ISAYA 54:8 - PIPÏLIA

⁸ Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 54:8 ပူးပေါင်းရင်းမြစ်များ

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

TUMWÖY 103:4

Sörwanïn achïwïta meghat akusoyönanïn ompö kisyonötenyi nko chomnyenyi nyo pö kokay.

TUMWÖY 13:1

Iwutyeghonaninyi nko oyï nya ECHOTYON? Kokayï? Iwïnyenyi kegh nko oyï ompö otö omitan?

TUMWÖY 27:9

Mewïnga kegh wölo omitan!” Meyoda mötworintengu ompö nörekyö, nyi nyo ichï kingörokintenyan. Mepïstante anta itaghanïn, we Tororöt pö sörunötenyan.

TUMWÖY 30:5

Töpo nörekyenyi nyo tangogh, wölo pö kokay köromnyenyi. Muköy lok kïtörengu ato le oghö, wölo itu kuti ngörekyö ato le tökwoghö.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 26:20

Ape pikachu atanga korikwo, apa akar kukotwekwo. Awïnga kegh kite, ntökïtenö kuwonyö sïngiryo Tororöt.

ISAYA 40:27

Ompö ne nyu nya Israel, tengwïrngwïronenyi lö menkïtnye ECHOTYON kömpölelutköku anta nyany otini kakichopinyi kong ompö putintön?

ISAYA 45:15

Nyoman ichinyi Tororöt nyo iwïngöy kegh, Tororöt pö Israel nyo söru pikachi.

ISAYA 47:6

Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

ISAYA 48:17

Mwoghöy ECHOTYON, sörunintenkwa, Tororöt pö Israel nyo Tïlil lö, “Ochan ECHOTYON Tororötïnkwa, nyo netokwa atonyorunö kinyiwut, ontöghoghwokwa arïpa or nyo mïchini.

ISAYA 49:10

Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

ISAYA 49:26

Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”

ISAYA 54:10

Ompöwölo kïrkegh kupotyö kutïngkotï lö weng, akenategha kutïngkot cho mïnkech, kïmewonyotnye chomnyenyan ompö nyi. Okomönan kiyomisötenyu nyo pö kalya nko nyi kokay.” Mwoghöy ECHOTYON nyo chöminyi lenyoni.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

ISAYA 63:7

Omwotïtonan köromnyo ECHOTYON, Osölan nyinte ompö tïkwïn cho keghwecha nyinte. Kesoyön nyinte pipö Israel kutö tïkwïn cho chang ompö kisyonötenyi nko chomnyenyi nyo pö kokay.

ISAYA 64:7

Akï möminye chi nyo wöghöko akïsaghinyi. Möminye chi nyo ngwïnöy wölo imitenyi atökengarak. Anyï ye kewïngenyi kegh wölo kïmitecha, aipakadecha akwompö ngokicha.

ISAYA 8:17

Kawïnya kegh ECHOTYON pikachi, wölo oghönan akïtö okönan nyinte.

YEREMIA 31:3

ochumchan nyinte kïrkegh kyochan low. Kachaminyi ompö chomnyot nyo pö kokay, nka nyete mopïstonanye oporunyi chomnyenyan.

YEREMIA 33:26

kïmopïstenanye kokay okonyït muma nyo kyaman nko monïngo Yakopo nko mötworintenyan Daudi nyo kyamaghan lö okïlan chi nyo pö ara Daudi kïpayta monïngo Apraam nko Isak nko Yakopo. Osyonchinan chane, asoyön kïnyorï mökosyengwa ngat.”

YEREMIA 51:5

Wölo mopïstenanye, pipö Israel nko Yuda. Ochan Tororötïngwa, ECHOTYON Kimuktoghin, kïrkegh kinyïghï ghöyityö koro Papilonia cho kegh ompö tawu Tororöt pö Israel nyo Tïlil.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.

APAKUK 3:2

Kyalïman tïkwïn cho kighanyi, we ECHOTYON nka nyoni ighanïn awaghinyi tya. Igha ye nyu ngat ompö osiswecha tïkuchoni kighanyi könyisyok. Inan kisyonchin, we ECHOTYON ompö nörekyengu.

SAKARIA 1:15

Ochan narekat nyoman ompö punton cho kimang kïkalyan, ompöwölo nko kimïnïng sitöt nyo kyotönön piköchan, wölo kipka puntonï kïtas kïyetï tya.

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

1 TIMOTEO 1:16

Wölo kisyonchanïn Tororöt atökuporï Kristo Yeso mïkukönötenyi nyo wow ompö ani, nyo ochï mwokïyon nyo gha kïsir. Lïku nyoni körkeyïn nyo pö pich lapay cho ghönöy nyinte ato le asïyech atökïtach söpon pö kokay.