ISAYA 51:20 - PIPÏLIA

²⁰ Pïtyot pikökwa ompö nyörkölelyö, ompö ara kanasyan anka tïkwïl. Lata cheptirkich nyo kanam ngöghöpo sökosin. Könyorï chane nörekyo ECHOTYON, kanam chane sïngiryo Tororöt.

ISAYA 51:20 ပူးပေါင်းရင်းမြစ်များ

ISAYA 29:9

Aleta tagh alïkuna sölwöy! Aleta tagh oköryenö! Otömesyenö akï puryö kumïn cho kaghegh! Okwongkwongisyenö kïrkegh machamcham cho le tïkwïte!

ISAYA 40:30

Sïköy nyörkölelyö pich, kïrkegh kötö kïmïnkech, oghochot pich, kïrkegh kö mïnkech.

ISAYA 49:26

Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”

ISAYA 5:25

Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.

ISAYA 51:17

Chïkana, we Yerusalem! Kutkutö kegh, ainget! Kegheghanyi kölöwo ECHOTYON nyo pö kiwongunöt nyo kikoninyi ghegha ompö nörekyenyi. Kewisanyi aikwangkwanga le ptamasyan.

ISAYA 51:21

Kïlenyona atere akwa pipö Yerusalem cho omi nyarïl, akwa cho kotömesyö amelö ompö dipay,*

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

ISAYA 8:21

Tompöroryegho nyu pich kor atoni, meghsot mutïnö nyoman akwam kömöy. Chïpöy nyu chane pöytoghintengwa nko Tororötïngwa otini mi chane nyarïl ompö kömöy nko nörekyö. Kïrkegh kïlentöy kïtopönöy yïm,

YEREMIA 14:16

Wonyot lenyoni tïkwïl pïchoni kïmwochï werkoyichoni ngalechoni. Kichoghchini porwöyikwa ortïna kanasyanta Yerusalem akï puryö chi nyo tïpöy chane. Sitöt nyoni nyo nyoru chane löwïr, koru nko monïnge cho le tipïn nko cho le wor. Oghan lenyoni akwompö ngokï cho kigh chane.”

YEREMIA 14:18

Nyini kolïtön sany otuyeghan muntïruch, pich cho kikïpar ompö poryot. Akwato olïtön kanasyan ori, otuyeghan pich cho kimeghö ompö kömöy! Mi werkoy nko tïsï kïsïngo pöghisyewutkökwa wölo menkïtcha kokay lö mi kwighöy ne.”

LOK 1:15

“Kisas Echotyon nyökon pö piköchan cho pö poryot, akïyonï lïk nyo kingwïn kïpar piköchan cho le chumwak Kitïghotïgh piköchan cho pö Yuda le matay cho kïtïgho könö.

LOK 1:19

“Kyokurön kongot kungarakanïn wölo kilïsanïn chane. Kimeghyö tïsichan nko poy cho ngöghomöch ompö ortïna kanasyan, otini kiyörchinotoy kegh omisyö mömeghö.

LOK 2:19

Ngeta airir ainget airir kïyech mwochinö Echotyon kisusut löwïr cho mi mïkulöwungu mwochinö kusyonchï moneku cho kenkïyuy ompö kömöy ompö ortïna kanasyan löwïr.

LOK 4:11

Kimïlï ECHOTYON nörekyenyi kïmïkul, nörekyö nyo ngwan lakat, akïpela ma kanasyanta Sayon kïnagh kuwonyö lö körpïs.

LOK 4:2

Ki pïchighöch chumwakayi Sayon* kikiyitöcha lö karkegh nko koltin cho kwerkwersot, wölo ye karkegh nko töreni nyïngwïtyan.

LOK 5:13

Kakichikyï chumwak kïngagha pagh le sekey, churyonu karachina cho kikitö kïkösönï kwen cho nïkisöch.

ESEKEL 12:13

Atolapay nyu aluman nyinte netïnyi, kïnam nyu nyinte ngöghöpunyan atolapay opön Papilon koro Papilonia, amasïwanye wölini, akeporchini wölini.

ESEKEL 17:20

Otöninan ngöghöpunyan nyinte tökïchïnchï tökïnam nyinte. Opunan nyinte nko Papilon ato orwokyan ompö wölini ompöwölo kapeny kirurut.

ESEKEL 39:19

Omöy sunet ntökïpïghyö akïlï kisön ntökïtömesyö ompö ichonto amöros nyo oghchinan chane.

KINONO KIRURUT 14:5

nko cheptirkich nko asarïch nko ptukö nko arta wuw nko kecha kamas nko korinya anta siran.

KINONO KIRURUT 28:20

“Ato aghakwa ngokï apïstö ECHOTYON, kwipkokwa nyinte chïpö nko nyarïl nko kichopat ompö kïgh anka tïkwï nyo oghekwa ntökïtenö owonyenökwa lawel lömïs.

NGONGUT 14:10

kïgheghöy chichoni dipaypa* nörekyo Tororöt, cho matasa chi pögh ekeyin kikompeto nörekyenyi! Kinyörilo chichoni ma, mapa koghïn cho nöghsot ompö tawu malayken cho tïlilöch nko Wawa Kech.