ISAYA 55:12 - PIPÏLIA

¹² “Ongetokwa koro Papilon ompö ngörekyö, kimïtunenokwa opkonone kanasyan ompö kalya. Teghsot kutïngkotï nko komos akïtum ompö ngörekyö.

ISAYA 55:12 ပူးပေါင်းရင်းမြစ်များ

TUMWÖY 105:43

Kïlenyona kïwuwö pikachi korononi, kïtumotö chane akuteghyotö ompö ngörekyö.

TUMWÖY 47:1

Arapacha morikwa löwïr, puntonï! Asala Tororöt ompö kutïw cho echön.

TUMWÖY 65:12

Kinyïghï okwoghyö wölo le achey, kuwit ngörekyö wölo le komos.

TUMWÖY 65:13

Kïlïm kechir wölo le kew akulak pagh wölo le mpöghogh. Teghyot löwïr akïtum ompö ngörekyö. Ompö kintöghoghinto tumï. Tum.

TUMWÖY 69:34

Nya kïsal yïmö nko ngwïny Tororöt nko nanamtin nko tïkwïn cho mi oringwa.

ISAYA 14:8

Ngörekyini saypras nko tarakit pö Lepanon pöytoghï cho kikuwonyö ompöwölo melö tökïmi chi nyo töröy ketichoni.

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

ISAYA 48:20

Apeghena koro Papilon, kiketyakakwa! Amwatïtena lökoye ompö ngörekyö, akanya kenkïtunö wop anka tïkwïl lö, “Kösörï ECHOTYON mötworintenyi Yakopo!”

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 52:9

Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

ISAYA 54:13

“Ante kegh nyo onetöy piköku, atö chane mökosyö nko kalya.

YEREMIA 29:11

Ompöwölo onkïtön ante ECHOTYON tötut nyo otötwokwa, tötut cho pö köromnyö, melö cho pö ghöyityö. Tötut cho konokwa kikönöt nko köromnyö ompö osis cho pkonöy.

YEREMIA 30:19

Kïlïmöy pich cho möngöy orito kanasyantanoni cho tumöy tumwöyi kiyokyinogh pö sörö Akelïmöy tïkwïl kutïwa pich cho mi kïturonsot. Operuran chane kïtösisyö amelö ngörïngitu oghan chane kekonyït puryö chi nyo sösöy chane.

YEREMIA 33:11

Wölo tökïsis kelïma woptinechoni tïkwïl roröt nko kutïwa pich cho ngöreksot nko kïlïliyöto pich cho mi ichon pö kensyö. Kïlïmöy tïkwïl cho tumotoy ato ipöy Kö pö Tororöt* ropöwo kiyokyinogh pö sörö. Tumöy ato petöy kïlentöy, ‘Oyokyinö sörö ECHOTYON Kimuktoghin, ompöwölo karam nyinte akï chomnyenyi kïpö kokay nko kokay.’ Operuran korenete kïsïch tïkwïn le cho kitïng tagh. Mwoghöy ECHOTYON.

YEREMIA 33:6

“Wölo kïrkeghnye so choni löwïr, itïtoy ato ongwïnan osopöy pipö kanasyantanete. Ongörokan chane tökulet nyo karam akïtïpï ompö kalya.

ESEKEL 17:24

Kunkïtï keti löwïr ompö wuw lö ochan ECHOTYON. Oghan ket cho töngoghöch kïpit kïkoghöchitu, aghan ket cho nyorilöch kïyomö, aghan cho kiyomö kïnyörilöchitu. Kamwaghan ante Echotyon TORORÖT lenyoni, aghan kïgh nyo kamwagh lö oghöy.

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

RUMI 5:11

Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.