ISAYA 53:10 - PIPÏLIA

¹⁰ Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

ISAYA 53:10 ပူးပေါင်းရင်းမြစ်များ

TUMWÖY 110:3

Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

TUMWÖY 147:11

wölo ngörokyini pich cho konyïtöy nyinte, chane cho könöy chomnyenyi pö kokay.

TUMWÖY 149:4

Yömöy ECHOTYON pikachi, töni rïntagh pich cho tölose.

TUMWÖY 21:4

Kisominyi nyinte söpon, itönönyi, itönönyi osis cho puryö söröm.

TUMWÖY 22:30

Pöghisyechini nyinte pïnwöy cho tökeyiyöy, mwochini pich pïnwöy cho tökïpkonöy lökoyo ECHOTYON.

TUMWÖY 22:31

Kïmwochini pich cho tökeyiyöy lö, “Kisörï ECHOTYON pikachi.” Tum pö Daudi.

TUMWÖY 69:26

Kechop kong pich cho ketönönyi sitöt akïtösyï moyoy pich cho kighanyi kïlïkwï kot.

TUMWÖY 72:17

Nya kenan kaynata pöytoghin kokay nko ororyenyi le asis. Nya kusoyönisyö puntonï löwïr ompö nyinte. Nya kekurö nyo soyönote.

TUMWÖY 72:7

Nya kusïl man osiswechi löwïr akïtasa pöghisyö ntökïtenö kumisö löpoyïn pö arawa.

TUMWÖY 89:29

Ochïchiman orenyi kokay, töpo paytaghtanyi le yïm kokay.

TUMWÖY 89:36

Töpo orenyi kokay akïtöpö paytaghtanyi le asis.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 46:10

Kyangoran kïgh nyo igho kïngeta otini le awïyay, kyanyaghan angor könyisyok kïgh nyo igho. Kyamwaghan lö ighisyot tötutköchan nyo mötïny, aghan kïgh anka tïkwïl nyo kyamachan agh.

ISAYA 49:4

Atolapay olan, “Kasïngan apöghisyeghö owesyenyu kwïle wölo puryö kïgh nyo konyorwan.” Wölo kïrkegh kïlenyoni, oghönan ECHOTYON, poryewanïn nyinte onyorï mantanyu. Konanïn ropöwon ompö kïgh nyo oghan.

ISAYA 53:12

Kïlenyona otöninan nyinte kïtöpo ato töror, atökupar pöröw nko pich cho owesöch. Ompöwölo kichamta kegh nyinte kepar, akïcham keyitïtö nyinte akonga nko mwokïyis. Kikasan nyinte ngoki pich cho chang, akïsoghchï chane tökelöstoghchï ngokikwa.”

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

ISAYA 61:9

Ororitu piko arengwa ompö pipö koros, akunkïtu chi anka tïkwïl nyo sïwïyi lö, pich chane cho kakusoyön ECHOTYON.”

ISAYA 66:22

“Kïle wölini ghyongtoy ngwïnya nyo rel nko yïm nyo rel ompö owesyenyan, kughyongtoy lenyoni pïnwöyikwa.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

ESEKEL 33:11

Lenchinö nyu chane lentöy Echotyon TORORÖT le ato osopan, kïmelö mïlanïn megha chemwokïyon, wölo omökan kïpïstö nyinte ortïnechi cho ghach tökïsöp, owöghökisyenö pö ne omeghyenö kwïle nya Israel?

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

SEPANIA 3:17

Mi ECHOTYON, Tororötïngu nko nyi, nyakan nyinte nyo koninyi owesyö rïntena. Ngörökyininyi ompö ngörekyö nyo wow, akï koninyi söpon ompö chomnyenyi nyo mamïnïng, akï ngörökyinyi ompö tum

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

MATAYO 17:5

Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

MATAYO 3:17

Atolapay kïlö kut nyo kingwïno yïm, “Werïnyan nyï nyo le chamanenyan, nyo ochömonan kegh nyinte tya.”

LUKA 1:33

akïlïkwï nyinte pöytoghinto pipö ara Yakopo kokay akïmewonyotnye paytaghtanyi.”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

YOANA 13:32

Kïkany kakengongunö töroryo Tororöt orito Werïnyi, kuporu nyu Tororöt töroryeto Werïnyi ompö orinyi kegh akwighöy lenyoni lawel.

RUMI 6:9

Ompöwölo kinkïtöcha lö kikitutunö Kristo ngwen, amelö tökïmeghöy ngat, nyo mökïtïngnye meghat owesyö ompö nyinte.

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

RUMI 8:8

Memuköcha pich cho rïpöy möchut pö por kwighöy Tororöt kïngarak.

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

EPESO 1:5

Kinya Tororöt kïkïlecha könyisyok kelïkuna monechi ompö ara Yeso Kristo, kïle wölo lata köromnyö nyo pö machatenyi.

EPESO 1:9

Akwighecha kenkïtunö ngal cho kimenkïtnye pich ato le tagh wölo kïcham nyinte kïngongwecha ompö machatenyi kïrïp kegh nko wölo kinontoy nyinte lö oghöy kuwerï Kristo.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

EPRANIA 2:13

Akïmwoghöy ngat lö, “Otöninan kikönötenyan wölo mi Tororöt.” Akïmwoghöy ngat lö, “Omitan yi nko monïng cho kökonanïn Tororöt.”

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.