ISAYA 5:22 - PIPÏLIA

²² Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,

ISAYA 5:22 ပူးပေါင်းရင်းမြစ်များ

1 PÖYTOGHÏ 20:16

Kupoktö pïchay keghyö asis, otini kimi kïgheghsïyi ompö emenikwa Pen Adad nko pöytoghichay le 32 kipka kungarak nyinte.

WUWÖT 23:8

Macham asoya, ompöwölo ighöy cho sïwïyi kïköryö akïwïny man.

NGÖTÏNYÖ 20:1

Ipu dipay* kingörerat, kwipu kumïn syala, akwanka tïkwïl nyo köperöy kumïn kïmelö ngöghom.

NGÖTÏNYÖ 23:29

Pö ngo rirata tangany? Akï pö ngo rirata kötogh? Ngo nyo tïng syala? Ngo nyo tïng ngwïrngwïronöt? Ngo nyo pïröch konyïn?

NGÖTÏNYÖ 31:4

Melö pö pöytoghï, we Lemuel, melö pö pöytoghï kïgha dipay,* anta mïchï pöytoghï kïpïrchï kumïn cho ngwonöch,

NGÖTÏNYÖ 31:5

atömötöp ntökïgheghsyö chane akïwutyeghö kirurut akïmas man nyo pö pich löwïr cho mi nyarïl.

ISAYA 22:13

Wölo nyinö kitoghekwa lenyoni, opechikwa ororyö, aketa lö kïng! Kyayengakwa kechir apar tïch, amakwa pany, aghegh kumïn. Atolapay amwaghakwa lö, “Kyaketena akegheghsyö, ompöwölo kiwonyocha asïyech!”

ISAYA 24:9

Melö tökïtumöy ngat ato ghegh chane dipay. Ngwonöchitu dipayka atolentöy chane kïgheghöy.

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

ISAYA 5:11

Heywey, ochech pich cho ngetöy nyini le kiwasan tökïyarata kumïn, cho gheghsïyi ntökïpölolön oghö ntökïtömesyö lasiny!

ISAYA 56:12

Mwochini kegh ptamasischoni lö, “Apkana kepe keyaratena dipay* atökeghegha cho ngwonöch cho teno cho kakimuköy kegheghe! Körköyitu asïyech ko asisete, akï köromitu tya ompö!”

APAKUK 2:15

Ochech chi nyo ighöy pöröryenyi kïghegha kölöweto nörekyenyi atökumï kuros nyinte kïmi kïchïrut!