ISAYA 54:4 - PIPÏLIA

⁴ Mewöghisyö ompöwölo menyorunenyinye arasï ngat, amelö telolïyonenyi. Iwutyeghonyi arasï nyo pö nörekyengu nko tanganytangu nyo kisïch otini kilïkunyi mïsïk.

ISAYA 54:4 ပူးပေါင်းရင်းမြစ်များ

AYUPU 11:16

Iwutyeghonenyi nyu nyörïlwoköku inonenyi le puseryon nyo kikuwer.

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

ISAYA 29:22

Kïlenyona, lentöy ye nyu ECHOTYON Tororöt pö Israel nyo kisörunö Apraam nyarïl, “Melö tökïnyoru piköchan ngat arasï, melö tökworusöchitu ngat tokochwekwa ompö arasï.

ISAYA 4:1

Itu asis ato poryegho korï cho le mut nko odeny mïrön akonga akïlenchï, “Kimuchecha kepöghe kegh akelokyï kegh sïro, wölo kaykay lïkuna santencha tökïngetenecha arasï nyo kïtïpisot kïpuryö ngetat.”

ISAYA 41:10

Amowöghisyö, omitan nko akwa! Ochan Tororötïnkwa momïghyö! Oghokwa osïke owesyö, angarakekwa, oghetokwa, asörwokwa.

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

ISAYA 50:7

Wölo medonanïnye kïgh chïputkökwa, ompöwölo ngörokanïn ECHOTYON Kimuktoghin. Nka nyoni okilan kegh amïkukönöy, ankïtön lö monyorunanye arasï,

ISAYA 51:7

“Atera ngalechan pich cho onkït man, cho okomönchini kinetutköchan mïkuliskökwo. Mowöghisyö ato roröchokwa pich akïchïpokwa.

ISAYA 54:14

Ighinyi man chïchïma, ilowitunonyi nyarïl nko otyogh.

ISAYA 61:7

Wonyot atoni arasinkwa nko kiratat nyo kikonokwa pich, omöngekwa nyu korengwo kegh, aketösöy sïkönötenkwa kïnyïl odeny. Pöyitu ngörekyenkwa kokay.

ISAYA 65:16

Kïlenyona chi anka tïkwïl nyo mököy kisoyönöt, kïsomöy Tororöt nyo Ghanate. Akwanka tïkwïl nyo omöy muma, kuwolwolo kegh kaynata Tororöt nyo Ghanate. Weröy kömpölelut cho kipö tagh akewutyeghö.”

YEREMIA 31:19

Kikyopoton apïstö arengu, wölo kokötan Otini kinetaninyi osyonchan kegh, asöchan kegh arasï ompöwölo kirïpatanïn ngokichan cho kyaghan otini kyochan mïnïng.’

LOK 1:1

Wechï kalïkwï kïratyan kanasyanta Yerusalem nyo kimangate! Kikonyïtöy nyinte ngwïnya kïmïkul kanasyantanoni, wölo karkegh ye nyu nyinte nko korka nyo le mïsïk. Ki kanasyan Yerusalem nyo konyïtote ompö kanastin löwïr kalïkwï ye sekeyon!

ESEKEL 16:22

Kewutyeghenyi so kegh? Menananyinye atanya kichinyi mïnïng, ato kichinyi chïrut nyo kilenyi walaka nko kisön?’ ”

ESEKEL 16:43

Kïle wölo kewutyeghenyi wölo kyanamtinyi atanya kichinyi mïnïng, aighaninyi anarekan ompö tïkwïn cho keghanyi. Kilenyona oghokeninyi ngalechi löwïr kighonyi?” Mwoghöy Echotyon TORORÖT.

ESEKEL 36:15

Melö topïswokwa atera roröchin pö punton anta namekwa arasï nyo pö pich amelö toghekwa korenkwa kunyara.” Mwoghöy Echotyon TORORÖT.

YOEL 2:21

“Ay, mewöghisyö ngwïnya, serönö aiturön, ompöwölo kakwigh ECHOTYON ighisyewut cho echön.

SEPANIA 3:11

Pikachu, melö tolïmchinekwa kegh ngat arasï asisoni, kïrïp kegh nko tighintönenkwa nyo pö tagh. Ompöwölo opuktenan menot kïpegha kwenunkwa amelö tosyolekwa kegh ngat ompö kutïngtanyan nyo tïlil.

SAKARIA 10:6

“Otösyinan owesyö pipö Yuda, osörunan pipö ara Yosep. Oyokunan chane kïmïlisyö kaw, ompöwölo kosyonchan chane. Atosïwa nyu chi chane melö nkïtu lö kikyataghan chane tagh. Ompöwölo ochan ECHOTYON Tororötïngwa oterchinan chane ato kuranïn.

1 PETRO 2:6

Ompöwölo mwoghöy Kikirut lö, “Arose! Kotönön kogh Sayon,* kogh nyo pö luch nyo pö olyot nyo wow nyo kyakïlan. Mölolïyönönye chi anka tïkwïl nyo ghönöy nyinte.”