ISAYA 5:4 - PIPÏLIA

⁴ Ne nyo kingötï nyo melö kyoghchan parenyu? Kwompö ne tökuyinu akwa cho ngwonöch cho melö kyokönan, nyinö kiteyinu cho karamach?

ISAYA 5:4 ပူးပေါင်းရင်းမြစ်များ

WUWÖT 37:22

Lïku akonga tapïkyan nyo tomönye kïnganya nko morikwa nko pchöri akikitanga koltin cho pïchighöch.

ISAYA 1:5

Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

YEREMIA 2:21

Wölo nyu kyakatkatinyi le sapipu nyo kyokïlchan kegh, sapipïyon nyo pö kösïghyon nyo karam. Kwompö ne nyu tewaghakenanyi inyara, ailïkwï sapipïyonto wuw?

YEREMIA 2:5

Lentöy ECHOTYON, “Ghöyïn ne nyo kisïwechanïn papotïnekwa, tökusïrar kegh akïsor kïsagh tororötin cho möle akïlïkwï chane kwïle nya?

YEREMIA 24:2

Kimi makany cho kirïr nyo karam köröpe akonga, kïmi cho ghach akï cho memukönye chi kwam köröpe nyinö anka.

YEREMIA 7:25

Kïngeta atanya kingetunö papotïnekwa Misri nko ye, kyoyokwan kïtenö osis mötworichan cho le werkoy,

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

OSEA 10:1

Kilenye Israel sapipu nyo pïchigh nyoman nyo yinöy akwechi kuten. Le otini kiyï sapipun kïlïkwï, kïtösöy tagh kïtekyini kegh wölay kïpelo amörostin. Le wölini kitas tagh korengwa kïlïkwï, kïminöy chane tïkwïl wölo sogho.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!