ISAYA 49:9 - PIPÏLIA

⁹ Olenchinan pich cho le mampustin, ‘Ochikwa tyokote, opechinö kegh,’ alenchan pich cho mi tuwïn, ‘Apkana wölo mi löpoyïn!’ Nyoru omisyö ompö wölini kapa, kïrkegh kapa wölo le komos.

ISAYA 49:9 ပူးပေါင်းရင်းမြစ်များ

TUMWÖY 102:20

Atökïlïm kiwongunöto pich cho rötote, akutyak chane cho kökikerwokyï meghat.

TUMWÖY 146:7

Töni pich cho kireyöy mantangwa akïpagh chane cho amate kömöy. Tyoköy ECHOTYON pich cho rötote.

TUMWÖY 22:26

Omisïyi meyï akïpïghyö lasiny, pich cho pkonchini ECHOTYON kïsölöy nyinte. Nya kïnyorï chane perur kokay.

TUMWÖY 69:33

ompöwölo terchini Tororöt chopot amelö wutyegho pikachi cho rötote.

ISAYA 41:18

Oghan champilwoy cho yintegho pögh cho pkono kutïngkot cho möpitonye kïgh akïwïcha pögh wölo le mpöghoghöy cho tïyome. Owöghökan kor wölo yamate kïlïkwï takaray akïrumunö kori pöghon kor wölo tïyame.

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

ISAYA 42:7

ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

ISAYA 48:17

Mwoghöy ECHOTYON, sörunintenkwa, Tororöt pö Israel nyo Tïlil lö, “Ochan ECHOTYON Tororötïnkwa, nyo netokwa atonyorunö kinyiwut, ontöghoghwokwa arïpa or nyo mïchini.

ISAYA 5:17

Oketïyi nyu ato mi wara kechir le wölo koketïyi kïnomnyö, akwam to lödo kïpïstö.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

ISAYA 65:13

Nyo omwowokwa ye nyu lö nyoru omisyö nko pögh pich cho soghanïn akïrïpöy ngalechan, poto akwa cho osutyot akwamak maral. Ngörekyot chane wölo onyorunekwa arasï.

ISAYA 9:2

Kasïwa löpoyïn nyo wow pich cho kipegho tuwïn. Pich cho kimöngöy koro tuwïn nyo kiwur, wölo kelïwchï chane löpoyïn.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

ESEKEL 34:29

Otöninan chane kor nyo rïröy tïkwïn löwïr nyo melö tökukoryot kokay ompö korengwa anta roröchï puntoni.

YOEL 3:18

“Akwompö asisoni yinuno kutïnkot dipay cho kirïr, kuyinuna ronkotïn chö, akuyintoy lalwatïna Yuda lapay, akïghyögho kompa pögh Kö pö ECHOTYON Tororöt.

LAWIN 25:54

Ato memuko kyal ngat nyinte le nyï, ketyoköy nyu nyinte nko monechi ompö könyi kilïngat.

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

LUKA 1:79

atökulïwchï chane cho mi tuwïn akïmöngöy rurwo meghat akwigh kelyecha kïtïkata ara pöghisyö.”

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

YOANA 10:9

Ochan kukat. Ato lït chi anka tïkwïl kuweranïn kesöru, lïtöy nyinte kö akïwetöy sany akïnyoru aketagh.

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

EPESO 5:14

ompöwölo ighöy löpöyïn kïgh anka tïkwïl kïrumï. Nka nyay mwoghöy Kikirut lö, “Chïkana, nyi nyo irïwöy, aitutunö ngwen, atökulïwchin Kristo!”

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

KINONO KIRURUT 32:13

“Kitö chane kïpayta kor wölo le mösop, akwam tïkwïn cho kipkono paren. Akïlany ponit pö ghatoy, kïpita ketikwa cho pö arol wölo le kaghnötyan.

KOLOSAY 1:13

Kisörunenecha nyinte owesyo tuwïn akuwuwecha nyo karam kelïte pöyunöteto Werïnyi nyo le chamanenyi.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.