ISAYA 5:24 - PIPÏLIA

²⁴ Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 5:24 ပူးပေါင်းရင်းမြစ်များ

2 PÖYTOGHÏ 19:22

Ngo nyini kemwaghanyi airoröchï nya? Ngo nyï keteghchinyi aichirchï konyïn ompö menöt nya? Keratanyi Tororöt pö Israel nyo Tïlil!

NEEMIA 9:26

“Wölo kïpeny ngaleku akïtaghinyi akïpörchï patagh kirurutköku. Kïpar chane werkoyköku cho kichilöy tökuyokyinyi kegh Kichïpinyi chane kïnomnyö.

AYUPU 18:16

Yomsot ighinkachi ompö ori akïyomö sökechi.

AYUPU 8:17

Nonoghöy ighinkachi koghïn cho supote akïlït ghat anka tïkwïl tökïtenö kïkarera.

TUMWÖY 50:17

Ketaghanyi anetinyi aipïstö ngalechan.

WUWÖT 15:7

Irïntonyi punköku ompö owesyeto ororyengu, iyontonyi nörekyengu kïpel chane le sus.

WUWÖT 5:12

Kïtoyechï pïchay koronay kïmïkul pö Misri, kïyar mopö.

ISAYA 1:31

Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

ISAYA 1:4

Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

ISAYA 24:6

Nka nyoni köchïp Tororöt ngwïny. Akunka nyoni kewongwï pïchoni möngöy orinyi, akïngötï cho ngörï.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 30:12

Kïlenyona mwoghöy Tororöt pö Israel nyo Tïlil lö, “Ompöwölo kasasakwa ngölyon nyo omwowokwa, akön masat nko lïsat.

ISAYA 30:9

Chumpönöy chane nko Tororöt kïtenö osis, mïröy ngat putintön kïnomnyö akïtagh kïlïm kinetut pö ECHOTYON osis lapay.

ISAYA 47:14

“Lata chane mopö cho kiyomö, pelöy ma chane lömïs! Amemukönye ompö ntökïsörï kegh chane, ompö lyopöt pö mayoni nöghöy. Melö ma nyoni nyo lentöy chi oyïwöy, melö ma pat nyo töni chi lölöngyö!

ISAYA 7:9

Melö körom Israel kïsir Samaria, kanasyantenyi nyini wow, amelö körom Samaria kïsir pöytoghin Peka. “Kïkany ato maghanakwanye, kïmelö ochïchïmekwa nyonikïny.”

ISAYA 8:6

“Ompöwölo katagh pïchï pögho Siloa cho rotöy mut akïngörökyï pöytoghin Resin nko pöytoghin Peka.

ISAYA 9:18

Ompöwölo nöghöy ghöyityo pich le ma, nyo wuröy tapalak nko kato. Pelöy kïkarkegh nko ma nyo nögho wuw, nyo yumtoy kegh parak akuyen yïm le poltoy.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

YEREMIA 6:19

Tera nyu ngwïnya kïmïkul! Opchinan kiwurat pïchete kïrïp kegh nko tötutkökwa cho ghach, ompöwölo melö kiyang chane ngalechan, amökïkonyïtcha kirurutköchan.

YEREMIA 8:9

Kirotöy pich cho ngöghomöch ompö kwenunkwa, kwonkwongöy kïgh chane, akïnömisyö lö chïrïm. Katagh chane ngölyonto ECHOTYON. Ayo, ngöghomnyö ne nyu nyoni tïng chane nya?

ESEKEL 15:6

Kïlenyona lentöy Echotyon TORORÖT, “Kïle ato kïchenguno ket pö sapipïyon wuw akenagh, ochengan nyu lenyoni pich cho möngöy Yerusalem.

OSEA 11:9

Oyodenan nörekyenyan melö towurtenan Epraim ompöwölo ochan Tororöt melö ochan ptangengmöt. Ochan Tororöt nyo Tïlil nyo mi nko akwa melö ongwïnan owonyokwa.

OSEA 5:12

Kïlenyona olïkunan rirïm ompö pipö Epraim alïkwï chepserkech ompö pipö Yuda.

OSEA 9:16

Kikemuny pipö Epraim kilïkwï le tikit pö ket cho kiyomö amelö tökuyinöy akwa nyonikïny. Akïkïrkegh köyï monïng, owonyan monekwa chini chömo kegh.

YOEL 2:5

Lenye kighumötengwa kighumöto nkaritin, otini kenkor kunkorchï kutïngkot walisay, töltolöy le lyopöt nyo pelöy awawatyan lenye lïk nyo körom nyo kikïtïng.

AMOS 2:4

Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

AMOS 2:9

“Wölo kawanyan pipö Amori ompö tawungwa, pïchï koghöch le tarakit akwowesöch le ket cho ongeröch. Kyanyaran akwechi ompö yïm, adïngön tikitkö ompö ngwïny.

NAUM 1:10

Kïpelöy chane le wuw pö kato, nöghyot le mopö cho kiyomö.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

LUKA 10:16

Kïlenchï Yeso kinetankachi, “Chi anka tïkwïl nyo chömöy ngalekwa, kïchömöy ngalechan, akwanka tïkwïl nyo töghokwa, kïtöghanïn tïkwïl, akï nyo töghanïn kïtöghöy Tororöt nyinte nyini kiyonwanïn.”

LUKA 3:17

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

LUKA 7:30

Wölo kitagh Parisaytin* nko koneti kirurut machata Tororöt ompö parakungwa akïtagh kupatisan Yoana chane.

YOANA 12:48

Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan.

IGHISYEWUT 13:41

‘Atere nyu, akwa cho ochï sösï, atanganya apotyö! Ompöwölo oghan kïgh ompö osiswekwa, kïgh nyo moghönekwanye kïrkegh kömwowokwa!’ ”

KINONO KIRURUT 28:24

Ighöy ECHOTYON rop ompö korononi kïlïku terïtyon. Ropönchinokwa terïtyontononi ntökïtenö kuwanyokwa lömïs.

1 TESALONIKE 4:8

Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.

1 SAMWEL 15:23

Ketagh nyinte kï körökegh nko ponintön, kepeny nyinte kï körökegh nko cheporesnan.”

1 SAMWEL 15:26

Kïlenchï Samwel Saulö, “Mowetanye nko nyi, ompöwölo ketaghanyi kirurut pö ECHOTYON, kataghinyi ye nyu nyinte lïkuna pöytoghinto Israel.”