ISAYA 5:6 - PIPÏLIA

⁶ Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

ISAYA 5:6 ပူးပေါင်းရင်းမြစ်များ

1 PÖYTOGHÏ 17:1

Kimi werkoyonta nyo kikuro Eliya nyo kingwïno chi pö Tispe ompö Kiliad. Kungwïn akïmwochï pöytoghin Aap lö, “Omwowunyi ompö kaynata ECHOTYON Tororöt pö Israel nyo opöghisyechinan lö melö tökïmi röyöntö anta rop ompö könyis cho pkonöy ntökïtenö omwowan lö ropönöy.”

1 PÖYTOGHÏ 8:35

“Ato iratanyi rop ompöwölo kewunyi ngokï piköku, akïkötö chane ngokikwa akïpka wölo imitenyi ompö rïngata kegh, ompö Köyete kïsogheninyi,

AYUPU 31:40

kïmïchini nyu kïpita kato nyo kötöpito nkanun, akïpita wuw nyo kötöpito matay.” Köngötisyeghö yete ngala Ayupu.

NGÖTÏNYÖ 24:31

ne köny! Olan aros kipita kato paranay kïghömï, kuyen sïkwuny ngwïnyi kïmïkul akunyany nayatunyi nyo kikïteka koghïn.

ISAYA 24:12

Kitïryalit kanasyante, kikeriy kukotichi kunyorisyö.

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

ISAYA 32:10

Ochikwa pïghyongote otï le ye, wölo meghyonokwa mïkulis ato teno nyete könyinï ngwïnöy, ompöwölo mökïmicha sapipun cho rïröy atopïtökwa.

ISAYA 49:19

“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.

ISAYA 55:13

Pito saypras wölo kötö pito tïkawkaw, kïpita kapïrïmen wölo kötö pito panyïrit. Machey nyoni nyo töpo kokay, lïku kinonutyo kïgh nyo kaghan ante ECHOTYON.”

ISAYA 7:19

Pkonöy kunyïghitöy kïghömï renkeröy nko köpönot cho mi ghatoy nko wuw pö kato nko wölo oketïyi kyakï tïkwïl.

YEREMIA 14:1

Kilenchanïn ECHOTYON paraku pekat,

YEREMIA 14:22

Ayo, muköy tororötino putintön chay soghöy pipö punton kïkonï rop nya? Akumuköy yïmö onkït kïkonï pkopïson? Mönyinye onkït nya we ECHOTYON Tororötïncha nyo ighöy choni löwïr kumukisyö? Kïlenyona kiketönöcha kikönötencha moriku.

YEREMIA 25:11

Lïku koronï kïratyan nyo möchömönye chi kong kuros. Pöghisyechini puntonichoni löwïr pöytoghinto Papilon ompö könyis 70.

YEREMIA 45:4

“Wölo omwowunyi ye ante ECHOTYON lö, orulan kïgh anka tïkwïl nyo kyatekan angaghan kïgh anka tïkwïl nyo kyakatkatan ompö ngwïny kïmïkul.

LOK 2:6

Kiraprap ECHOTYON konyi nyo pö saghat le söpoto par. Kitagha ECHOTYON Sayon kïkonyït ichontin nko Sapato.* Katagh tïkwïl pöytoghin nko tïsin anka tïkwïl ompö nörekyenyi nyo ngwan.

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

OSEA 9:6

Kïrkegh operteghena kiwurat nyo pïnï, supokwa Misri akïtïpchikwa Mempis. Omöy wuw kaplawachitinekwa cho pö silpa akulum emenikwa kato.

YOEL 1:7

Kikunyar ketiko sapipune chan akïnyaghaghnyagh ketichan walaka cho pö akwa. Kikwöl perka akuchunchï ngwïny.

AMOS 4:7

Kyaratan ilat ompö akwa kïtomö aro sömök tökekosisyö otöninan rop kanasyan akonga omulön rop kanasyante anka ropönchini paren walaka, wölo melö ropönchini paren walaka.

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.

NGONGUT 11:6

Tïngeto söwichoni le odeny owesyö kïkar yïm maropan ompö osiswechoni mi chane kwomtoy ngölyonto Tororöt. Tïngeto chane tïkwïl owesyö kïwaghach pögho kori pöghon löwïr kïlïkwï kisön nko owesyö nyo tyorchini ngwïny sömewut cho wongöy pich le wölini kachamta chane.