23 cho tyoköy rïmï ompö roput, akïmasa man pich cho pö man!
Kïmïrchï put pïchay le odeny nyinte ompö tawu pïchay löwïr lö, kichïp nyinte Tororöt nko pöytoghin, kïlenyona kemït Napot kïlït kanasyan sany akewira koghïn ntökïma.
Nya kïtöpö kiwaghata ECHOTYON nko akwa, aros wölo opöghisyeghtoy ompöwölo möchömönye ECHOTYON Tororöt putintön anta chamata pich walak ketagh walak anta amata asoya.”
Tuyot chane atökïrïm pipö man akurwokyï meghat pich cho mötïng lelut.
Lilöy kïgh ECHOTYON pich odeny: chi nyo tyoktoy mwokïyon mönyorï sitenyi, nko chi nyo rotöy chi pö man kipuryö lelut.
Chömöy mwokïyon kingwïsuno asoya mïlenyi, atökuryal ortïna man.
Chïpöy pich chi nyo lenchini mwokïyon, “Metïngetenyinye lelut,” akïwöch nyinte pipö punton.
Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.
Heywey! Ochech pich cho chikyini pich kiyomisut cho melö pö man nko kikirï cho kiru ngal cho rïmöy piköchan!
Kachengakwa ompö aranoni pich cho le chopot tömösïch mantangwa, amasekwa piköchan cho le mey mantangwa. Kachengekwa ompö aranoni tïpö mïsïktin nko cho pö pönon!
Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.
Wuröy Tororöt pich löwïr cho mïrchini pikö walaka put, chane cho körtoy lelï tömönyorï mantangwa nko chane cho mïröy putintön atökïkarta pipö man tömönyorï mantangwa.
Gha chi nyo le sölwö akwighöy tïkwïn cho pö sölwontön, mïröy putintön atökuwany pich cho mötïng owesyö akïtagha chane kïnyorï mantangwa.
Mito kitenata nyo le kite, nyo ato töp chi anka tïkwïl lö opïstoy ngokï, kïnyorchini kegh lelut kwen.” Kakïsïwa ECHOTYON choni akwotyö ompöwölo kiweghö kirwoko man ngwïny.
Onkïtön lö tya lelutkökwa nko wölo tenö ngokikwa, akwa cho onyörilöy kong pipö man, achengoy chane asoya, atïtïpöy ngala ptankeryan ompö kokwö.
Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”
Nkït chane kwigh nyï le ghöyityö nyoman tepöy asoya pöytoghin nko kirwokin. Mwoghöy chi nyo wow pïrchin nyo gha ompö mïkulöwunyi.
Tötomi löt kïchïnchokwa kirwoko nyarïl ompö pörsyo pipö man cho kikïmïlta kisönkökwa, kïngeta kepar Apel nyo kimötïnye lelut ntökïtenö kepar Sakaria wero Perakiya, nyay kyopörchikwa Kö pö Tororöt, kwenu atay Tïlil tya nko ato kïpelo amörostin.
Makany kïmas chane ngala man amakany kïrïwochï wop akonga anta cheng asoya, ompöwölo konyi pich cho ngöghomöch, akuryal ngala man.
Korwokikwa apar chi nyo puryö lelut akï nyo memukönye kïtagh kwigh kïgh nyo kemwochinyi kwigh.
