTÖPTINO OSIS 15:2

Kïwö kuryan nko Asa akïlenchï nyinte, “Terwante Asa, aiter Yuda nko Penchamen kïmïkul: mi Tororöt nko akwa ato tomitenökwa nko nyinte ato ayarakwa nyinte onyorunekwa, wölo ato opïstekwa nyinte kïpïstenokwa.

2 OTÖPTINO OSIS 15:4

Wölo otini ompö nyarïl, kimïlisyö wölo mi ECHOTYON Tororöt pö Israel akïyar nyinte ntökïnyorï.

2 OTÖPTINO OSIS 30:6

Kïnam nyu pöytoghintö nko yetïntinechi pich kïpa kwip palaltin kïghömï Israel nko Yuda kïmïkul. Kilentöy palaltinechoni kikir pöytoghintö, “Owöghökisyenö wölo mi ECHOTYON Tororöt pö Apraam nko Isak nko Yakopo pipö Israel, atömanyïl kïwaghaka ngat nyinte kïpörï wölo mi ngötunönkökwo cho kyochïwïtyeghö mori pöytoghi Asirya.

2 OTÖPTINO OSIS 33:13

Nyini kisagh Manase, kïlïm Tororöt somötenyi nko sowutkachi akïpïsï nyinte kïmïla Yerusalem kïpayta ngat. Kïpköchï nyu Manase ompö atoni lö, ECHOTYON nyo le Tororöt.

2 OTÖPTINO OSIS 7:14

Ato rïng kegh piköchan cho kïkurtegho kaynenyan akïsagh akïyaranïn akïpïstö otöptinekwa cho ghach, olïman nyu ompö yïm alöstoghchan ngokikwa asopön korengwa.

AYUPU 22:23

Ato iyokyinyi kegh Kimuktoghin aimïnïngitanyi kegh ato inateghenyi ngokï kïlowitunö kongu

TUMWÖY 130:4

Wölo ilöstoghchinenyi piköku ngokï, atökemukacha kekonyïtinyi.

TUMWÖY 130:7

Ghana ECHOTYON, we Israel, ompöwölo pö chomnyenyi kokay tïng nyinte sörunöt nyo mïchinote.

TUMWÖY 51:1

Isyonchante, we Tororöt, kïrïp kegh nko chomnyengu nyo pö kokay! Ingongoghta lelutköchan kïrïp kegh nko kisyonchötengu nyo wow!

TUMWÖY 66:18

Ntökile nyo kyasistan ngokichu, melö kitölïmwanïn Echotyon sowutkachu.

NGÖTÏNYÖ 28:13

Mönyorunye perur chi nyo wïngöy lelutkachi, wölo nyoru kisyonöt nyinte nyo ngongtoy akïpïstö.

ISAYA 1:19

Omekwa tïkwïn cho karamach cho pkono korononi ato arïpakwa kïnye ngalechan.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 21:12

Oyokyan nyinte lö, “Itu yekonï, wölo melö nangatï ngat. Ato imököy tepe ngat, imïla aitep.”

ISAYA 31:6

Akïlö ECHOTYON, “Omïlonchenö wölï omitan, pïchï pö Israel. Kaghwanïkwa ngokï, ataghanïn!

ISAYA 32:7

Gha chi nyo le sölwö akwighöy tïkwïn cho pö sölwontön, mïröy putintön atökuwany pich cho mötïng owesyö akïtagha chane kïnyorï mantangwa.

ISAYA 40:2

Okilö pipö Yerusalem omwochinö lö, “Kikuwongwï chane nyo kikumuchö akakelöstoghchï ye chane ngokikwa. Kachopan kong chane kïmïchï ompö ngokikwa.”

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 58:6

“Anyï kïrurat nyo omökan. Atyaka sïrïmtino kireyat nko mïchokino wököt, atyak pich cho kikïpïr kïpechï kegh.

ISAYA 59:7

Omitekwa otötöy ghöyityö kïtenö osis amelö otïngetekwa pöroyïn nyo le ompö kite nyo oköngisïyi kïtomö amïltena kisön cho puryö lelut, pö tötutkökwa löwïr rïmöt. Rumuno ortïnekwa cho echön tïryolyö nko kiwurat.

YEREMIA 3:14

“ ‘Momïlisyö sonye akwa monechï mochï ghönote nya? Mwoghöy ECHOTYON. “Ompöwölo ochan Echotyontenkwa. Ochengan chi akonga ompö kanasyan achengan odeny ompö or anka tïkwïl nyo pö pipö Israel, atolapay amïtan kutïng pö Sayon.*

YEREMIA 3:3

Nka nyï kipot rop lö weng, amakïminye ropay pö sarngatat. Kïrkegh choni löwïr, kiyomö nyi konyïn le chepores nyinte, metïngönyinye arasï ompö nyo le kite.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

LOK 3:40

Mïchinecha kesyaka ortïnecho akemïlonchö ngat wölo mi ECHOTYON.

ESEKEL 14:6

“Kïlenyona lenchinö pipö Israel lentöy Echotyon TORORÖT, okötenö, apïstö körkeyïntinekwo, apörchï patagh sïmnyontönengwa.

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

YONA 3:10

Nyini nyu kisïwa Tororöt lö kipïstö chane ortïnekwa cho ghach, kïwaghaka kïmolchï kamas kïgh nyo gha nyo kikakïmwa lö oghchini chane.

SAKARIA 8:17

Motötyï kegh ghöyityö amacham am muma ayokyï kegh amwagh putintön. Ompöwölo otöghan nyoman tïkuchoni löwïr.” Mwoghöy ECHOTYON.

MATAYO 9:13

Ape aneta kegh lö mwoghöy ne Kikirutchay lentöy, ‘Opïrchinan kisyonchin, amelö amörostin.’ Ompöwölo kimangwïnanye okur pich cho karamach kïpoto mwokïyis.”

MARKO 7:21

Ompöwölo pkono mïkulöwo pich ori kinonut cho ghach cho lata cheporesnan, chorsyö, pörsyö, atomi,

MARKO 7:23

pkono tïkuchï lapay ori chi akïchete cho ighöy chi kïlïku sïmnyon.”

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

LUKA 15:24

Ompöwölo kikyoghitön lö kima werïnyan, wölo anyï ye satate akikyoghitön lö, kikupot wölo kakïrumï.’ Kwomisyö pïchay akïngörekyö.

LUKA 7:47

Nyo omwowunyi lö, poru chamatenyi nyoni wow lö, kikelöstoghchï nyinte ngokichi chini chang. Ompöwölo poru chi nyo kikïlöstoghchï cho ngörï chomnyogh nyo mïnïng pat.”

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

YAKOPO 1:15

Mirsïyi nyu pïrchinoghtinechoni atolapay, kïyiyï ngokï, kïkany kïyetu ngokï, kïyiyï meghat.