ISAYA 5:30 - PIPÏLIA

³⁰ Mororchini Israel ato itï asisoni kïmarikit kïkarkegh nko nanam. Arosa koronï! Kilum tuwïn nko nyarïl! Kanyïkwïda tuwïn löpoyïn ompö tuwïntanyi.

ISAYA 5:30 ပူးပေါင်းရင်းမြစ်များ

OMTOGHIN 12:2

Atoni nyu ato potöy löpoyïn pö asis nko arawa nko kokel akuyokwï kegh poltoy.

ISAYA 13:10

Kimisöy kokelyan anka tïkwïl nyo mi yïm, akemis kïgh anka tïkwïl nyo lïwuno wölnö le mïröt, tuwitu asis otini kapusï, akï möminye löpoyïn nyo lïwuno wöloni arawa.

ISAYA 13:4

Alïma kiteghat nyo ngwïno kutïngkot, kighumöt nyo pö söpïch pö pich. Kighumöto pipö punton nko pöyunötin cho kighamït kegh! Katat ECHOTYON Kimuktoghin pikachi cho setöy atökïpa kïporyö.

ISAYA 17:12

Ghumonu puntonï cho owesöch le kighumöto nanam, akïle mirtino pögh cho syolöy kegh.

ISAYA 30:6

Anyï ngölyon nyo kïmwochini tyonkïn cho pö okumpö ewu tagh kor nyo le surkwen nyo mwochini Tororöt chane lö, “Kirutö pich cho ghyongchini korengwa ompö koroswo puntoni walaka. Kiwerata chane kor nyo ki wow tapan, kor nyo kichang ngötunywö nko moroyut cho kitïng ngwonö nyo wow nko moroyut cho pegho mïröt. Kikasana chane sïkïröy nko tamasay ropöw cho pö olyot nyo wow cho kipetöy kïropchini pich cho kimemukcha kungarak chane.

ISAYA 59:9

Kïlö pïchay, “Kakinkïtucha ye nyu lö ompö ne tömösörunenecha Tororöt ewuneko pungköcho. Kikïmitecha kekönöy lö kïnyoru löpoyïn, wölo kimökïnyoruchanye kïpoto tuwïn.

ISAYA 8:22

anta topön ngwïny, wölo mösïwïyicha kïgh, kïpoto kömpölelyö nko tuwïn, tuwïn nyo pö otyogh, wölini kïrorchini chane asïyech.

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

YEREMIA 30:5

“Kamwaghan ante ECHOTYON lö, Kakïlïm rira nyo pö otyogh rira nyo pö mïghö amelö nyo pö kalya.

YEREMIA 50:42

Nömonu kïwantis nko ngötwö pich cho köromöch, amotïng kisyonchin. Tïköy ngwïny kughum le pögho nanam, Kikwigh kegh chane lö sïkatat, mi kïpsach kïporyegheninyi we Papilon!

YEREMIA 6:23

Kinap kegh ompö möronkit nko ngötwö, pich cho köromöch amesyonönye kïgh. Pegho chane angoletin otini pkonöy, akughumonu le pögho nanam, akïmi kïpsach kïporyegheninyi, we Sayon!”

LOK 3:2

Kimïtyanïn wölo tuw akwighanïn owesteghö ortïn cho puryö löpoyïn.

ESEKEL 26:3

“Kïlenyona lentöy Echotyon TORORÖT, koghöchan Tiro opïsunan punton cho chang kïpka kïporyegheninyi le wölo ipuntoy puseryonta ket.

YOEL 2:10

Körtoy asis nko arawa melïwï akïlö kokel tïrmïs.

AMOS 5:18

Heywey akwa cho opïrchini kwitï asispa ECHOTYON! Ngörokekwa lö ne asisoni nya wey? Ompöwölo lïku tuwïn asisoni ompö akwa, melö löpoyïn.

AMOS 8:9

Lentöy Echotyon TORORÖT ompö asisoni, “Oghan asis kïröytö nyini keghyö akïtuwit korö nyini le pöghet kwen.

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

NGONGUT 6:12

Asïwan Wawa Kech kungötiy macheyto mut nko akonga, kurïngring ngwïnya nyoman, kïwaghaka asis kïtuwit le sarankwachtin, kïwaghaka arawa kipïririt le kisön,