ISAYA 51:16 - PIPÏLIA

¹⁶ Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 51:16 ပူးပေါင်းရင်းမြစ်များ

TUMWÖY 75:3

Kïrkegh kïpotan ngwïnya nko pikachi löwïr, kwani nyo onömöy pchörinechi kïchïchïm.

TUMWÖY 91:4

Yenoninyi köpepokachi, itöponyi ato tïghume ompö ripötenyi. Otöptanyi nyo ghanate kï longa.

TUMWÖY 92:13

Kïkötkötyini chane Kö pö ECHOTYON, cho pito kiroryo Koto Tororötïncha.

WUWÖT 33:22

Akï otini weröy töroryenyan otöninan körerutyo kagh, akartegheninyi ewunyu ntökïtenö aweran,

WUWÖT 4:15

Ingölonenyi nko nyinte aimwochï ngale cho ngölonöy anetokwa kïgh nyo oghekwa.

ISAYA 45:18

Ompöwölo mwoghöy ECHOTYON, nyo kigh yïmwöy lö, nyinte kï Tororöt! Nyinte nyo kigh ngwïny kughyö kokay. Melö kigh ngwïnyinï kïlïkwï siriron, wölo kigh kïlïkwï wölo möngöy pich. Nyinte nyini lentöy, “Ochan ECHOTYON akï möminye anka.

ISAYA 48:13

Kigh ewunechan pchörino ngwïny, akughïtö wölnö le mïröt. Otini kokurön ngwïny nko yïm pkonöy chane panini.

ISAYA 49:2

Kigh nyinte ngalechan kïngötipöchitu le chok nyo, akïwïngenanïn rurweto ewunyi. Kighanïn akarkegh nko kotöt nyo kikïsit akïwïnchanïn möronkinyi.

ISAYA 49:8

Akïlenchï ECHOTYON pikachi, “Kyomölyöngwokwa atanya kitökïchömunote, angarakakwa ompö asispa sörunöt. Otötonokwa olïkune muma* ompö pipö ngwïny löwïr. Apïswokwa ngat omïlonchenö korengwo, kor nyo kikechal akepïstö kïlïkwï siriron.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

ISAYA 57:19

Otöninan pich löwïr kalya, cho lekïtöch nko cho möngöy wölo low! Osopan pikachu.

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 65:17

Mwoghöy ECHOTYON lö, “Oghan ngwïny nyo rel nko yïm nyo rel. Kïwutyeghö kïpa kokay tïkwïn cho kipö tagh.

ISAYA 66:22

“Kïle wölini ghyongtoy ngwïnya nyo rel nko yïm nyo rel ompö owesyenyan, kughyongtoy lenyoni pïnwöyikwa.

YEREMIA 1:9

Atolapay kughïtö ECHOTYON ewunyi akïswany kutinyan akïlenchanïn, “Rosa yenyu lö kotönön ngalechan kutingu.

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

YEREMIA 32:38

Lïku nyu chane piköchan alïkwan Tororötïngwa.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

SAKARIA 8:8

atolapay aghamïtwan kïpka kanasyanta Yerusalem. Lïku nyu chane piköchan, alïkwan Tororötïngwa. Opöytenan chane ompö kighanat nko man.”

YOANA 17:8

Kyomwochan chane ngalechanye kikonaninyi akakïtach chane akunkïtï nyoman lö, kyangwïnan wölo imitenyi akughan lö nyi nyo kiyokwanïn.

YOANA 3:34

Mwoghöy chichoni kiyonï Tororöt ngala Tororöt, ompöwölo töni Tororöt nyinte Mïkulögh kuwayta.

KINONO KIRURUT 18:18

Oyonchinan chane werkoyon nyo karkegh nko nyi nyo ngwïno pikökwa kegh, onetan nyinte ngal cho mwoghöy akïmwochini nyinte chane kïgh anka tïkwïl nyo omwochinan.

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

EPRANIA 8:10

Anyï muma nyo oman nko pipö Israel, mwoghöy Echotyon otöninan kirurutkachu kinonutkökwa ori, akirchï kirurutchoni mïkulöwekwa. Olïkunan Tororötïngwa, kïlïkwï chane piköchan.

2 PETRO 3:13

Wölo kïköngecha kïgh nyo kikuyomiswecha Tororöt. Nyoni kï yïm nyo rel nko ngwïny nyo rel wölo möngöy man.

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,