ISAYA 5:11 - PIPÏLIA

¹¹ Heywey, ochech pich cho ngetöy nyini le kiwasan tökïyarata kumïn, cho gheghsïyi ntökïpölolön oghö ntökïtömesyö lasiny!

ISAYA 5:11 ပူးပေါင်းရင်းမြစ်များ

2 SAMWEL 19:35

Otïngetan ye könyis 80, melö tosïwïyan kïgh nyo karam nko nyo gha amelö tonkïtön kïgh nyo kyomöy anta cho kïgheghöy amolïmanye kutïwa tumï. Pö ne nyu alïkwan nïkisïn ompö nyi nya pöytoghin?

NGÖTÏNYÖ 20:1

Ipu dipay* kingörerat, kwipu kumïn syala, akwanka tïkwïl nyo köperöy kumïn kïmelö ngöghom.

NGÖTÏNYÖ 23:32

Ato mi söröm kïsïr le moroy, akïsïröy le mïny.

ISAYA 22:13

Wölo nyinö kitoghekwa lenyoni, opechikwa ororyö, aketa lö kïng! Kyayengakwa kechir apar tïch, amakwa pany, aghegh kumïn. Atolapay amwaghakwa lö, “Kyaketena akegheghsyö, ompöwölo kiwonyocha asïyech!”

ISAYA 24:9

Melö tökïtumöy ngat ato ghegh chane dipay. Ngwonöchitu dipayka atolentöy chane kïgheghöy.

ISAYA 28:1

Heywey! Wechï kawir paytaghpa Israel. Kösilön ororyö nyo kötïng kintöghoghikwa cho tömesyot le tapïkoy cho kösilonchö. Kinyita mötöwekwa mwagh nyo ngutoy nyo karam, wölo achona chane rusot, kimeghö ompö tamasat.

ISAYA 28:3

Kïtïkotegho kelyön asïyech menöto kintöghoghi choni le ptangengmötin.

ISAYA 5:22

Heywey! Ochech pich cho köromöch kïgha dipay* cho le nyökon, mïrön cho owesöch cho kulkulyot kumïn cho ngwonöch,

ISAYA 56:12

Mwochini kegh ptamasischoni lö, “Apkana kepe keyaratena dipay* atökeghegha cho ngwonöch cho teno cho kakimuköy kegheghe! Körköyitu asïyech ko asisete, akï köromitu tya ompö!”

APAKUK 2:15

Ochech chi nyo ighöy pöröryenyi kïghegha kölöweto nörekyenyi atökumï kuros nyinte kïmi kïchïrut!

APAKUK 2:5

“Lïsöy pich sïkönöt memungöcha pich cho nisonchot opoghöch le ngwen akïlata chane meghat nyo melö pïghyongöy. Nka nyoni ghömïtyini kegh puntoni ngwïny kïlïkwï pikökwa kegh.”

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

RUMI 13:13

Kemöngisyenö ompö or nyo tenate, le pich cho pestegho löpoyïn pö pöghet. Melö ompö aketagh kïsamta nko tamasa anta sïmnyontön nko cheporesnan anta syala nko sastagh.

1 KORINTO 6:10

anta mosï anta sïköyö anta ptamasis anta kiswomï anta chorï.

KALATIA 5:21

Kepö kegh sikong, tamasa, chepomutnön nko ngale walaka cho karkegh nko choni. Orirwokwa ye le atanye kökyarirwakwa tagh lö, mömïlöcha Pöyunöto Tororöt pich cho ighöy tïkwïn cho lata choni.

1 SAMWEL 25:36

Kïwö Apikail kaw, kïnyorï Napal mi ichon kwen nyo lata nyo pö pöytoghin. Kökingarak Napal nyoman ompö mïkulöwunyi akitamasate tya. Kïlenyona mömwochïnye nyu nyinte ngalechay ntökïyech.