ISAYA 55:2 - PIPÏLIA

² Ompö ne topöghisyeghenö ropïyen ompö tïkwïn cho metöni chi pïghyöny? Ompö ne tasïngena tïkwïn cho mesöy pich? Atere lasiny ngalechan tama cho karamach, angörökyï cho okwoghöch.

ISAYA 55:2 ပူးပေါင်းရင်းမြစ်များ

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 34:11

Apkana monïngö ater ngalechan, atanetakwa wölo kïkonyïtïtoy ECHOTYON.

TUMWÖY 36:8

Omo kongu ichontöngwa nyo mewonyot, itönenyi kïghegha pögh lalwengu nyo pö ngörekyö.

TUMWÖY 63:5

Pïghyongi söpontönyan akïmïchï, atotumunyi ompö ngörekyö nko salat.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

NGÖTÏNYÖ 1:33

Wölo töpo ato ripote chi nyo teröy ngalechan, pöyösöy kïpuryö otyogh nyi pö ghöyityö.

NGÖTÏNYÖ 7:23

menkïtnye lö mi söpontanyi tapan ntökïtenö kïlït sarti pöghögh kïkarkegh nko tarit nyo kölit ngöghöp lödïr.

NGÖTÏNYÖ 8:32

“Kïlenyona ye nyu werkachu, atere ngalechan. Soyönote chane cho rïpöy ortïnechan.

NGÖTÏNYÖ 9:5

“Nyonö ama makatyantenyan, aighegh dipaychï kokulkulyan.

OMTOGHIN 6:2

Töni Tororöt chi mökosyö nko tïkwïn nko konyït, atömörörchï kïgh anka tïkwïl nyo köpïrchini, wölo metöninye nyinte owesyö kïngörökyï tïkuchoni. Ngwïnöy chi anka kïngörokyini tïkuchay. Kwïle nyu choni ngale tïkwïl akï ghach nyoman.

ISAYA 1:19

Omekwa tïkwïn cho karamach cho pkono korononi ato arïpakwa kïnye ngalechan.

ISAYA 10:27

Otyokenokwa pipö Asirya ato itï asistanyan. Melö tökïlïku mïchokingwa nïkisïn nyo okösönekwa ngat ompö pughwayikwo.”

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 44:20

Karkegh nyinte ato kinam nko chi nyo omöy aren. Kegh nyinte kinonutkachi cho pö sölwontön kïchumpön ntömökïminye or nyo kingöroköy nyinte. Memukönye ntökïchömchï kegh lö körkeyïnoni nömo nyinte ewunyi kïmelö tororöt nyonikïny.

ISAYA 46:6

Yotöy pich mïlotwekwa cho ipo koltin akïlasta Pimöy chane ropïyen ompö kilen akwala kitongin nyo ighchini chane tororöt atolapay kïkïtïngchï chane akïsagh.

ISAYA 51:1

Mwoghöy ECHOTYON lö, “Atere ngalechan, chona omököy kesörwok, akwa cho opkonöy wölo omitan atökengarakak. Anane kogh nyo kikipat torumunökwa, köpön nyo kikïwasa koghichoni kyapkanekwa.

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

ISAYA 62:8

Kam ECHOTYON muma nyo ngwan, ay, kam nyinte muma ompö ewunyi nyo pö tagh lö, “Melö totönan ngat paghekwa kïlïkwï omisyö pungkökwa amelö tökïgheghöy pich cho le to dipaykakwa,* cho kyonyorukwa ompö kighotikwo.

ISAYA 62:9

Wölo omekwa cho kyasïnga akatkat ail atolapay asalakwa ECHOTYON. Ogheghekwa dipay* ompö kiroryo Konyan nyo pö saghat, akwa cho kyorip apïtï sapipunechoni.”

ISAYA 65:23

Melö wiröy wuw ighisyö nyo ighöy chane, amönyorucha monekwa nyarïl. Osoyönan chane nko piko arengwa ompö osis cho pkonöy kokay.

YEREMIA 12:13

Kingor chane nkanun, wölo kil kato. Kisïng chane nyoman wölo mönyorïcha kïgh. Ompö nörekyenyan nyo ngwan lakat, ilö nyo sïköy chane kï arasï kwïle.”

YEREMIA 17:24

“Wölo ato ateranïkwa nyo ochï ECHOTYON, akïr kegh makasan kïgh anka tïkwïl kïlïtï kukoti kanasyantanï asispa Sapato, akonyït asisoni kïlïkwï asis nyo tïlil, akïr kegh magh ighisyö anka tïkwïl asisoni,

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 31:14

Opïghyongan tïsï ompö tïkwï cho okwoghöch amelö rörchini piköchan kïgh ompö köromnyenyan.” Mwoghöy ECHOTYON.

OSEA 12:1

Pögho kegh Epraim yomat akïyonotoy yomo kongasis kwimön akïtösotoy putintön nko rïmö. Omöy mis nko Asirya tökwip mwagh kutang Misri.

OSEA 8:7

Ompöwölo kikatkat yomat akwil pïchpïch melö yinöy paghekwa Amelö rïröy paghekwa ompö par wölo kïrkegh kïrïr kwomo chane pich walaka cho le to

APAKUK 2:13

Kigh puntonï cho kyanorakwa ighisyö nyo kimönyorunöcha chane kïgh akwoghochö kwïle, wölo kïpelöy korichoni kitek chane kïtuwit lömïs, ECHOTYON Kimuktoghin nyo ighöy kïyoni,

MATAYO 15:9

Soghanïn chane kwïle akunetöy kinetut pö pich, atökelentöy kirurutköchan!’ ”

MATAYO 22:4

Kïyonta ngat mötwori walaka kïmwochï pïchay kikikekur lö, ‘Kyaghan omisyewutkachu, kayengan eghinechu nko walaka cho okwoghöch akikwighisyö tïkwïn löwïr. Apkana ama ichon nyo pö kensyö!’

MATAYO 5:6

Soyönote pich cho omöy kömöy nko maral nyo pö manpa Tororöt, ompöwölo kipïghyongöy.

MARKO 7:14

Kïkur Yeso ngat pich kïpka wölo mi nyinte akïlenchï, “Atere ngalechan, akwa lapay alïm.

LUKA 15:23

apa okötï mogh nyo akwagh, ayeng tökyama akengörekyö.

YOANA 6:27

Mosïngo omisyö nyo wonyot, wölo asïngena omisyö nyo ghyongtoy ntökwitïta söpon pö kokay. Konokwa omisyononi Wero Chi nyo kakukïniniö Paponyi Tororöt akutö nyinte macheyunyi nyo pö chamat.”

RUMI 10:17

Kïlenyona nyu nyoru pich kighanat atolïm ngölyon, akï nyoni kï ngölyonto Kristo.

RUMI 9:31

Otini wölo mönyorïcha ore pipö Israel cho kïsökosöy kirurut cho ighöy chane keyityï man ompö tawu Tororöt.

KINONO KIRURUT 11:13

“Kïlenyona, ato arïpakwa kirurutchï omwowokwa asisete acham ECHOTYON Tororötïngwo apöghisyechï nyinte ompö mïkuliskökwo kïmïkul nko ompö söpontöngwo löwïr,

EPRANIA 13:9

Makany kwighak kinetut cho le to opotyenö. Ompöwölo karam tya kïchïchïma mïkulöwekwa pöropcho Tororöt, melö ompö kirurut pö omisyö, ompöwölo kimengarakcha kirurutchoni pïchoni kimi kïrïpöy nyonikïny.