ISAYA 54:3 - PIPÏLIA

³ Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 54:3 ပူးပေါင်းရင်းမြစ်များ

TOWUNÖT 26:22

Atolapay kïwuwö Isak wöloni akïwö kïpal koto pögh anka amelö kiporyeghö chi köyoni. Kïkurö Isak Reopot akïlö, “Ompöwölo keghwecha ye ECHOTYON pöroyïn, tökeyichinö koronete.”

TOWUNÖT 28:14

Chongitu asïyech piko yiyengu le terïtyo ngwïny, aighömunyi woptin löwïr, wölnö le ta nko kongasis nko wölnö ketang okumpö löt nko wölnö ketang okumpö tagh, akeperuröy pipö ngwïny kïmïkul ompö nyi nko ompö piko yiyengu.

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

ISAYA 26:15

Kitasanyi pipö punton, we ECHOTYON, aipörogh koroskökwa ainyorunyi ororyö.

ISAYA 45:14

Kïlenchï ECHOTYON pipö Israel, “Lïku nyinkwa sïkönöto koro Misri nko Etopya, akïlïku pipö Sepa cho koghöch sekeykökwa rïpokwa chane löt kïrötote. Kïtïngöy chane ompö tawunkwa akïcham lö, ‘Omikwa nko Tororöt pö man, amöminye Tororöt anka kïpoto nyinte.

ISAYA 48:19

akitö chongitu monekwa le ngayam, akitö oripan chane tömökiwany ompö tawunyan.”

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 52:9

Ongörekyenö atum kïratischï pö Yerusalem! Söru ECHOTYON kanasyantenyi akïsaghsagh pikachi.

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

RUMI 11:12

Kepchï nyu ye lelutyo pipö Yaudi pipö ngwïny perur nyo wow, akwipchï meywontönengwa nyo pö mïkulögh pipö punton kisoyönut cho chang. Chongitu nyu kïtya kisoyönut otini kökituyechï pipö Yaudi löwïr ori!

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.