ISAYA 51:5 - PIPÏLIA

⁵ Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 51:5 ပူးပေါင်းရင်းမြစ်များ

TUMWÖY 110:6

Rwokyini pipö koros akïpar chane kutïkumö, kwïlöy kintöghoghï ompö ngwïny kïmïkul.

TUMWÖY 67:4

Nya kïngörekyö puntonï akïtum ompö ngörekyö, ompöwölo irwokyinenyi pipö ngwïny ompö man aintöghoghchï punton cho mi ngwïny.

TUMWÖY 85:9

Nyoman söru pich cho konyïtöy nyinte, atökïtöpö ororyenyi korencha.

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 24:15

akïsölöy nyinte walaka cho mi okumpö kongasis, sölöy ECHOTYON Tororöt pö Israel pikö walaka cho möngöy sörömu nanam.

ISAYA 26:4

Aghana ECHOTYON kokay, körtonecha nyinte kïtenö osis.

ISAYA 33:2

Isyonchecha, we ECHOTYON. Nyi nyo kikönecha. Kartecha yekon anka tïkwïl, aisörwecha ompö osiswo nyarïl.

ISAYA 33:22

Ompöwölo ECHOTYON nyo tïlwecha ngalecho akï nyinte nyo pöytonecha. Nyinte nyo le pöytoghintencha. Sörwecha nyinte.

ISAYA 40:10

Ngwïnöy Echotyon TORORÖT atökïpayta ompö owesyö, akumïtu pikachi cho kakïsörï nyinte.

ISAYA 42:4

Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 46:13

Opunan asispa sörunötenkwa kïlekïtit, melö tökïlow. Melö pöghönöy nyo kogh sörunötenyan. Osörunan Sayon* akwompö Israel nyo le ororyenyan.”

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 54:17

Wölo medonekwanye kïgh karichoni. Onyorunekwa kïgh nyo omwochini pïchoni rwokyinokwa. Oghetan mötworichu, atö chane rïntagh.” Mwoghöy ECHOTYON.

ISAYA 56:1

Mwochini ECHOTYON pikachi lö, “Arïpakwa man akutenote, ompöwölo tomönye kite angwïnan osörwokwa.

ISAYA 59:16

Kïtöngönchï otini kisïwa lö puryö chi nyo kingarak pich cho kikïpïr. Nka nyoni pöghisyegho owesyenyi tökïsörï chane akïrïnta.

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 62:11

Lechini ECHOTYON pipö ngwïny kïmïkul, omwochinö pipö Sayon lö, “Ngwïnöy ECHOTYON kïsörwokwa, akungwïnöy nko pich cho kikïsörï nyinte.”

ISAYA 63:5

Kyotöngönchan otini kimasïwanye chi nyo kingwïn kungarakanïn. Wölo kikonanïn nörekyenyan nyakanat, arïntan nyu ante poryenyu.

YOEL 3:12

“Nya kuywal kegh puntonï akïpka mpöghoghyo Yeosyapat. Ompöwölo atoni ato otöponan orwokyini punton löwïr cho kimang kuwit.

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

MATAYO 3:2

“Okötenö ngokikwo, ompöwölo kirikï Pöyunöto Yïm!”

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

IGHISYEWUT 17:31

Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”

RUMI 2:16

Kïlenyona nyu, kïrïp kegh nko Lökoy cho Karamach omtonan lenye nyoni wölo lïku Asisoni rwokyini Tororöt, ompö Yeso Kristo,* pich ompö otöptinekwa cho wïngote.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

KINONO KIRURUT 30:14

Wölo mi ngölyontononi ato lekïtenokwa nyoman, onkïtökwa akïmi mïkulöwekwa. Kïlenyona, orip.

1 SAMWEL 2:10

Kïpöröy chona le pung pö ECHOTYON, tïlöy ECHOTYON ompö yïm kwotyegho chane. Rwokyini ECHOTYON ngwïny kïmïkul, töni pöytoghintenyi owesyö, akutöror owesyeto kïlanenyi.”