ISAYA 51:4 - PIPÏLIA

⁴ “Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

ISAYA 51:4 ပူးပေါင်းရင်းမြစ်များ

TUMWÖY 106:5

atasïwan perur nyo pö kïlanköku aturönchï ngörekyeto piköku, anyorï ororyö tïkwïl nko chane.

TUMWÖY 147:20

Wölo melö kighchï punton lenyoni, melö nkït chane kirurutkachi. Asala ECHOTYON!

TUMWÖY 33:12

Soyönote puntonï cho ECHOTYON kï Tororötïngwa, pich cho kikïl Tororöt kïlïkwï chechi!

TUMWÖY 50:7

“Atera pikachu ato ongölonan. Omwoghan lelutköku Israel, ochan Tororöt, Tororötïngu!

TUMWÖY 78:1

Atere kinetutköchan, akwa pikachu, alïma ngalechan lasiny.

WUWÖT 19:6

pich cho kikengot kïpöghisyeghwanïn akï pipö punton akonga cho tïlilöch.’ Imwochinenyi pipö Israel ngalechï.”

WUWÖT 33:13

Kïlenyona, ato konyorwan chömchin ompö tawungu osoghinyi lö, porwante ortïneku, tonkïtunyi atonyorwan chömchin ompö tawungu kïnomnyö. Ainan tïkwïl lö, cheku pïchï.”

NGÖTÏNYÖ 6:23

Ompöwölo kitömöwon kirurutyononi, akï löpoyïn kinetutyononi, kara kong nyo pö pïröt kï ara söpon,

ISAYA 1:27

Söru ECHOTYON Sayon* nko chi anka tïkwïl nyo kötoy ngokichi, ompöwölo pö man nyinte.

ISAYA 2:3

akïmi kïlentöy, “Apkana kepustena kutïng pö ECHOTYON, ntöketïta Kö pö Tororöt* pö Israel. Atökunetecha ortïnechi, atökepe kerïpa ortïn cho mököy kerïpacha. Ompöwölo pkono kinetut pö ECHOTYON Yerusalem, ngölonchini pikachi kïngetunö Sayon.”*

ISAYA 26:2

Ayata ortïna kanasyan, akany kïlït ori korö nyo ghanate, koronï ighöy pikachi man.

ISAYA 26:8

Kïrïpecha kirurutköku, akekönecha nyi, nyi onkït nyo pïrchini mïkulisköcha.

ISAYA 33:22

Ompöwölo ECHOTYON nyo tïlwecha ngalecho akï nyinte nyo pöytonecha. Nyinte nyo le pöytoghintencha. Sörwecha nyinte.

ISAYA 42:21

ECHOTYON kï Tororöt nyo mököy kösörwokwa, nka nyoni kikus kirurutkachi nko kinetutkachi, akomököy nyinte pikachi kïkonyïtöy.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

ISAYA 63:8

Atolapay kïlö ECHOTYON, “Piköchan chane, melö lïsanïn.” Kïlenyona kisörunö chane

MIKA 4:2

Pkonöy pipö punton cho möngörï akïlö “Apkana kepe kutïng pö ECHOTYON, ketanga Kö pö Tororöt* pö Yakopo. Atökunetech ortïnechi akerïp ngalechi.” Ompöwölo pkono Sayon* kirurut, akungwïna ngölyonto ECHOTYON Yerusalem.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

1 KORINTO 9:21

Kïkany ompö pich cho lowöch nko kirurut, otöpan nko chane le chi nyo lowö kirurut atamuk otyï pïchoni lowö kirurut. Wölo meporunye nyoni lö motïngetanye Kirurut pö Tororöt, nyoman omitan ngwïnyi kirurut pö Kristo atömanyïl otyï chane cho mi sanypa kirurut.

KINONO KIRURUT 18:18

Oyonchinan chane werkoyon nyo karkegh nko nyi nyo ngwïno pikökwa kegh, onetan nyinte ngal cho mwoghöy akïmwochini nyinte chane kïgh anka tïkwïl nyo omwochinan.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.