ISAYA 5:16 - PIPÏLIA

¹⁶ Wölo kikusöy ECHOTYON Kimuktoghin ompö man akuporu tïlilyenyi ompö kirwok nyo rwokyini pikachi.

ISAYA 5:16 ပူးပေါင်းရင်းမြစ်များ

1 OTÖPTINO OSIS 29:11

Ichinyi wow aitïngönyi owesyö nko ororyö nko rïntagh nko kimuytaghat. Tïkwïn cho mi yïm nko ngwïny kï cheku aichinyi pöytoghin iminyi paraku tïkwïn löwïr.

TUMWÖY 21:13

Kïsölichanyi, we ECHOTYON, ompö owesyengu nyo wow! Kïtumecha akesal owesyengu. Ompö kintöghoghinto tumï. Kïrïp kegh nko tum pö “Cheptirkich pö kiwasan.” Tum pö Daudi.

TUMWÖY 46:10

Lentöy nyinte, “Osisyenö ankïtï lö, ochan Tororöt! Osïkonan ororyö punton löwïr, osïkonan ororyö ngwïny kïmïkul!”

TUMWÖY 9:16

Kinkït ECHOTYON ompö mantanyi, kanam nyinte wökï ompö ighisyewutko ewunekwa.

ISAYA 12:4

Itu asis ato tumöy pich lö, “Oyokyinö ECHOTYON sörö! Okurö nyinte tökungarakekwa. Omwochinö pipö punton kïmïkul pöghisyewut cho kegh nyinte amwochï chane wölo töror nyinte kïlïkwï!

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

ISAYA 2:9

Kimïnïngitöy nyu chi anka tïkwïl aketö arasï. Melöstoghchï chane ECHOTYON!

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 29:23

Ompöwölo otini kasïwekwa monïng cho okonokwa, onkïtukwa nyu lö ochan Tororöt pö Israel nyo Tïlil. Okonyïtanïkwa, atïlil kaynatenyan.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 33:10

Mwochini ECHOTYON pipö punton kïmïkul lö, “Ongetan ye nyu, oporunan wölo ochan awes kïlïkwï.

ISAYA 33:5

Wechï töror ECHOTYON! Pöytoy kïgh anka tïkwïl. Nyïghitöy Sayon* man nko kitenat

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 6:3

Kimi kïkuröy kegh kïlentöy! “Tïlil, tïlil, tïlil! Tïlil ECHOTYON Kimuktoghin! Nyïghiti ororyenyi ngwïny.”

ISAYA 61:8

Mwoghöy ECHOTYON lö, “Ochöman man, wölo otöghan wököt nko rïmö Otöninan pikachu ropöw ompö kighanat, aman muma* nyo pö kokay nko chane.

ISAYA 8:13

Poto ani ECHOTYON Kimuktoghin nyo okonyïtekwa, akanya kutang kiwaghatenkwa wölo mi nyinte onkït.

ESEKEL 20:41

Ochömokwa nyu le ngutöwon nyo karam, otini kopkokwa apkanena koros cho kikitoytoychekwa aghamïtekwa löwïr, achaman nyu amörostinekwa atolapay oporunenokwa tïlilïntanyan ato kïsïwa puntonï.

ESEKEL 28:22

lentöy Echotyon TORORÖT, ‘Koghöchanïkwa we pipö Sidon, ongwïnan oporu ororyenyan ompö kwenunkwa. Nkïtu nyu pich lö ochan ECHOTYON otini korwokyan chane akïsïwa tïlilïntanyan.

ESEKEL 28:25

Kïlenyona lentöy Echotyon TORORÖT, “Otini kaghamïtwan pipö Israel ompö wölini kipa, kunkïtï nyu puntonï lö ochan tïlil. Akïmang nyu pipö Israel korengwa, nyini kyotönön mötworintenyan Yakopo.

ESEKEL 36:23

Oporchinan kaynenyan nyï wow tïlil punton, nyï kyosïmnyonökwa ompö kwenungwa, tökunkïtï nyu chane lö ochan ECHOTYON. Mwoghöy Echotyon TORORÖT.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 38:23

Kïlenyona oporunan owesyenyan nko tïlilyenyan aporchan kegh punton cho möngörï, kunkïtï nyu lö ochan ECHOTYON.”

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

LAWIN 10:3

Kïlenchï Musa Aron, “Kimwowï ECHOTYON ngalechï otini kilö, ‘Mïchini kïkonyït pich löwïr cho pöghisyeghwanïn tïlilyenyan aporchinan chane ororyenyan.’ ” Kïsï Aron lasay.

KIYITUT 20:13

Kighisyö choni ompö pögho Meripa, wölay kingwïrngwïronchineghö pipö Israel ECHOTYON, akuporchï ECHOTYON chane tïlilyenyi.

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

1 PETRO 1:16

Lentöy Kikirut, “Otïlilitunö, ompöwölo ochan tïlil.”

1 PETRO 2:15

Ompöwölo machata Tororöt akarakwa kutïw pich cho ngölonöy sölwontön le pich cho mötïngcha chïreryö ompö ighisyewut cho karamach cho oghekwa.

1 PETRO 3:15

Wölo okonyït Kristo* le Echotyon ompö mïkuliskökwo. Otïpï kïpsach kïtenö osis omwochï lasiny chi anka tïkwïl nyo tepokwa ngölyon kïrïp kegh nko kikönöt nyo mi orinkwa.

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”