ISAYA 52:3 - PIPÏLIA

³ Mwochini ECHOTYON pikachi lö, “Otini kyalïkukwa sekey, melö kimi ropïyen cho kikïghakta töketyakakwa.

ISAYA 52:3 ပူးပေါင်းရင်းမြစ်များ

TUMWÖY 44:12

Kyaltenyi piköku kegh ompö olyot nyo le kite amelö kinyorunyi tösöw ompö altaghnoni.

TUMWÖY 44:13

Sïwïyi pörörisköcha tïkuchoni kighanyi, sösecha chane akïroröchecha.

ISAYA 1:27

Söru ECHOTYON Sayon* nko chi anka tïkwïl nyo kötoy ngokichi, ompöwölo pö man nyinte.

ISAYA 45:13

Ani kegh nyo kangetnet Sayras kwigh kïgh, atökupuntö machatenyan kïpïntö, akïsat tïkwïn cho kighachitu kuten. Oghïtonan or anka tïkwïl nyo wegho nyinte. Teköy nyinte ngat kanasyantenyan Yerusalem akutyak piköchan cho rötote. Möminye chi nyo kal nyinte anta nyo ketö ropöw tökwigh ighisyononi.” Mwoghöy ECHOTYON Kimuktoghin.

ISAYA 50:1

Mwoghöy ECHOTYON lö, “Olentekwa so kotulön pikachu, le chi nyo tyoköy korkenyi? Akwato ononekwa lenyoni, kunko nyu palaltina kityakat? Olentekwa so kyaltakwa ape koro pïnotön le ato oltoy chi monechi kïpa kïlïkwï sekey? Ewo, kyapekwa alïkwï nanam ompö ngokikwa kegh, kikitulokwa ape wölo low akwompö penyutkökwa.

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

ISAYA 63:4

Kyamwaghan lö kikwitïta ato kïsöru piköchan. Ketïta nyu ato kichopöy kong pungkökwa.

YEREMIA 15:13

Kïlenchanïn ECHOTYON, “Oyonunan pung cho pkonöy kïngötöröy tïkukwa nko ropïyenikwa. Lïku nyoni sitenyan ompö ngokï cho kyaghakwa ompö kore kïmïkul.

ESEKEL 16:31

Ketekanyi korin kurerang ortïn cho kïsogho körkeyïntin, aigha cheporesnan. Wölo melö kilatenyi cheporestin walaka, ompöwölo kitaghanyi ropïyen.

ESEKEL 34:27

Akïrïryö akwa ket ompö wuw akwakwaghit ngwïnya, kïmöngisyö nyu ompö kalya. Kunkïtï nyu lö ochan ECHOTYON otini köngötiyön mchokingwa asörunan chane mori pich cho kigh chane sekey.

LAWIN 25:54

Ato memuko kyal ngat nyinte le nyï, ketyoköy nyu nyinte nko monechi ompö könyi kilïngat.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,